Hasyl toýuny oba hojalygynyň ähli ugry boýunça guwandyryjy görkezijiler bilen garşylaýan hojalyklaryň hatarynda Ahal welaýatynyň Kaka etrabynyň «Edermen pagtaçy» daýhan hojalygy-da bar. Zähmetsöýer zenan Aýjahan Nuryýewanyň ýolbaşçylyk edýän bu daýhan hojalygynyň ýeralma öndürmekde gazanýan netijeleri has-da guwandyryjy.
Ilatyň gündelik sarp edýän azyk önümi bolan ýeralmanyň öndürilýän möçberiniň artdyrylmagyna saldamly goşant goşýan hojalygyň zähmetkeş daýhanlarynyň bu ekini ösdürip ýetişdirmekde baý tejribesi bar. Olar hojalyga bölünip berlen ýerleriň bir böleginde ýeralma ýetişdirip, bol hasyl alyp gelýärler.
