Ýer ýüzünde dost-doganly, heňňamlaryň şöhraty sen,
Jahan içre at-abraýly, pederleriň yhlasy sen,
Ak ýollaryň bedew batly, zamananyň ýalkymy sen,
Meger, Arşyň nury birle mähire eýlenen, Diýar,
Garaşsyz, Bitarap bolup dünýäde saýlanan, Diýar!
Oguz handan gaýdyp asly, oguzlaryň ýurdy bolan,
Asyrlaryň dowamynda ençe beýik döwlet guran,
Zemin içre seniň adyň mydam äşgär, belli bolan,
Diwanlarda dür söz bilen ýürekden söýlenen, Diýar,
Garaşsyz, Bitarap bolup dünýäde saýlanan, Diýar!
