(Hekaýa)
Ýaňy many aňlap başlan çaga mahallaryndan ejesi Tawus daýza oňa her dürli ertekileri, rowaýatlary, hekaýatlary aýdyp bererdi. Soňra özbaşdak ertekili kitaplary okamagy arzuw edýän Bossanjyk çagalar bagyndaky deň-duşlaryndan harplary okamakda saýlanypdy. Bu özboluşly gyzjagaz mekdepde edebiýat dersi bilen has-da gyzyklanýar. Okalan täsin ertekilerden «ýüki ýeten» Bossanyň öz hyýaly dünýäsinde gyzykly kitaplardaky gahrymanlary hakydasynda janlandyrmagy, ertekilerdäki owadan bag-bakjaly şäherlerdir kentlere seýran etmegi halaýardy.
