12-nji dekabr — Halkara Bitaraplyk güni

Garaşsyz Türkmenistanyň daşary syýasatynyň esasy hem möhüm ugurlarynyň biri-de Ýer ýüzünde ählumumy howpsuzlygy hem-de abadançylygy üpjün etmäge mynasyp goşant goşmakdan ybaratdyr. Bu babatda bütin dünýäde ykrar edilen Bitaraplyk derejesi ýurdumyza aýratyn hukuklary berýär we halkara ähmiýetli giň gerimli işleri üstünlikli durmuşa geçirmek üçin uly mümkinçilikleri döredýär.