Gadym zamanlarda bir goja bilen garryja mama ýaşar eken. Goja-ha günde daga odun ýygmaga, mama bolsa derýada egin-eşik ýuwmaga gider eken. Günlerde bir gün mama kir ýuwup otyrka, suw bilen tigirlenip akyp gelýän şetdalyny görýär. Ol: «Be-e, bu nähili ullakanja miwe eken, muny baba bilen bileje iýeris» diýip, ony öýüne alyp gaýdýar. Goja öýe gelende, kempiri oňa şetdalyny görkezip: «Hakykatdan hem, ullakanja miwe. Gel, bileje iýeli» diýýär we şetdalyny kesjek bolýar. Şol wagt şetdalynyň içinden bir oglanjyk çykýar. Mama:
—Waý, şetdalynyň içinden oglanjyk çykdy, özi-de bir gowuja! — diýip, aňk-taňk bolýar. Adamlar oglanjygyň ady Momotaro bolsun diýýärler. Ýerli halkyň dilinde «Momotaro» diýmek «şetdalydan çykan oglanjyk» diýen manyny aňladýar eken.
