Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Ýaş tennisçileriň sport baýramy

Düýn türkmen paýtagtynda tennis boýunça «Ashgabat Open 2024» atly halkara ýaryşa badalga berildi Täze taryhy döwrümizde Gahryman Arkadagymyzyň hem-de hormatly Prezidentimiziň tagallalary bilen ýurdumyzda ýokary derejeli sporty ösdürmek babatynda alnyp barylýan işler özüniň oňyn netijelerini berip, halkara derejede ykrar edilýär. Şunuň bilen baglylykda, paýtagtymyzda iri sport baýramçylygynyň — 14 ýaşa çenli ýetginjek oglan-gyzlaryň arasynda tennis boýunça «Ashgabat Open 2024» atly halkara ýaryşyň geçirilmegi ata Watanymyzyň sport abraýynyň nobatdaky gezek dabaralanmasy bolar.

11 Noýabr 2024

Sport

Ýaş tennisçileriň sport baýramy

Düýn — 11-nji noýabrda diňe bir ýurdumyzyň däl, eýsem, tutuş sebitiň sport merkezi hökmünde ykrar edilen paýtagtymyzda 14 ýaşa çenli ýetginjek oglan-gyzlaryň arasynda tennis boýunça «Ashgabat Open 2024» atly halkara ýaryşa badalga berildi. Aşgabadyň Olimpiýa şäherçesindäki Tennis toplumynda 16-njy noýabra çenli dowam etjek sport baýramyna ýaş ildeşlerimiz bilen birlikde Türkiýe, Hindistan, Özbegistan, Täjigistan, Gazagystan, Birleşen Arap Emirlikleri, Eýran Yslam Respublikasy, Iordaniýa, Beýik Britaniýa, Malaýziýa ýaly ýurtlara wekilçilik edýän zehinli tennisçiler gatnaşyp, baýraklar ugrunda göreşerler. Meşhurlygy artýan oýun

11 Noýabr 2024

Sport

Ýeňil atletika boýunça Türkmenistanyň Kubogy

Aşgabat şäherinde Türkmenistanyň Bedenterbiýe we sport baradaky döwlet komiteti we Türkmenistanyň ýeňil atletika federasiýasy tarapyndan sportuň ýeňil atletika görnüşi boýunça Türkmenistanyň Kubogyny almak ugrunda ýaryş geçirildi. Ýaryşa Diýarymyzyň welaýatlaryndan we Aşgabat şäherinden güýçli türgenler gatnaşdylar. Ýaryşyň esasy maksady hormatly Prezidentimiziň ýurdumyzda bedenterbiýäni we sporty ösdürmek baradaky döwlet syýasatyny wagyz etmekden, milli ýygyndy topara türgenleri saýlap-seçip almakdan we dünýä kubogy ugrundaky hem-de iri halkara ýaryşlara taýýarlyk görmekden ybaratdyr. Çekeleşikli geçen bäsleşikde Alp Arslan adyndaky harby mekdebiň okuwçylary Şatlyk Şallyýew, Meýlis Çaryýew, Sylapberdi Berdimyradow we Ýusup Rozmammedow dagy üstünlikli çykyş etdiler. Olar toparlaýyn ýüz metr estafeta ylgawynda baýrakly ikinji orna mynasyp boldular. Ýaryşyň ýeňijilerine Hormat hatlary, sowgatlar gowşuryldy.

11 Noýabr 2024

Sport

Welaýatyň çempionaty

Daşoguz welaýatynyň bedenterbiýe we sport baradaky Baş müdirliginiň guramagynda ýakynda Daşoguz şäherindäki 6-njy sport mekdebinde sportuň woleýbol görnüşi boýunça  welaýatymyzyň çempionlygy ugrundaky ýaryş geçirildi. Bu ýaryşa Daşoguz şäherindäki harby bölümden, Akdepe, Görogly, Şabat, Saparmyrat Türkmenbaşy  etraplaryndan erkekler we aýal-gyzlar toparlary gatnaşdylar.

11 Noýabr 2024

Sport

Halkara sport ýaryşyna badalga berildi

Arkadagly Gahryman Serdarymyzyň parasatly baştutanlygynda Berkarar döwletiň täze eýýamynyň Galkynyşy döwrüni türkmen sportunyň altyn sahypalary bezeýär. Garaşsyz Türkmenistan ýokary netijeli sportuň we köpçülikleýin bedenterbiýäniň depginli ösýän, halkara sport ýaryşlarynyň yzygiderli geçirilýän ýurduna öwrüldi. Ynha, şu gün – 11-nji noýabrda paýtagtymyzdaky Olimpiýa şäherçesiniň Tennis toplumynda 14 ýaşa çenli ýetginjek oglan-gyzlaryň arasynda geçirilýän «Ashgabat Open 2024» atly halkara sport ýaryşyna badalga berilmegi bu hakykaty ýene bir ýola subut edýär. Hormatly Prezidentimiziň tennis boýunça  «Ashgabat Open 2024» atly halkara ýaryşa gatnaşyjylara iberen Gutlagynda: «Eziz Diýarymyzyň  sport taryhynda möhüm waka boljak bu ýaryşyň sport ulgamynda halkara hyzmatdaşlygy pugtalandyrmaga, parahatçylygy we dostlugy dabaralandyrmaga, Olimpiýa hereketiniň  ýörelgelerini wagyz etmäge hem-de ornaşdyrmaga, tennis boýunça ýaş türgenleriň ussatlyklaryny, tejribelerini artdyrmaga uly goşant goşjakdygyna berk ynanýaryn» diýen dürdäne sözleri berk bedenli, sagdyn ruhly nesliň kemala gelmegi baradaky üns-aladanyň dowamlydygynyň aýdyň güwäsidir.

11 Noýabr 2024

Sport

Erkin göreş boýunça etrabyň açyk birinjiligi geçirildi

Dänew etrabynyň bedenterbiýe we sport bölüminiň guramagynda erkin göreş boýunça 2012 ― 2013-nji ýyllarda doglan oglanlaryň arasynda etrabyň açyk birinjiligi geçirildi. Oňa Aşgabat şäherinden we Balkan, Lebap hem-de Mary welaýatlaryndan türgenleriň 210-dan gowragy gatnaşdy. Agram derejeleriniň 10-sy boýunça geçirilen ýaryşda 24 kilograma çenli agram derejesinde Kerim Baýramow, 27 kilograma çenli derejede Nuraly Rozykulow (ikisi hem Dänew etrabyndan), 29 kilograma çenli derejede Şöhrat Zaripow (Türkmenabat şäherinden), 32 kilograma çenli derejede Batyr Gurbanow (Balkan welaýatyndan), 35 kilograma çenli agram derejesinde Ulugbek Ereşow, 38 kilograma çenli agram derejesinde Nurmuhammet Jumaýew (ikisi hem Türkmenabat şäherinden), 41 kiograma çenli agram derejesinde Sanjar Suhrabow (Dänew etrabyndan), 44 we 48 kilograma çenli agram derejelerinde Begendik Nurmuhammedow bilen Röwşen Döwletgeldiýew (ikisi hem Saýat etrabyndan), 51 kilograma çenli agram derejesinde Süleýman Hemraýew (Balkan welaýatyndan) ýeňiş gazandylar.

11 Noýabr 2024

Sport

Köýtendagly türgen ― sambo boýunça dünýä çempiony!

Welaýatymyzyň samboçylarynyň birnäçesi Gazagystanyň Astana şäherinde geçirilen dünýä çempionatynda baýrakly orunlara eýe boldular. Düýn ― 10-njy noýabrda tamamlanan çempionatda Köýtendag etrabynyň 3-nji sport mekdebiniň tälimçisi Muminjan Arzikulowyň söweş sambosy boýunça dünýäniň çempiony bolandygyny aýratyn nygtamak gerek. Sambonyň şu görnüşi boýunça zenanlaryň arasynda 50 kilograma çenli agram derejesinde bolsa Çärjew etrabynyň 1-nji sport mekdebiniň tälimçisi Bägül Nuryýewa bilen Dänew etrabynyň 2-nji sport mekdebiniň tälimçisi Sabina Agajanowa hormat münberiniň ikinji basgançagyna çykdylar.

11 Noýabr 2024

Sport

Woleýbol ýaryşy geçirildi

Türkmenabat şäherindäki 10-njy sport mekdebiniň ýaş woleýbolçylary 2011 ― 2012-nji ýyllarda doglan ýetginjekleriň arasynda geçirilen welaýatymyzyň birinjiliginde çempion boldular. Şu mekdepde geçirilen birinjilige Türkmenabat şäherine hem-de Halaç, Köýtendag, Darganata, Saýat, Çärjew, Dänew we Hojambaz etraplaryna wekilçilik eden toparlaryň 9-sy gatnaşdy. Biri-birinden täsirli geçen duşuşyklaryň netijesinde welaýat merkezindäki 9-njy sport mekdebiniň woleýbolçylary ikinji orny eýelediler. Öňdebaryjylaryň üçlügini Dänew etrabyndan gelen türgenler jemlediler.

11 Noýabr 2024

Sport

Türgenlerimizi goldarys

Şu gün ― 11-nji noýabrda paýtagtymyzda badalga berlen halkara derejeli tennis ýaryşy ýurdumyzda sporta höwesek ýaşlaryň sanyny has-da artdyrar. «Ashgabat Open 2024» diýlip atlandyrylýan halkara ýaryşyň 14 ýaşa çenli ýetginjekleriň arasynda geçirilmegi bolsa bilim işgärleriniň we mekdep okuwçylarynyň bu ýaryşa bolan gyzyklanmasyny has-da artdyrýar. Ýaryşda biziň welaýatymyzyň ezber tennisçileri hem dünýäniň çar künjünden gelen deň-duşlary bilen güýç synanyşmak bagtyna eýe bolarlar. Welaýatymyzda sportuň bu görnüşi boýunça kämil mekdebiň emele gelendigini aýtmak gerek. Ýurdumyzyň ozalky birinji raketkasy Anastasiýa Prenko ýaly dünýä meşhur lebaply tennisçileriň üstünliklere beslenen ýoluny Aly Geldiýew, Sabrina Rahmanowa ýaly eýýäm özüni halkara ýaryşlarynda görkezmegi başaran köpsanly ýaş tennisçilerimiz dowam etdirýärler. Biz bir hepdeläp dowam etjek ýaryşda ildeşlerimize janköýerlik edip, her bir duşuşykda olary goldarys.

11 Noýabr 2024

Sport

Tennis boýunça «Ashgabat Open 2024» atly halkara ýaryşa gatnaşyjylara

Hormatly halkara ýaryşa gatnaşyjylar!Gadyrly myhmanlar! Sizi «Pähim-paýhas ummany Magtymguly Pyragy» ýylynda myhmansöýer türkmen topragynda geçirilýän tennis boýunça «Ashgabat Open 2024» atly halkara ýaryşyň başlanmagy mynasybetli tüýs ýürekden gutlaýaryn. Eziz Diýarymyzyň sport taryhynda möhüm waka boljak bu ýaryşyň sport ulgamynda halkara hyzmatdaşlygy pugtalandyrmaga, parahatçylygy we dostlugy dabaralandyrmaga, Olimpiýa hereketiniň ýörelgelerini wagyz etmäge hem-de ornaşdyrmaga, tennis boýunça ýaş türgenleriň ussatlyklaryny, tejribelerini artdyrmaga uly goşant goşjakdygyna berk ynanýaryn.

11 Noýabr 2024

Sport

Tennisiň geljekki ýyldyzlary

türkmen paýtagtynda jemlenýär Iri halkara ýaryşlaryň guralýan merkezine öwrülen merjen paýtagtymyzda şu gün ýene bir sport baýramçylygy badalga alýar. Soňky ýyllarda tennis sporty has netijeli ösdürilýän döwletimiziň merkezi şäherinde 14 ýaşa çenli ýetginjekleriň arasynda «Ashgabat Open 2024» atly halkara ýaryş geçirilýär. Merkezi Aziýanyň tennis maksatly iň döwrebap sport toplumlarynyň biri bolan Olimpiýa şäherçesindäki Tennis toplumynda geçirilýän ýaryşa dünýä döwletlerinden gyzyklanma uly boldy.

11 Noýabr 2024

Sport

ÝÇL: «Liwerpul» ýeke-täk lidere öwrüldi

Geçen hepdäniň sişenbe we çarşenbe günleri Ýewropanyň çempionlar ligasynda dördünji tapgyryň oýunlary geçirildi. Tapgyr birnäçe garaşylmadyk netijeleri bilen ýatda galdy. Olaryň esasylary sişenbe agşamynda hasaba alyndy. Has takygy, şol gün «Milan» ýaryşyň häzirki çempiony «Realyň» myhmany bolup, yzyna 3 utuk bilen dolandy. «Rossoneriler» ýer eýelerini 3:1 hasabynda ýeňlişe sezewar etdiler. Şeýle-de «Sporting» öz öýünde «Mançester Sitini» kabul edip, uly hasapda garşydaşyndan üstün çykdy. Lissabon kluby baş tälimçi Ruben Amorimiň golastynda ÝÇL-däki soňky oýnunda «Mançester Sitiden» 4:1 hasabynda üstün çykdy. Tapgyryň ýene bir garaşylmadyk netijesi «Aston Willanyň» myhmançylykda «Brýuggeden» ýeňilmegidir. Bu oýnuň ykbalyny ýer eýeleriniň oýunçysy Hans Wanakeniň 52-nji minutda 11 metrlik jerime urgusyndan geçiren goly kesgitledi. Şeýle-de «Atletikonyň» myhmançylykda «PSŽ-ni» 2:1 hasabynda utmagy hem köpleri geň galdyrdy. Tapgyryň beýleki esasy oýunlarynda «Inter» öz öýünde «Arsenaly», «Bawariýa» bolsa öz öýünde «Benfikany» birmeňzeş 1:0 hasabynda, «Barselona» myhmançylykda «Srwena Zwezdany» 5:2 hasabynda ýeňlişe sezewar etdi. «Liwerpul» bolsa «Enfildde» «Baýeriň» derwezesine jogapsyz 4 gol urdy. Şeýlelikde, heniz utuk ýitirmedik «Liwerpul» dördünji tapgyrdan soňra turnir tablisasynda ýeke-täk lidere öwrüldi. Şeýle-de ilkinji bäşlikde «Sporting», «Monako», «Brest» we «Inter» (hem

10 Noýabr 2024

Sport

FIFA-dan möhüm täzelik

FIFA 2025-nji ýylda geçiriljek Klublaryň arasyndaky dünýä çempionatynyň geçiş tertibini yglan etdi. Oňa laýyklykda, her bir topar ýaryşa gatnaşmak üçin iň azyndan 26, iň köp bolan halatynda 35 oýunçynyň sanawyny hödürlemeli. Olaryň 3-isiniň derwezeçi bolmagy hökmany. Her oýna gatnaşmak üçin 26 oýunçy saýlanylyp alnyp bilner. Ýaryş indiki ýylyň 15-nji iýuny — 13-nji iýuly aralygynda ABŞ-da geçiriler, şoňa görä-de toparlar 30-njy iýunda şertnamasy gutarýan oýunçylaryny çalşyp bilerler. Ýöne şol bir oýunça iki toparyň düzüminde ýaryşa gatnaşmaga rugsat berilmeýär. Klublaryň arasyndaky dünýä çempionatyna 32 topar gatnaşar. Olar hersi 4 topardan ybarat 8 toparça bölünerler.

10 Noýabr 2024

Sport

Merkezi Aziýada futbol boýunça täze ýaryş dörediler

Merkezi Aziýanyň Futbol assosiasiýasy (MAFA) özüniň agzasy bolup durýan 6 döwletiň klublarynyň gatnaşmagynda täze ýaryşy döretmegi meýilleşdirýär. Oňa Türkmenistanyň toparlarynyň hem çagyrylmagyna garaşylýar. Deslapky meýilnama laýyklykda, ýaryşda Eýrandan we Özbegistandan 1 toparyň, Gyrgyz Respublikasyndan, Täjigistandan, Owganystandan hem-de Türkmenistandan 2 toparyň gatnaşmagy göz öňünde tutulýar. Ýaryşy geçirmek üçin meýilleşdirilýän wagt 2025-nji ýylyň aprel-maý aýlarydyr. Ýeri gelende bellesek, MAFA şu wagta çenli dürli ýaş derejesindäki ýygyndylaryň arasynda sebitleýin ýaryşlary guran hem bolsa, heniz klublaryň arasynda turnir geçirmändi.

10 Noýabr 2024

Sport

«The Ring» žurnalynyň eýesi üýtgedi

Turki Al Aş-Şeýh boks dünýäsindäki iň abraýly neşirleriň biri bolan «The Ring» žurnalyny satyn aldy. Saud Arabystanynyň Dynç alyş we güýmenje maksatly çäreler müdirliginiň başlygy Turki Al Aş-Şeýh boks dünýäsindäki iň abraýly neşirleriň biri bolan «The Ring» žurnalyny satyn aldy.

10 Noýabr 2024

Sport

Aziýanyň geçen möwsümdäki iň güýçli topary tälimçisini täzeledi

Geçen möwsümde AFK-nyň Çempionlar ligasynda (häzirki AFK Elite çempionlar ligasy) ýeňiş gazanan BAE-niň «Al-Aýn» kluby baş tälimçisi Ernan Krespony işden boşatdy. Muňa toparyň şu möwsümde AFK Elite çempionlar ligasyndaky hem-de içerki çempionatdaky şowsuz oýny sebäp boldy. Toparyň häzirki wagtda 4 tapgyrdan soňra bary-ýogy 1 utugy bar. «Al-Aýn» dördünji tapgyrda Saud Arabystanynyň «Al-Nassr» klubundan 5:1 hasabynda ýeňildi. Ol duşuşyk Ernan Krespo üçin «Al-Aýnyň» halypasy hökmündäki ahyrky oýun boldy. Maglumat üçin, «Al-Aýn» BAE-niň çempionatynda hem sekizinji ýerde barýar.

10 Noýabr 2024

Sport

WTA-nyň Jemleýji turniriniň çempiony belli boldy

2 — 9-njy noýabr aralygynda Saud Arabystanynyň Er-Riýad şäherinde zenanlaryň arasynda WTA-nyň Jemleýji turniri geçirildi. Ýaryşda dünýäniň iň gowy 8 tennisçisi çempionlyk üçin güýç synanyşdy. Turniriň çempionlygy dünýäniň üçünji raketkasy amerikaly Kori Gauffa nesip etdi. Ol 9-njy noýabrda geçirilen final oýnunda hytaýly Çžen Sinweni ýeňlişe sezewar etdi. 3 sagat 4 minut dowam eden oýun 3:6, 6:4, 7:6 hasabynda amerikaly tennisçiniň peýdasyna tamamlandy.

10 Noýabr 2024

Sport

Mahaçýew-Sarukýan söweşi «UFC 311» turniriniň çäginde geçiriler

«UFC 311» turniriniň geçiriljek senesi we ýeri yglan edildi. Oňa laýyklykda, turnir 18-nji ýanwarda Los-Anjelesde geçiriler. Turniriň esasy tutluşygynda ýeňil agramyň çempiony Islam Mahaçýew Arman Sarukýana garşy oktagona çykar. Bu barada «RIA Nowosti» habar berdi. Ýeri gelende bellesek, bu söweş aslynda «UFC 308» turniriniň çäginde geçirilmelidi. Emma Mahaçýewiň şikes alandygy sebäpli tutluşyk soňa süýşürilipdi.

10 Noýabr 2024

Sport

«Ash­ga­bat Open 2024» hal­ka­ra ýa­ry­şyna badalga berildi

«7/24.tm»: №46 (233) 11.11.2024 Paý­tag­ty­myz­da 8 — 17-nji no­ýabr ara­ly­gyn­da ten­nis bo­ýun­ça 14 ýa­şa çen­li ýet­gin­jek og­lan­la­ryň hem-de gyz­la­ryň ara­syn­da ge­çi­ril­ýän «Ash­ga­bat Open 2024» ýa­ryş­la­ry­na ba­dal­ga be­ril­di.

10 Noýabr 2024

Sport

Sport gö­zel­li­giň göz­ba­şy­dyr

«7/24.tm»: №46 (233) 11.11.2024 Ber­ka­rar Wa­ta­ny­myz­da Gah­ry­man Arkada­gy­my­zyň we hor­mat­ly Pre­zi­den­ti­miziň taý­syz ta­gal­la­la­ry bi­len dur­mu­şyň beý­le­ki ugur­la­ry bi­len bir ha­tar­da sporta hem be­den­ter­bi­ýä uly üns berilýär. Mag­tym­gu­ly adyn­da­ky Türk­men döw­let uni­wer­si­te­tin­de hem Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň 78-nji ses­si­ýa­syn­da Türk­me­nis­ta­nyň baş­lan­gy­jy bi­len «Bir­le­şen Mil­let­ler Gu­ra­ma­sy­nyň oýun­la­ry» at­ly Ka­rar­na­ma­nyň ka­bul edil­me­gi my­na­sy­bet­li «Sport sag­dyn­ly­gyň we gö­zel­li­giň göz­ba­şy­dyr» at­ly baý­ram­çy­lyk sport da­ba­ra­sy ge­çi­ril­di.

10 Noýabr 2024

Sport