Türkmenmetbugat

"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Sport — uzak ömrüň gözbaşy

Ösüp gelýän ýaş nesilleriň berk bedenli, ruhubelent bolup ýetişmekleri hakyndaky alada ýurdumyzda döwlet syýasatynyň ileri tutulýan ugurlarynyň biri bolup durýar. Bu ugurda eziz Diýarymyzda hormatly Prezidentimiziň atalyk aladalary netijesinde giň möçberli işler yzygiderli durmuşa geçirilýär. Ýurdumyzda sagdyn durmuş ýörelgeleriniň, bedenterbiýe we sportuň ösdürilmegine, goldanylmagyna, ýaşlaryň kämil şahsyýetler bolup ýetişmeklerine gönükdirilen wezipeler milli kanunlarymyzda hem öz beýanyny tapýar. «Bedenterbiýe we sport hakynda» Türkmenistanyň Kanunynda raýatlaryň saglygyny pugtalandyrmaga, ýurdumyzda adam ömrüniň dowamlylygyny artdyrmaga, sagdyn durmuş ýörelgelerini jemgyýetimiziň gündelik durmuşyna içgin ornaşdyrmaga, esasan hem, ýokanç we ýokanç däl keselleriň öňüni almaga gönükdirilen meseleler öz beýanyny tapýar. Çagalyk döwründen başlap, raýatlarda sagdyn durmuş ýörelgelerini terbiýelemek, olaryň ýaramaz endiklerden daşda durmagyny gazanmak, türkmen jemgyýetinde işjeň ýaşaýyş-durmuşy kemala getirmek wezipeleri bellenilýär. Bedenterbiýe, sport we sagdyn durmuş ýörelgelerini wagyz-ündew etmek babatda ýurdumyzda anyk işler durmuşa geçirilýär, uly ösüşler gazanylýar. Ýaşlarda bedenterbiýä we sporta bolan höwesi ösdürmek boýunça çäreleri işläp taýýarlamak, olaryň gatnaşmaklarynda sportuň köpçülikleýin görnüşleri boýunça sport ýaryşlaryny geçirmegiň tejribesini ösdürmek spor

2 Aprel 2021

Türkmen sporty dabaralanýar

Hormatly Prezidentimiziň pähim-paýhasy bilen, Berkarar döwletimiziň bagtyýarlyk döwründe baky Bitarap Türkmenistan döwletimiz sagdynlygyň we ruhubelentligiň ýurduna öwrüldi. Halkymyzyň saglygyny berkitmekde, bedenterbiýäni we sporty ösdürmekde ägirt uly işler durmuşa geçirilýär. Jemgyýetimizde kämil şahsyýeti terbiýelemekde ata-babalarymyzyň «Sagdyn bedende — sagdyn ruh» diýen pähiminden ugur alynýar. Ösüp gelýän ýaş nesilleriň, şeýle-de talyp ýaşlaryň bedenterbiýe we sport bilen meşgullanmaklaryna giň mümkinçilikler döredilýär. Häzirki döwürde ýurdumyzda sportuň dürli görnüşleri boýunça meşgullanmak üçin ýokary derejedäki sport toplumlary we sport merkezleri gurlup, ulanylmaga berilýär. Berkarar döwletimiziň bagtyýarlyk döwründe gurlan sport meýdançalarynyň, dürli sport desgalarynyň sany barmak basyp sanardan kän. Bularyň ählisi ata Watanymyzyň sport ulgamyny düýpli kämilleşdirmekde, köpçülikleýin bedenterbiýäni giň gerimde ösdürmekde, aýratyn hem, halkara derejesinde ussat türgenleri taýýarlamakda, berk bedenli, sagdyn ruhly kämil şahsyýetleri kemala getirmekde uly ýardam edýär.

2 Aprel 2021

Welosiped

sagdynlyk hem amatlylyk Aslynda, welosipediň o diýen uzyn bolmadyk taryhy bar. Ilkinji welosipedleriň görnüşi täsin eken. Olaryň beýikligi, takmynan, 1.5 metr töweregi bolup, yzky tigri öňki tigrine garanyňda kiçi ýasalypdyr. Geliň, welosiped hakynda internet sahypalarynda berilýän gyzykly maglumatlaryň käbirine ser salalyň!

2 Aprel 2021

Türgenleriň ussatlygy

Änew şäherindäki sport mekdebinde erkekleriň arasynda sportuň ýeňil atletika görnüşi boýunça welaýatyň birinjiligi geçirildi. Türkmenistanyň Sport we ýaşlar syýasaty ministrligi tarapyndan meýilleşdirilen sport çärelerini, okuw-türgenleşik sapaklaryny we ýygnanyşyklary geçirmegiň wagtlaýyn tertibine laýyklykda tomaşasyz geçirilen bu ýaryş Bütindünýä saglyk gününe bagyşlandy. Oňa welaýatymyzyň dürli ýerlerinden türgenler gatnaşdy. «Türkmenistan — parahatçylygyň we ynanyşmagyň Watany» ýylynda bellenilýän Bütindünýä saglyk gününi dabaralandyrmak, ýaşlaryň berk bedenli, sagdyn ruhly bolup ýetişmegini gazanmak, olaryň sport ussatlygyny ýokarlandyrmak hem-de güýçlüleri ýüze çykarmak maksady bilen geçirilen ýaryşda türgenler 100, 200, 400 metr aralykdaky, şeýle-de 4x100 estafetada we uzynlygyna bökmekde ussatlygyny görkezdiler.

1 Aprel 2021

Ýaşyl tugy al-asmanda parladyp

Garaşsyz, hemişelik Bitarap ýurdumyzda sportuň dürli görnüşlerini ösdürmek, jemgyýetçilik durmuşyna köpçülikleýin bedenterbiýäni ornaşdyrmak we ilatyň saglygyny berkitmek barada edilýän aladalar hormatly Prezidentimiziň alyp barýan döwlet syýasatynyň aýrylmaz bölegi bolup durýar. Milli Liderimiziň «Türkmenistan dünýä üçin, ähli ugurlar boýunça giň halkara hyzmatdaşlygy üçin açykdyr» diýip, Birleşen Milletler Guramasynyň belent münberinden aýdan sözleri sporta hem doly derejede degişlidir. Milli Liderimiziň taýsyz tagallalary netijesinde sport ulgamynda halkara hyzmatdaşlygynyň ösdürilmegi türkmen sportunyň ösüşine giň ýol açýar, türgenlerimiziň bolsa dünýä çempionatlaryna, halkara ýaryşlaryna gatnaşyp, uly üstünlikleri gazanmaklaryna, tejribelerini artdyrmaklaryna oňyn mümkinçilik döredýär. Muňa türkmen türgenleriniň geçen ýyllaryň dowamynda geçirilen halkara ýaryşlarynda gazanan baýrakly orunlarynyň görnetin artandygy hem şaýatlyk edýär. Milli Liderimiz sport we bedenterbiýe hereketiniň maksada okgunlylyga höweslendirýän sagdynlygyň hem-de güýç-kuwwatyň çeşmesi bolup durýandygyny nygtamak bilen, köpçülikleýin bedenterbiýäni we sporty durnukly ösüşiň uzakmöhletleýin maksatlaryna ýetmek üçin anyk ugur hökmünde kesgitleýär. Bu ugurda özygtyýarly, baky berkarar Watanymyzyň halkara hyzmatdaşlygy häzirki wagtda sportuň halklaryň we döwletleriň arasynda özara düşünişmegiň we hyzmatd

31 Mart 2021

Sagdynlygyň we dostlugyň mekany

Halkyň saglygy hakynda alada milli Liderimiziň ýöredýän syýasatynyň möhüm ugurlarynyň biridir. Berkarar döwletimizde amala aşyrylýan beýik özgertmeleriň, milli maksatnamalaryň, uly taslamalaryň özeninde döwletimiziň we jemgyýetimiziň iň ýokary gymmatlygy hasaplanylýan adamyň saglygy baradaky alada durýar. Döwlet Baştutanymyzyň belleýşi ýaly, bedenterbiýe we sport bilen meşgullanmak her bir türkmenistanlynyň gündelik durmuşynyň möhüm ýörelgesine öwrülmelidir. Hormatly Prezidentimiziň: «Sport bilen yzygiderli meşgullanmak adamda özüne ynam, merdemlik, güýç-kuwwat, çakganlyk, başarnyk, ruhubelentlik we beýlekileriň ýeňşine guwanmak häsiýetlerini terbiýeleýär. Sport parahatçylygyň ilçisi bolup, ol dürli ýurtlarda we yklymlarda ýaşaýan halklary birleşdirmäge ukyplydyr» diýen ýaly çuň manyly sözleri, «Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasyny» we «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» kabul etmegi, 2021-nji ýylda Aşgabat şäherinde Welosiped sportunyň trek görnüşi boýunça dünýä çempionatyny we tennis boýunça Dewisiň Kubogy ugrundaky halkara ýaryşy geçirmek baradaky aýdyň maksatly çözgütleri, adamlaryň sagdyn durmuş ýörelgelerine eýermegi üçin döredip berýän ähli amatly mümkinçilikleri halkymyzy has-da yhlasly, döredijilikli zähmet çekmäge ruhl

31 Mart 2021

Ýaglyga towusmak

Türkmen milli oýunlary ýaş nesillerimiziň şahsyýet bolup kemala gelmegine güýçli täsir edýär. Milli oýunlaryň üsti bilen olarda eserdeňlik, ünslülik, duýgurlyk, ýatkeşlik, çalasynlyk we ugurtapyjylyk ýaly häsiýetler kemala getirilýär. Türkmen milli oýunlarynyň taryhy örän gadymydyr. Şolaryň biri hem ýaglyga towusmakdyr. Ilkibaşda bu oýun ak öýler dikilip, çagarygy oturdylandan soň oýnalar eken. Öýüň tüýnüginden ýaglyk asyp, kim alyp bilse, baýrak berler eken. Soňlugy bilen bu şowhunly oýun göreş, at çapmak, altyn gabak atmak oýunlary ýaly ähli toý-baýramlarymyzyň bezegine öwrülýär. Adam boýundan has ýokarda asylgy ýaglygy böküp almak bilen bagly bu oýna, esasan hem, ýaş ýigitler we ýetginjekler gatnaşýarlar. Şeýle hem goýlan baýraga görä, ýaglyk beýigräkden ýa-da pesräkden asylýan eken. Oýunçylar gezekli-gezegine böküp, ýaglygy almaga synanyşýarlar. Her oýunçynyň bir gezek synanyşmaga hukugy bar. Gözbaşyny gadymdan alyp, şu günlere gelip ýeten sportuň bu milli görnüşi ýaş nesillerimiziň bökmek, ylgamak endiklerini ösdürýär.

30 Mart 2021

Sport. Sport. Sport.

Ýolöten etrap sport we ýaşlar syýasaty bölüminiň sport mekdebiniň şepagat uýasy Nabat Gylyjowa bu ýerde çärýek asyrdan bäri yhlasly zähmet çekip gelýär. Ol tälimçileriň we türgenleriň berk bedenli we sagdyn bolmagy ugrunda alada edip, olary lukmançylyk gözegçiliginden yzygiderli geçirip durýar. Şonuň üçin hem tälimçileriň we türgenleriň arasynda N. Gylyjowanyň ady uly hormat bilen tutulýar. SURATDA: etrap sport we ýaşlar syýasaty bölüminiň sport mekdebiniň şepagat uýasy Nabat Gylyjowanyň türgenleriň saglygyny gözden geçirýän pursaty.

29 Mart 2021

Welosport yzygiderli ösüşde

Hormatly Prezidentimiziň Kararyna laýyklykda «Türkmenistan — parahatçylygyň we ynanyşmagyň Watany» ýylymyzyň güýzünde paýtagtymyz Aşgabatda Welotrek boýunça dünýä çempionatyny geçirmek meýilleşdirilýär. Şoňa görä-de, ýurdumyzda bu abraýly sport ýaryşyny üstünlikli geçirmek üçin giňden taýýarlyk görülýär. Türkmenistanda halkara derejeli sport ýaryşlaryny geçirmek üçin ajaýyp Olimpiýa şäherçesi özünde giň mümkinçilikleri jemleýär. Bu ýerdäki döwrebap Welotrek sport binasynyň iň häzirki zaman ölçeglerine laýyklanyp gurlandygyna «Aşgabat — 2017-niň» oýunlarynyň dowamynda-da doly göz ýetirildi. Berkarar döwletimiziň bagtyýarlyk döwründe hormatly Prezidentimiziň başlangyjy boýunça jemgyýetimizde sagdyn durmuş ýörelgeleriniň berkidilmegi, halkymyzyň, ilkinji nobatda bolsa, ýaşlaryň köpçülikleýin bedenterbiýe we sport hereketine çekilmegi babatda zerur çäreler durmuşa geçirilýär. Ýurdumyzda welosiped sportuny ösdürmäge aýratyn üns berilýär. Köpçülikleýin welosiped ýörişini geçirmek asylly däbe öwrüldi. Milli Liderimiziň hut özüniň watandaşlarymyz bilen bilelikde şol köpçülikleýin çärelere gatnaşmagy ýurdumyzda sagaldyş hereketiniň ösdürilmegine, welosiped sporty bilen meşgullanýanlaryň sanynyň artmagyna, umuman, sportuň wagyz edilmegine nusgalyk goşant, şeýle hem täze ekologiýa garaýyşlarynyň kemala gelmegine, daşky gurşawyň ýagdaýyna jemgyýetiň jogapkärçiliginiň ýokarlandyrylma

25 Mart 2021

Anyk wezipeler we maksatlar

Berkarar döwletimiziň bagtyýarlyk döwründe, hormatly Prezidentimiziň taýsyz tagallalary netijesinde, ýurdumyzda welosiped sportuny ösdürmek babatda giň gerimli işler amala aşyrylýar. Sportuň bu görnüşini ösdürmegiň esasy maksady ilat arasynda sagdyn durmuş ýörelgelerini ornaşdyrmak, sporty beden hem-de ruhy kämilligiň çeşmesine öwürmek bolup durýar. Ýurdumyzyň welosiped sportunyň üstünlikleri döwlet Baştutanymyzyň başlangyjy bilen yzygiderli durmuşa geçirilýän hem-de türkmenistanlylaryň sagdyn durmuş ýörelgelerine işjeň gatnaşmagyny gazanmaga, türkmen sportunyň halkara abraýyny ýokarlandyrmaga, olimpiýa hereketini ösdürmäge gönükdirilen çäreleriň netijesidir. Şol üstünlikleriň hatarynda 2018-nji ýylda geçirilen welosiped sürmek boýunça iň köp sanly ildeşlerimiziň gatnaşmagynda okuw sapagynyň, 2019-njy ýylyň 1-nji iýunynda paýtagtymyzyň Olimpiýa şäherçesinde iň dowamly bir nyzamly welosipedli ýörişiň guralandygyny aýratyn belläp geçmek bolar. Agzalyp geçilen iki çäre bu ugurda dünýä rekordyny täzeläp, Ginnesiň Bütindünýä rekordlar kitabyna girizildi.

24 Mart 2021

Sport syýasatynyň gadamlary

Yhlas ýeňşe ýetirýär Berkarar döwletimiziň bagtyýarlyk döwründe ýurdumyzda bedenterbiýäniň we sportuň ösdürilmegine uly üns berilýär. Gahryman hem mähriban Prezidentimiziň öňe süren döwlet ähmiýetli, il-gün bähbitli başlangyjy ilkinji nobatda, halkymyzyň saglygynyň goralmagyna, jemgyýetimizde sagdynlygyň we ruhubelentligiň hemmeleriň hemrasy bolmagyna gönükdirilendir. Soňky ýyllaryň sepgitleri bu ýörelgäniň gowy netijelere ýetirýändigini äşgär edýär.

24 Mart 2021

Sport — şahsyýet kämilliginiň mekdebi

«Türkmenistan — parahatçylygyň we ynanyşmagyň Watany» ýylynda ak mermerli Aşgabatda Welotrek boýunça dünýä çempionatynyň we Dewisiň Kubogy ugrundaky halkara ýaryşyň tapgyrynyň geçirilmeginiň meýilleşdirilmegi ata Watanymyzyň halkara derejesindäki sport abraýyndan nyşandyr. Häzirki wagtda ýurdumyzda Welotrek boýunça dünýä çempionatyna hem ählitaraplaýyn taýýarlyk görülýär. Şu ýylyň güýzünde ak mermerli paýtagtymyzda geçiriljek Welotrek boýunça dünýä çempionatyna taýýarlyk işleriniň çäginde bu ýaryşyň nyşanynyň, sport lybaslarydyr welosipediň bezeginiň taýýarlanylandygy buýsanç bilen bellenilmäge mynasypdyr. Welotrek boýunça dünýä çempionatynyň işlenilip taýýarlanan nyşanynda türkmen halysynyň ýüzünde şekillendirilýän garşy-goçak we alaja nagyşlary, welosipedçiniň sudurynyň görnüşi öz beýanyny tapýar. Ýaryşda çykyş etjek türgeniň egin-eşigi bolsa, Türkmenistanyň Döwlet baýdagynyň reňkinden we nagyşlaryndan ugur alnyp işlenip taýýarlanypdyr.

23 Mart 2021

Türkmenistan — işjeň ösýän sport döwleti

Sport — saglyk, ösüş we bagtyýarlyk getirýän durmuş hakykaty. Ol ynsanlara saglyk bagyş etmek bilen birlikde, olaryň arasynda hoşniýetli gatnaşyklara ýol açýar. Halklaryň abadan we parahat durmuşyna gönükdirilen möhüm halkara başlangyçlary bilen çykyş edýän ýurdumyzda sport çäreleriniň giň gerim almagy kanunalaýyklykdyr. Ähli döwürlerde-de dostlugy, parahatçylygy, agzybirligi, jebisligi we raýdaşlygy şygar edinen sport adamzadyň öňünde diňe oňyn maksatlary goýýar. Ýurdumyz bolsa oňyn maksatlary durmuşa geçirmekde, parahatçylygy wagyz etmekde sebitde nusga bolup çykyş edýär. Häzirki döwürde Türkmenistan örän ýokary depginler bilen ösýän sport döwletleriniň biridir. Biziň Watanymyzyň ähli künjeginde döwrebap sport desgalary, ýokary derejeli stadionlar, atçylyk sport toplumlary gurulýar. Çagalar baglaryndan başlap, ýokary okuw mekdeplerine çenli bedenterbiýe maksatnamasy üstünlikli durmuşa geçirilýär. Mälim bolşy ýaly, ýurdumyzda şu ýyl Welotrek boýunça dünýä çempionatynyň, Aziýa we Okeaniýa IV toparynda tennis boýunça Dewisiň Kubogy ugrundaky halkara ýaryşyň tapgyrynyň, 2022-nji ýylda bolsa Sambo boýunça dünýä çempionatynyň ýokary derejede, guramaçylykly geçirilmegi meýilleşdirilýär. Häzirki wagtda ýurdumyzda bu ýaryşlara ýokary derejede taýýarlyk görülýär.

23 Mart 2021

Batly gadamlar bilen

Garaşsyz, baky Bitarap ýurdumyzda hormatly Prezidentimiziň ýolbaşçylygy bilen bedenterbiýe we sport ulgamy giňden rowaçlanýar. Ýaş türgenleriň sanyny artdyrmak, ýaşlary sporta çekmek we milli ruhda terbiýelemek, olaryň zyýanly endiklerden daşda durmaklaryny gazanmak babatda maksada laýyk işler alnyp barylýar. Gahryman Arkadagymyzyň Karary bilen «Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasynyň» kabul edilmegi bu wezipeleri durmuşa geçirmek üçin täze mümkinçilikleri açdy. Onuň esasy maksady bedenterbiýäni we sporty goldamak hem-de ösdürmek arkaly türkmen jemgyýetinde sagdyn durmuş ýörelgelerini kemala getirmekden, watandaşlarymyzyň bedenterbiýe we sport bilen yzygiderli meşgullanmaga bolan isleglerini kanagatlandyrmakdan, şeýle-de boş wagtlaryny peýdaly geçirmeklerini gazanmakdan, olaryň saglygyny berkitmekden we keselleriň öňüni almakdan, bedenterbiýäniň we sportuň mümkinçiliklerinden netijeli peýdalanmak üçin zerur şertleri döretmekden, türkmen sportuny dünýäde ýokary derejelere çykarmakdan ybaratdyr. Hormatly Prezidentimiziň tagallalarynyň netijesinde ähli ugurlar bilen bir hatarda sporty ösdürmek hem-de onuň maddy-enjamlaýyn binýadyny berkitmek boýunça asylly işler alnyp barylýar. Soňky ýyllarda sport ulgamy belent derejelere, ýokary basgançaklara göterildi. Muňa türkmen türgenleriniň halkara derejesinde, döwlet ýa

23 Mart 2021

Maksada okgunly türgen

Bedenterbiýäni we sporty ösdürmek arkaly ýurdumyzda sagdyn durmuş ýörelgesini berkarar etmek babatynda amala aşyrylýan işler özüniň oňyn netijelerini berýär. Obalarymyzda, şäherlerimizde sanlyja ýylyň içinde gurlup, ulanylmaga berlen döwrebap, häzirkizaman enjamly sport mekdepleri, toplumlary, meýdançalary türgenleriň göwnejaý tälim alyp, kämilleşmeklerine, bedenterbiýäniň we sportuň köpçülikleýin häsiýete eýe bolmagyna giň şertleri döretdi. Şeýle şertlerden ýerlikli peýdalanýan türgenlerimiz bolsa barmak büküp sanardan kän. Kerki etrabyndaky 6-njy orta mekdebiň 10-njy synp okuwçysy Sanjar Kamilow hem ýaşlygyndan sport bilen meşgullanyp, geçirilýän ýaryşlarda guwandyryjy netijeleri eýeleýän ýaş türgenleriň biri. Birinji synpdan bäri etrapdaky sport mekdebine gatnaýan Sanjar ol ýerde tälimçi Anwarjan Kurbanowdan tälim alýar. Onuň etrap, welaýat we döwlet derejesindäki bäsleşiklerde gazanan üstünlikleri bolsa bir ýa-da iki däl. Ol 2018—2019-njy ýyllarda adaty karate boýunça welaýatyň açyk çempionatlarynda üç gezek 2-nji orna mynasyp boldy.

23 Mart 2021

Ýaşlar — Watanymyzyň buýsanjy

Balkanabat şäherindäki 24-nji orta mekdepde «Türkmenistan» ýaşlar bedenterbiýe-sport guramasynyň welaýat bölüminiň, welaýat Baş bilim müdirliginiň, Türkmenistanyň Gyzyl Ýarymaý milli jemgyýetiniň welaýat bölüminiň, welaýat sport we ýaşlar syýasaty Baş müdirliginiň, Türkmenistanyň Magtymguly adyndaky Ýaşlar guramasynyň Balkanabat şäher geňeşiniň bilelikde guramaklarynda «Ýurdumyz — berkarar, ýolumyz — ýagty, ýaşlar — Watanymyzyň buýsanjy, bagty» atly maslahat geçirildi. Onda ýurdumyzda Garaşsyzlyk ýyllary içinde gazanylan üstünlikler, ata-babalarymyzdan gelýän edim-gylymlary ýaşlara dogry düşündirmek, olary jemgyýetimiziň ähli ugurlary boýunça meýletinçilige çekmek, şeýle-de hormatly Prezidentimiziň türkmen sportuny ösdürmekdäki alyp barýan işleri, sportuň, welosiped sürmegiň adam saglygyna ýetirýän peýdasy baradaky täsirli gürrüňlere giň orun berildi. Ýaşlary sporta höweslendirmekde dünýä nusgalyk işleri amala aşyrýan Gahryman Arkadagymyza alkyş sözleri aýdyldy. 

22 Mart 2021

Sport syýasatynyň gadamlary

Basketbolçy gyzlar Türkmenistan — parahatçylygyň we ynanyşmagyň Watany ýyly mynasybetli Mary şäheriniň 5-nji sport mekdebinde sportuň dürli görnüşlerinden ýaryşlardyr sport çäreleri guralýar.

22 Mart 2021

Çempion bilen duşuşyk

Gökdepe etrabynyň Babarap obasyndaky ýaş olimpiýaçylary taýýarlaýyş sport mekdep-internatynda Türkmen döwlet bedenterbiýe we sport institutynyň 5-nji ýyl talyby, Halkara agyr atletika federasiýasy tarapyndan 45 kilogram agramdaky türgenleriň arasynda dünýäniň çempiony diýlip ykrar edilen, milli ýygyndy toparymyzyň türgeni Ýulduz Jumabaýewa bilen duşuşyk geçirildi. Welaýat häkimligi, welaýatyň Sport we ýaşlar syýasaty Baş müdirligi, Türkmenistanyň Kärdeşler arkalaşyklarynyň Milli merkezi we bu merkeziň Ahal welaýat birleşmesi tarapyndan guralan duşuşyga sport mekdep-internatynyň okuwçylary, ýaş türgenler hem-de jemgyýetçilik guramalarynyň wekilleri gatnaşdy. Ahal welaýatynyň Sport we ýaşlar syýasaty Baş müdirliginiň başlygynyň wezipesini ýerine ýetiriji Garryguly Garrygulyýew duşuşygy açmak bilen, onuň hormatly myhmany Ýulduz Jumabaýewany gazanan üstünligi bilen gutlady hem-de milli Liderimiziň türkmen türgenleriniň halkara derejesindäki ýaryşlara gatnaşmagy we üstünlikli çykyş etmegi ugrundaky edýän taýsyz tagallalary, döredýän giň şertleridir mümkinçilikleri barada durup geçdi.

21 Mart 2021

Çagalaryň sagdyn durmuş ýörelgeleri

Mähriban çagalar, adamyň saglygy oňa tebigy taýdan berlen iň uly baýlykdyr. Siz hem ony çagalykdan aýap we gorap saklamalysyňyz. Şu günlerde, ilki bilen iň derwaýys işi — arassaçylyk kadalaryny doly we dogry berjaý etmegi, agyz-burun örtüklerini dakynmagy, elleriňizi yzygiderli sabynlap ýuwmagy, köpçülikde talap edilýän 2 metrlik aralygy saklamagy dowam etdirmelisiňiz. Bu düzgünler bilen birlikde sagdyn durmuş ýörelgesine uýup ýaşamak her bir çaga üçin kada bolmalydyr. Sagdyn durmuş ýörelgesi, esasan, şulary öz içine alýar: kadaly gün tertibi, arassa howa, hereket, dogry iýmitlenmek, ruhy-emosional rahatlyk. Çagalar we ýetginjekler her günde, azyndan bir sagat wagtyny fiziki işjeňlige sarp etmelidirler. Bu diýildigi diňe sport türgenleşikleri däl-de, eýsem, pyýada ýa-da welosipedli gezelenç etmek, islendik hereketli oýunlary oýnamak ýaly hereketlilik hem bolup biler. Sagdyn durmuş ýörelgesinde kadaly uka hem aýratyn orun degişlidir. Talabalaýyk dynç alan çagalar ukusyny doly almadyklardan tapawutlylykda, has sagdyn we ruhubelent bolýarlar. Şonuň üçin mekdebe çenli ýaşly çagalar 9-10 sagat, mekdep ýaşly we ýetginjek çagalar bolsa 8-9 sagat uklap dynç almalydyrlar.

19 Mart 2021

Başarjaň basketbolçy

Ýurdumyzyň çar künjeginde iri sport desgalarynyň we sport mekdepleriniň gurlup, ulanylmaga berilmegi islendik ýaşdaky ildeşlerimiz üçin sportuň dürli görnüşleri bilen meşgullanmaga giň ýol açdy. Häzirki zaman ýaşaýyş toplumlarynda, döwrebap ýaşaýyş jaýlarynyň golaýynda futbol, woleýbol, basketbol meýdançalarynyň, tennis kortlarynyň gurulmagy ýaşlaryň we ýetginjekleriň sporta bolan söýgüsiniň ösmegine örän uly ýardam edýär. Soňky wagtlarda toparlaýyn oýnalýan sport görnüşleri bilen meşgullanýan ýaşlaryň sany günsaýyn artýar. Basketbol boýunça Türkmenistanyň ýaşlar ýygyndy toparynyň agzasy bolan Hojanepes Hojanepesow hem şeýle ýaşlaryň biridir.

19 Mart 2021

‹
1
2
...
374
375
376
377
378
379
380
...
385
386
›