(Hekaýa)
Leýlijik indi özüni uly hasaplaýardy. Ol ulularyň edibilýän işlerini başaryp bilýärdi. Dagy nä?! Düýn-öňňin köwşüniň bagyny daňmagy hem öwrenmedimi näme?! Şondan soň-a onuň özüne hasam göwni ýetdi. Ony çaga hasaplap, käte onuň burnuny gysyp gitmeleri, elbetde, gaharyny getirýärdi. Beýdip göwnüýetmezçilik etmeli däl-ä! «Bolsa bolupdyr boýum kiçijek, entek menem öserin, şonda görersiňiz» diýip, hüňür-hüňür edäýmesem şondandy.
