Peýdaly ýag
Zeýtun ýagy saglyk üçin iň gymmatly iýmit önümleriniň biri hasaplanylýar. Bu ýag saglygy dikeltmek üçin ir döwürlerden bäri peýdalanylyp gelinýär. Ol örän seýrek gabat gelýän, adam organizminde 100 göterim özleşip bilýän iýmitleriň hataryna girýär. Zeýtun ýagy iýmit siňdiriş ulgamynda, aşgazan-içege keselleriniň öňüni almakda, adamyň immunitetini ýokarlandyrmakda, ýatkeşligi gowulandyrmakda, süňkleri berkitmekde, şikesleriň we ýaralaryň tiz bitmeginde, gaharjaňlygyň, şeýle hem onkologiýa keselleriniň öňüni almakda örän peýdaly bolan ýaglaryň biridir.
