Uzynlygy 4 metre ýetýän ýapon möýleňňeji dünýädäki iň uly leňňeç hasaplanýar. Ýapon halk döredijiliginde hyýaly jandar hökmünde suratlandyrylýan bu jandarlar Ýaponiýanyň töweregindäki deňizlerde ýaşaýarlar. Bu leňňeçleriň göwresi kiçijik bolup, bedeniniň esasy bölegini 10 sany aýagy emele getirýär. Aýaklarynyň uzynlygy 3 metrden gowrak bolan ýapon möýleňňejiniň agramy 16 kilograma ýetýär. Ýer şarynyň iň täsin jandarlarynyň biri bolan ýapon möýleňňeji 100 ýyla çenli ýaşaýar.
Ýapon möýleňňejiniň aşa uzyn aýaklary we göwresiniň açyk gyzgylt-mämişi reňkde bolmagy göreniň ünsüni özüne çekýär. Bu deňiz jandarynyň uzyn aýaklary howply jandarlardan gaçmaga, esasan hem, suwuň aşagynda beýikli-pesli depelerden ýöremäge mümkinçilik berýär.
