Türkmen halysy — çeper elli türkmen zenanlarynyň ýiti zehininiň miwesi, olaryň gözel kalbynyň mukamy. Gönezligini asyrlaryň jümmüşinden alan türkmen halylary häzirki döwürde hem özüniň gözelligi, nepisligi bilen bütin älemi haýran edýär. Türkmen halysynyň milli muzeýiniň baş hünärmeni, halyşynas Enegül MYŞŞYÝEWA bilen guran söhbetdeşligimiz hem ajaýyp halyçylyk sungaty we haly eserleri barada boldy.
— Enegül, Berkarar döwletimiziň bagtyýarlyk döwründe, hormatly Prezidentimiziň aýratyn uly tagallalarynyň netijesinde türkmen halyçylyk sungatynyň şan-şöhraty Arşa galdy. Geliň, söhbedi döwrümiziň buýsandyran wakalary bilen başlalyň!
