dost-doganlyk we ynsanperwerlik ýörelgelerini pugtalandyrýar
Garaşsyz Watanymyzda her ýylyň 1-nji sentýabry şatlyk-şowhuna beslenip, ylym-bilimiň şanly toýy uludan tutulýar. Bu gün kalby bilime teşne çagalardyr ýetginjekler milli nagyşlar bilen keşdelenen tahýalaryny geýip, ýene-de bilimleriň nurana dünýäsine aralaşýarlar. Arzyly we arzuwly käriň eýeleri bolan mugallymlar täze okuw ýylyny zähmet üstünliklerine beslemek üçin uly güýç, joşgun hem hyjuw bilen işe girişýärler. Olaryň hatarynda «mugallym» diýen hormatly ada eýe bolup, uly arzuw-umytlar bilen ilkinji zähmet ýoluna gadam basýan ýaş hünärmenler-de bar.
