Çagalaryň şatlygy — dünýäniň abatlygy

Baky berkarar döwletimiz hemmeleriň kalbyny toý şatlygyna besläp gelen täze, 2021-nji ýyla gadam basdy. «Türkmenistan — parahatçylygyň we ynanyşmagyň Watany» diýlip atlandyrylan bu ýylyň hem eziz Diýarymyza düşümli ýyllaryň biri boljakdygyny onuň belent tutumlaryndan duýmak bolýar. Toý lybasyna beslenen Täze ýyl arçalarynyň daş-töwereginde baýramçylyk keşbi kalbyňy joşa getirýär. Täze ýyl mynasybetli Türkmenistanyň Kärdeşler arkalaşyklarynyň welaýat birleşmesiniň guramagynda geçirilen dabara hem ýatdan çykmajak täsirli pursatlara beslendi. Dabarada çykyş edenler bu ýere ýygnanan bagtyýar körpeleri Täze ýyl baýramy bilen gutladylar. Täze ýylda ata Watanymyzyň abadan, ilimiziň agzybir, topragymyzyň rysgal-bereketli bolmagyny arzuw etdiler. Körpeler şatlyk-şowhun bilen Aýazbabadyr Garpamygy çagyrdylar. Ýürekleri joşgunly körpeler Aýazbabadyr Garpamyk bilen bilelikde aýdym aýdyp, tans etdiler. Täze ýyl baýramçylygyny wasp edýän goşgulary ýatdan aýtdylar. Olaryň Watanymyzy, bagtyýar çagalygy wasp edip aýdan aýdymlary, goşgulary halkymyzy eşretli döwrüň eýesi eden Arkadag Prezidentimize hoşallyklarynyň beýany bolup ýaňlandy.

Rowaclyga beslendi

Ýagşy umyt-arzuwlar bilen Täze ýylymyz bosagadan ätledi. «Türkmenistan — Bitaraplygyň mekany» ýyly uly ösüşleri, möhüm syýasy-jemgyýetçilik wakalary bilen taryhymyzyň gatynda mynasyp orun alar. 2020-nji ýylda mukaddes Garaşsyzlygymyzyň şanly 29 ýyllygy dabaraly bellenip geçildi. Baky Bitaraplygymyzyň 25 ýyllyk toýy uludan tutuldy. Mydama bolşy ýaly, gazanylan üstünlikler örän köpdür. Ähli ugurlarda bolşy ýaly, bilim ulgamyny ösüşiň täze derejelerine çykarmaga gönükdirilen işler oňat netije berýär. Bilim berlişiniň hili ýokarlanýar. Bizem çagalar bagymyzda sapaklary talabalaýyk guramaga, terbiýeçilik çärelerini gyzykly geçirmäge çalyşýarys. Şu maksat bilen görkezme esbaplaryndan, interaktiw tagtadan peýdalanýarys. Şeýle edilmegi körpeleriň sapaga höwesiniň artmagyna ýardam edýär. Çagalar bagymyzda terbiýelenýän çagalar şäher, welaýat derejesinde geçirilýän bäsleşiklere işjeň gatnaşýarlar, baýrakly orunlary eýeleýärler. Şäher möçberinde guralan «Zehinliler öňe saýlanýarlar», «Körpe bilgirjeler», «Dil bilen dünýäni gezer» atly bäsleşiklerem gyzykly boldy.

Täze ýyl — arzyly baýram

Berkarar döwletimiziň bagtyýarlyk döwründe 2021-nji ýylyň gelmegi bilen, ýurdumyzyň ähli ýerlerinde Täze ýyl baýramçylygy dabaraly bellenilýär. Her bir baýramçylygyň öz täsiri we garşylanylyşy bolýar. Baýramçylyklaryň bir-birinden tapawutly bolşy ýaly, olaryň adamlarda galdyrýan täsirleri-de üýtgeşikdir. Täze ýyl baýramçylygy welin, iň bir ajaýyp baýramçylyklaryň biri. Sabyrsyzlyk bilen garaşylýan bu baýramçylyk täze bir ýylyň başlanmagyny aňladýar. Şonuň üçin geçen ýyly dabaraly ýagdaýda tamamlap, Täze ýyly uly joşgun bilen garşylamak däbe öwrüldi. Şeýle-de halkymyzda bir yrym bar. Täze ýyl saçagyny näçe bol edip, dürli-dümen nygmatlardan doldursaň, geljek ýyl hem şonça bereketli, rysgally bolarmyşyn diýilýär. Şol sebäpli, Täze ýyl saçagyny giňden ýazan halkymyz öz bereketli desserhanynyň iň bir süýji, lezzetli nygmatlardan doldurdy. Täze ýyl maşgala baýramçylygydyr. Her kim Täze ýylda öz öýünde, maşgalasynyň arasynda bir saçagyň başynda jemlenýär. Goý, 2021-nji ýyl halkymyza rowaçlyklar getirsin! Uly şatlyk-şowhun bilen maşgala agzalarynyň arasynda garşylanan Täze ýylda rysgal-berekediň, döwletliligiň ýaran bolmagyny tüýs ýürekden arzuw edýäris! Täze ýylyňyz düşümli bolsun!

Hoş geldiň, «Türkmenistan — parahatçylygyň we ynanyşmagyň Watany» ýyly!

Ýurdumyzyň çar künjeginde Täze ýyl baýramçylygy, «Türkmenistan — parahatçylygyň we ynanyşmagyň Watany» ýylyny garşylamak bilen bagly dabaralar giňden ýaýbaňlandyryldy. Bagtyýar ildeşlerimiz hormatly Prezidentimiziň türkmen halkyna Täze ýyl Gutlagyny aýratyn ruhy göteriliş bilen garşylady. Baýramçylyk agşamy guralan teleköpri arkaly göni ýaýlymda Gahryman Arkadagymyza, şeýle-de külli türkmen halkyna ýetip gelen Täze, 2021-nji ýyl mynasybetli gutlaglar, iň gowy arzuwlar aýdyldy. AHALDA

Ähli ýollar Türkmenistana gelýär

«Türkmenistan — parahatçylygyň we ynanyşmagyň Watany” ýylyna köňül kelamy Parahatlyk ata-baba däbimiz,Şygyr köňül atly bossana gelýär!Dünýäniň öňünde belent Tugumyz,Ähli ýollar Türkmenistana gelýär!

Ýyldan-ýyla belent maksatlar bilen

...Pikir edip otursaň, wagt täsin närse, ol bir görseň-ä, juda tiz geçýär, bir baksaňam, beýle-de däl ýaly. Onuň tizligi hakda «Ýortup barýan keýgiň şahyny saýalan ýaly» diýýäris. Dünýäde bir hakykat bar: hiç bir zat wagtdan üzňe däl, wagta dahylsyz, ondan emin-erkin ýaşap bilýän janly-jandaram, jansyz närse-de ýok. Her bir öten ýyl — ömür atly bibaha serpaýdan wagtyň gädip alan bölegi. Daglaryň ösýändigi, hawa, baglaryň-a baýaky, daglaryňam ösýändigi wagtyň “aýnasynda” mälim bolýar.

Gel, Täze ýyl, töre geç!

2021-nji — «Türkmenistan — parahatçylygyň we ynanyşmagyň Watany» ýyly geljege ynam bilen garşylandy 31-nji dekabrda — 1-nji ýanwarda ýurdumyzyň Baş arçasy oturdylan «Älem» medeni-dynç alyş merkeziniň öňündäki meýdança esasy Täze ýyl dabaralarynyň geçirilýän merkezine öwrüldi. Meýdançada gurnalan sahnada meşhur estrada aýdymçylaryň, ussatlaryň hem-de parlak ýyldyzlaryň gatnaşmagynda aýdym-sazly şüweleň guraldy. Olar Täze ýyla bagyşlanan döredijilik çykyşlary bilen tomaşaçylary begendirdiler. Joşgunly aýdym-sazly çykyşlar hem-de tanslar ýerine ýetirildi.

Paýtagtymyzyň Täze ýyl öwüşginleri

Şu günler paýtagtymyz Täze ýyl baýramçylygynda has-da gözel görke eýe boldy. Şaýollardyr köçeleriň ugurlarynda, edara-kärhanalaryň töwereklerinde döredilen gözellikler mähriban ildeşlerimiziň şatlygyny goşalandyrýar. Paýtagtymyzyň görkana baglary ak gara beslenip, göwünleri galkyndyrýar. Täze ýyl baýramynyň öwüşginine beslenen, beýik ösüşlere eýe bolan ak şäherimiz bu günki gün ähli halkymyzyň buýsanjyna öwrüldi. Golaýda, Täze ýyl baýramçylygynyň öňýanyndaky günlerde Gahryman Arkadagymyzyň agtygy bilen paýtagtymyzyň gözel ýerine, Köpetdagyň ajaýyp künjegine gezelenç etmegi hem mähriban ildeşlerimizde ýakymly duýgulary döretdi. Täze ýyl baýramçylygynyň öňýanyndaky günlerde ak şäherimize ak garyň bolluk bilen ýagmagyny hem mähriban halkymyz ýagşy arzuw-niýetler bilen kabul etdi. Halkymyzda «Ak zat alnyňa ýagşy» diýlen pähim hem bar.

Ykbalyň bagt ýyldyzy hemmelere miýesser etsin

Hamal (guzy 21.03-20.04) Hamallar üçin Täze ýylyň ilkinji ongünlügi gyzgalaňly geçer. Hünär-iş orunlarynda olar täze başlangyçlary öňe sürerler, işlerini batly depginlerde alyp bararlar. Hamallaryň öňünde hünär ugurlarynda kämilleşmek üçin giň mümkinçilikler açylar. Tejribeli hünärmenler bilen pikir alşyň. Hünär ugrunda ýörite edebiýatlary okaň.

Şatlyga besleýip ojak-öýleri, hoş gelipsiň, arzuwlaryň baýramy!

Welaýat merkezinde 2020-nji–— Türkmenistan —–Bitaraplygyň mekany ýylymyz bilen, hoşlaşyp ony taryha ugradyp, täze — 2021-nji —–Türkmenistan — parahatçylygyň we ynanyşmagyň Watany ýylyny uly şatlyk-şowhun bilen garşylamak dabarasy boldy. Welaýat kitaphanasynyň öňündäki giň meýdança baýramçylyk röwşünde bezelip, Täze ýyl arçasynyň dürli reňkdäki yşyklary bu ýere gelenlerde ýatdan çykmajak täsir galdyrdy. Hemmeleriň, aýratyn-da çagalaryň uly söýgi bilen garşylaýan baýramy bolan Täze ýyl köňüllerde ruhubelentlik duýgusyny oýardy. Çünki, Täze ýyl — sowgatlaryň baýramy, Täze ýyl —–maşgala baýramy, Täze ýyl — süýji arzuwlaryň baýramy. Arçanyň dürli öwüşgindäki yşyklary şäher merkezine has-da üýtgeşik bezeg berdi. Baky bagtyýarlygyň senasy bolup ýaňlanýan aýdym-sazlar baýramçylyk dabarasyna şowhun çaýdy. Aýdymlarda parahat, asuda, eşretli, bagtyýar durmuşymyzyň, gözel Diýarymyzyň, Arkadag Prezidentimiziň waspy ýetirildi. Şeýle ýatdan çykmajak şatlyga beslenen pursatda Aşgabat şäheriniň we ýurdumyzyň welaýatlarynyň arasynda guralan teleköprä biziň ildeşlerimiz hem goşuldy. Türkmenistanyň hormatly il ýaşulusy Duşak Annagulyýew, şeýle-de, kalplary şatlykdan püre-pür baýramçylyk lybasyndaky ýaş nesillerimiz gözel Diýarymyza, her bir öýe bagt, şatlyk, gülki, rysgal-döwlet getirjek Täze ýyla bolan buýsanç duýgularyny, şeýle ajaýyp durmuş üçin Gahryman Arkadagymyza bolan çuňňur hoşallyklaryn

Belende galdyryp ýaşyl tugumy, garşylaýas täze dogan her güni

Täze —–2021-nji —–Türkmenistan — parahatçylyyň we ynanyşmagyň Watany ýylymyzyň ilkinji gününiň ir säherinde uly ruhubelentlige beslenen ildeşlerimiz welaýat merkezindäki Baş baýdak meýdançasyna ýygnandylar. Bu ýere welaýat, etrap, şäher häkimleri, jemgyýetçilik guramalarynyň wekilleri geldiler. Täze ýylyň täze säherinde Baş baýdak meýdançasynda Döwlet senamyz belentden ýaňlanyp, berkararlygyň, asudalygyň, baky bagtyň nyşany bolan ýaşyl Tugumyz al-asmana galdyryldy. Baky bagtyýarlygyň güwänamasy bolup, asuda asmanymyzda parlaýan ýaşyl Tugumyz bu ýere ýygnananlarda uly buýsanç duýgusyny döretdi. Soňra welaýat häkimi Döwranberdi Annaberdiýew, Türkmenistanyň Mejlisiniň deputaty Durdy Saparow baýramçylyk gutlaglaryny, bagtyýar durmuşa buýsançlaryny, Arkadag Prezidentimize alkyş sözlerini beýan etdiler. Soňra bu ýerde belentden ýaňlanan aýdym-sazlar baýramçylyk dabarasynyň şowhunyny artdyrdy.

Täze ýyl, rysgally gadamyň bilen Joşup geldiň, geç türkmeniň törüne!

Hoş geldiň Täze ýyl, Arkadagly Diýara!

Bagtyýar türkmen halky täze taryhy döwrüniň ýene-de bir şöhratly ýyly bilen hoşlaşdy. Tamamlanan, 2020-nji — «Türkmenistan — Bitaraplygyň mekany» ýylyny milli ykdysadyýetiň we durmuşyň ähli ugurlary boýunça guwandyryjy netijelere beslän welaýatymyzyň bagtyýar ilaty Täze ýyly ýagşy arzuw-umytlar bilen garşy aldy. «Türkmenistan — parahatçylygyň we ynanyşmagyň Watany» diýlip yglan edilen Täze ýylyň garşylanyş dabaralary bolsa, egsilmez ruhubelentlige beslendi. DÜÝN agşamara Täze, 2021-nji ýyly garşylamak mynasybetli welaýat derejesindäki esasy dabara Gökdepe etrabynyň Yzgant şäherçesiniň Mälikguly Berdimuhamedow adyndaky Medeniýet köşgüniň öňündäki meýdançada ýaýbaňlandyryldy. Bu taryhy künjekde welaýatymyzyň Baş arçasy ýerleşýär.

Ajaýyp arzuwlaryň baýramy

Halkymyzyň taryhynda şanly wakalary bilen yz goýan 2020-nji ýylymyz tamamlanyp, ajaýyp arzuwlara beslenip, Täze — 2021-nji ýylymyz başlandy. Hut şu pursadyň özi, her birimiz üçin şatlykly, çünki bu gün Täze ýylyň ilkinji aýynyň ilkinji güni! Taryhyň şöhratly sahypalaryny bezeýän ýyllar beýik işleriň, asylly başlangyçlaryň ýyllar saýy dowam edip gelýändigi bilen baglanyşýar. Şu pursatda anyk mysallara ýüzlenip göreliň: 2019-njy ýyl «Türkmenistan — rowaçlygyň Watany», 2020-nji ýyl bolsa «Türkmenistan — Bitaraplygyň mekany» diýlip atlandyrylypdy. Bu şygarlardan ruhlanyp, eziz Watanymyzda we halkara derejesinde döwletli başlangyçlar durmuşa geçirildi. «Türkmenistan — parahatçylygyň we ynanyşmagyň Watany» diýlip atlandyrylan bu Täze ýylymyz hem halkara derejesinde parahatçylyk we ynanyşmak ýaly beýik maksatly hem-de köňüllere ganat berýän şygar bilen badalga aldy.

Çar tarapdan, çyn ýürekden

Resul MYRADOW.Türkmenistanyň Senagat we gurluşyk önümçiligi ministrligi: — Biziň agzybir, bagtyýar maşgalamyza-da paýtagtymyzyň täze ýaşaýyş jaýlaryndan 3 otagly döwrebap öýleriň birini almak bagty miýesser etdi. Bu şatlykly waka örän tolgundyryjy pursatlara beslenip, ýüreklerimize ýazyldy. Şol gün Gahryman Arkadagymyzyň hut özi öýümize gelip, bizi täze jaýa göçmegimiz mynasybetli gutlady. Ýadygärlik sowgatlaryny gowşurdy. Öýümizde döredilen döwrebap şertler, amatlyklar bilen gyzyklandy. Hormatly Prezidentimiziň ýürekdeş söhbetdeşligi bizi örän tolgundyrdy. Maşgala ojagymyza — öýümize Şa gadamynyň düşmegi başymyzy göge ýetiren iň bir ajaýyp waka bolup, hakydamyzdan orun aldy. Bu şatlykly wakany uly buýsanç hem tolgunmak bilen hemişe ýatlarys...

Bagtyýar ildeşlerimiziň arzuwlary

Mähriban halkymyz Berkarar döwletimiziň bagtyýarlyk döwrüniň ýene bir Täze ýylyny täze arzuwlar bilen garşylady. Tamamlanan «Türkmenistan — Bitaraplygyň mekany» ýyly dürli üstünliklere baý bolup, taryhymyzda we ildeşlerimiziň ykbalynda mynasyp orun eýeledi. Hormatly Prezidentimiziň baştutanlygynda döwlet ähmiýetli tutumlara badalga berildi, il-ýurt bähbitli işler durmuşa geçirildi. 2020-nji ýylda ýurdumyzyň depginli ösüşlerine ukyp-başarnygy, görüm-göreldesi, päk zähmeti bilen mynasyp goşant goşan ildeşlerimiziň ençemesi döwlet baýraklaryna, sylaglaryna, hormatly atlara mynasyp boldy. Biz hem şu pursatda şeýle bagtyýar ildeşlerimiziň baýramçylyk gutlaglaryny okyjylarymyza ýetirmegi makul bildik.