«Güneş» žurnalynyň redaksiýasy, Türkmenistanyň Magtymguly adyndaky Ýaşlar guramasynyň Merkezi geňeşi, Türkmenistanyň Ýangyn-amaly sport Federasiýasy, Türkmenistanyň Kärdeşler arkalaşygynyň Milli merkezi, Türkmenistanyň Gyzyl Ýarymaý Milli jemgyýeti, Türkmenistanyň Içeri işler ministrliginiň Döwlet ýangyn howpsuzlygy gullugy bilen bilelikde mekdep okuwçylarynyň arasynda yglan eden «Bilimli nesil — kuwwatly Watan» atly ýangyn howpsuzlyk düzgünlerini wagyz-nesihat ediji bäsleşiginiň jemi jemlenildi.
Bäsleşigiň şertlerine laýyklykda, mekdep okuwçylary düzme, hekaýa we beýannama ýazmak boýunça öz döreden eserleri bilen gatnaşdylar. Eserleriň arasynda döredijilik aýratynlyklaryny açmagy başaran okuwçylaryň iň ökdeleriniň işleri saýlanylyp, olardan Mary şäherindäki 24-nji zehinli ýaşlar mekdebiniň okuwçysy Mähri Gurbannazarowanyň, Saparmyrat Türkmenbaşy etrabyndaky 54-nji orta mekdebiň okuwçysy Sähra Dädebaýewanyň, Balkanabat şäherindäki daşary ýurt dillerini çuňlaşdyryp öwredýän ýöriteleşdirilen 2-nji orta mekdebiň okuwçysy Abadan Satlykowanyň, Aşgabat şäherindäki 78-nji orta mekdebiň okuwçysy Dawut Baýramowyň, Aşgabat şäherindäki 11-nji orta mekdebiň okuwçysy Merjen Ataýewanyň, Saparmyrat Türkmenbaşy etrabyndaky 13-nji orta mekdebiň okuwçysy Aýgözel Amanowanyň, Saparmyrat Türkmenbaşy etrabyndaky 23-nji orta mekdebiň okuwçysy Göwher Kulyýewanyň, Çärjew etrabyndaky 50-nji orta mekdebiň okuwçysy Farida Jumaýewanyň, Balkanabat şäherindäki daşary ýurt dillerine ýöriteleşdirilen 23-nji orta mekdebiň okuwçysy Göwher Şyhberdiýewanyň, Balkanabat şäherindäki daşary ýurt dillerine ýöriteleşdirilen 15-nji orta mekdebiň okuwçysy Beýke Myradowanyň, Serhetabat şäherindäki 26-njy orta mekdebiň okuwçysy Leýla Öwezgeldiýewanyň, Tagtabazar etrabyndaky 7-nji orta mekdebiň okuwçysy Agaberdi Rasulowyň, Tejen etrabyndaky 7-nji orta mekdebiň okuwçysy Toýçy Amanmyradowyň ýazan eserleri ýeňiji diýlip yglan edildi.
