Türkmenistanyň Prezidenti Serdar BERDIMUHAMEDOW:
— 2024-nji ýylda Änew şäheriniň «Türki dünýäsiniň medeni paýtagty» diýlip yglan edilmegi bu şäheriň medeniýetleriň ösüşindäki ornunyň ähmiýetini has-da ýokarlandyrdy.
«Pähim-paýhas ummany Magtymguly Pyragy» ýylynda türkmen halkynyň her bir güni toý-baýramlara, şanly senelere, taryhy wakalara beslenýär. Şu ýylyň dowamynda Magtymguly Pyragynyň doglan gününiň 300 ýyllyk toýunyň, gadymy Änew şäheriniň «Türki dünýäsiniň medeni paýtagty» diýlip yglan edilmegi bilen bagly medeni-köpçülikleýin çärelerine giň gerim berildi.
