"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Ýol abat — il abadan

«Ýol hereketiniň howpsuzlygy — ömrümiziň rahatlygy» atly biraýlygyň esasy maksady ilatyň, aýratynam, ýaş nesilleriň arasynda ýol hereketiniň düzgünlerine düşünjeli garaýşy kemala getirmekden ybaratdyr.   Çagalar mekdebe we çagalar baglaryna gidenlerinde we gaýdanlarynda, ulaglaryň köp gatnawly ýollaryny kesip geçmeli bolýarlar. Şonuň üçinem sürüjileriň mekdepleriň we çagalar baglarynyň golaýyndaky ýollardan geçenlerinde, örän seresap bolmaklary hökmanydyr. Çatrykda saga we çepe öwrülenlerinde, ýoluň gatnawly böleginden geçip barýan pyýadalara ýol berilmelidir. Pyýadalaram ýoluň gatnawly bölegine çykan wagtlary eglenmeli ýa-da säginmeli däldirler. Geçmäge ýetişmedik halatynda, garşydaş ugurly ulag akymlarynyň arasyny bölýän çyzygyň üstünde garaşmalydyrlar.

26 Sentýabr 2024

Jemgyýet

Täsirli geçýän çäreler

«Ýol hereketiniň howpsuzlygy — ömrümiziň rahatlygy» atly biraýlygyň dowamynda harby bölümlerde, edara-kärhanalarda, çagalar baglarynda, orta mekdeplerde dürli çäreleri geçirýäris. Esasan-da, bilim ojaklarynda synpdan daşary geçirýän çärelerimizde ýol hereketiniň düzgünleri barada birin-birin durup geçýäris. Mekdep okuwçylaryna pyýadalaryň borçlary, ýol belgileri we olaryň talaplaryna laýyklykda özüňi alyp barmagyň düzgünleri hakynda düşünjeleri berýäris. Ýol hereketiniň kadalary başlangyç synp okuwçylarynyň arasynda gysgajyk sahnalary görkezmek bilen düşündirilýän bolsa, ýokary synp okuwçylarynyň arasynda slaýdlary, wideoşekilleri görkezmek bilen wagyz-nesihat işlerini geçirýäris. Çagalar bagyna gatnaýan körpelere ýolyşyk we belgiler, ýoluň hereketli bölegini kesip geçmegiň usullary barada düşünjeleri terbiýeçiler bilen maslahatlaşyp berýäris. Pyýadalaryň hereketini düzgünleşdirýän ýol belgileriniň we ýolyşygyň suratlaryny görkezmek arkaly goşgulary öwredip geçýän çärelerimiz örän täsirli bolýar.

26 Sentýabr 2024

Jemgyýet

Raýatlyk pasportynyň gowşurylyş dabarasy

Guwandyrjy pursat Berkarar döwletiň täze eýýamynyň Galkynyşy döwründe gadymy türkmen topragynda toýdur baýramlar goşa-goşadan gelýär. “Pähim-paýhas ummany Magtymguly Pyragy” ýylymyzda geçirilýän şu günki dabaraly çäräniň Garaşsyzlygymyzyň şanly 33 ýyllygynyň baýramyna gabat gelmeginiň ähmiýeti uludyr. Çünki, bu baýramçylyk günlerinde biri-biri bilen utgaşyp gelýän buýsançly wakalar halkymyzyň bagtyýar, asuda durmuşynyň kepilidir.

26 Sentýabr 2024

Jemgyýet

Bäsleşik geçirildi

Garaşsyzlygyň miweleri Golaýda “Marguş” çagalar we ýetginjekler döredijilik öýünde welaýat baş bilim müdirliginiň, welaýat kitaphanasynyň bilelikde guramagynda şanly Garaşsyzlygymyzyň 33 ýyllygynyň toýy mynasybetli “Garaşsyzlygyň miweleri” atly surat çekmek boýunça bäsleşik geçirildi. Oňa «Marguş», “Ýaşyl yşyk”, “Joşgun”, “Altyn nesil”, “Türkmen tebigaty”, “Altyn eller” çagalar we ýetginjekler döredijilik öýleriniň körpejeleri gatnaşdylar.

26 Sentýabr 2024

Jemgyýet

Wagyz-nesihat çäresi

Pyragynyň arzuw eýlän eýýamy TMÝG-niň etrap geňeşiniň, etrap bilim bölüminiň bilelikde guramagynda «Pyragynyň arzuw eýlän eýýamy» ady bilen wagyz-nesihat duşuşygy geçirildi. Duşuşyga TMÝG-niň etrap geňeşiniň işgärleri we işjeň agzalary, bilim bölüminiň işgärleri, etrapdaky 1-nji, 10-njy orta mekdepleriň mugallymlarydyr okuwçylary gatnaşdylar.

26 Sentýabr 2024

Jemgyýet

Wagyz-nesihat çäresi

Eneler — nusgalyk mekdep Murgap etrabynyň medeniýet öýünde şeýle at bilen wagyz-nesihat çäresi geçirildi. Çäräni TKA-nyň etrap birleşmesi etrap häkimligi, TMÝG-niň etrap geňeşi, etrap merkezi kitaphanasy we etrap zenanlar bölümi bilen bilelikde gurady. Wagyz-nesihat çäresine ýokarda atlary agzalan guramalaryň, medeniýet ulgamynyň işgärleri, mährem eneler we ýaşlar gatnaşdylar.

26 Sentýabr 2024

Jemgyýet

«Ýol hereketiniň howpsuzlygy — ömrümiziň rahatlygy» atly biraýlyk dowam edýär

Ak ýollar — nurana ertirimiz Şeýle at bilen, TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň, etrap bilim bölüminiň bilelikde guramagynda wagyz-nesihat duşuşygy geçirildi. Duşuşyga ýokarda ady agzalan jemgyýetçilik guramalarynyň işgärleri, işjeň agzalary, bilim ulgamynyň işgärleri gatnaşdylar.

26 Sentýabr 2024

Jemgyýet

Iliň abadançylygyna

Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylynda hormatly Belent Serkerdebaşymyzyň baştutanlygynda Türkmenistanyň Ýaragly Güýçlerinde «Ýol hereketiniň howpsuzlygy — ömrümiziň rahatlygy» atly biraýlygyň çäklerinde tutumly işler alnyp barylýar. Ol işleriň hatarynda harby bölümleriň we edara-kärhanalaryň awtomobil tehnikalaryny heläkçiliksiz, niýetlenilişi boýunça ulanmagy, bellenilen kadalara we möçberlere laýyklykda, ýol resminamalarynyň ýerindeligini we dogry resmileşdirilendigini üpjün etmek boýunça Türkmenistanyň Ýaragly Güýçlerinde hereket edýän düzgünnamalaryň, buýruklaryň we kadalaşdyryjy namalaryň talaplaryna baglylykda ýerine ýetirilişine gözegçilik etmegi; ýol hereketiniň kadalarynyň berjaý edilişine, harby bölümleriň we edara-kärhanalaryň ulag serişdeleriniň, sürüjileriniň ýol hereketiniň kadalaryny we awtomobil tehnikasyny ulanmagyň düzgünlerini berjaý edişlerine gözegçilik etmegi; ulag serişdelerini dolandyrmaga degişli derejedäki hukugy almaklyga synaglary tabşyrmak üçin goýbermek maksady bilen sürüjilerden nazaryýet we amaly synaglary guramagy hem-de almagy; ýol hereketiniň kadalarynyň we ulag serişdeleriniň ulanylyş kadalarynyň bozulmalaryny hasaba almagyň guralyşyna gözegçilik etmegi görkezmek bolar. Şeýle-de hadysalaryň bolmagyna täsir edýän sebäpleriň we şertleriň seljermesini geçirmek, ýol hereketiniň kadalary

26 Sentýabr 2024

Jemgyýet

Türkmenistanyň Prezidenti Serdar BERDIMUHAMEDOW: – Biziň ýolumyz bagtyýarlygyň, berkararlygyň ýoludyr

24-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň mejlisi geçirildi. Halk hä­ki­mi­ýe­ti­niň ga­dym­dan gel­ýän mil­li däp­le­rin­den, hä­zir­ki za­man türk­men jem­gy­ýe­ti­niň de­mok­ra­tik ka­da­la­ryn­dan ugur alyp, jem­gy­ýe­tiň äh­li gat­lak­la­ry­nyň we dür­li ne­sil­le­riň we­kil­le­ri – ta­lyp­lar, hor­mat­ly ýa­şu­lu­lar, kü­müş saç­ly ene­ler ýur­du­my­zyň ýo­ka­ry we­kil­çi­lik­li eda­ra­sy­nyň mej­li­si­ne gat­naş­ma­ga ça­gy­ryl­dy.Türk­men hal­ky­nyň Mil­li Lideri Gurbanguly Berdimuhamedow Halk Maslahatynyň mej­li­si­ni açyk di­ýip yg­lan ed­ýär. Türk­me­nis­ta­nyň Döw­let se­na­sy ýaň­lan­ýar.Soň­ra we­ki­li­ýet­le­riň ag­za­la­ryn­dan ge­lip gow­şan tek­lip­le­re la­ýyk­lyk­da, Türk­me­nis­ta­nyň Halk Mas­la­ha­ty­nyň mej­li­si­niň pre­zi­diu­my saý­la­nyl­ýar.Gah­ry­man Ar­ka­da­gy­myz ýyg­na­nan­la­ry we ýur­du­my­zyň äh­li hal­ky­ny Wa­ta­ny­my­zyň be­ýik Ga­raş­syz­ly­gy­nyň 33 ýyl­lyk baý­ra­my bi­len tüýs ýü­rek­den gut­la­dy hem-de hem­me­le­re berk jan sag­lyk, mer­da­na türk­men hal­ky­na gül­läp ösüş, bag­ty­ýar­lyk ar­zuw edip, fo­ru­myň we­kil­le­ri­niň mej­li­siň gün ter­ti­bi, se­re­dil­jek so­rag­lar bi­len ta­nyş­ma­ga müm­kin­çi­lik alan­dyk­la­ry­ny bel­le­di. Şeý­le-de, mil­li L

26 Sentýabr 2024

Jemgyýet

Wagt näme üçin çalt geçýän ýaly duýulýar?

Çaga wagtyň irdenden agşama çenli oýna güýmenip ýörşüňe, wagt çalt geçip, derrew Gün ýaşaýjak ýaly. Ýöne beýle däl. Çaga wagtymyz mekdebe gitsedim, wagt çalt geçsedi, basymrak ulalsam diýip arzuw edýäris. Ýaşymyz geçdigiçe bolsa, wagt çalt geçýän ýaly duýlup, gündelik işlerimize hem ýetişmän başlaýarys. Ýaňy Gün dogan ýaly, eýýäm Gün ýaşýar. Ýaňy aý başlanan ýaly, eýýäm aýyň soňy gelýär... Ýaşyň ulaldygyça çagalyk döwründäki ýaly Täze ýyla garaşmak hem onçakly uzaga çekmeýär. Eýsem, ýaşyň ulaldygyça wagtyň çalt geçmegi näme sebäpden ýüze çykýarka? Psihologlar gün, hepde, aý we ýyl ýaly wagt baradaky düşünjeleriň ýaşyň ulaldygyça üýtgeýändigini belleýärler. 8 ýaşly çaga bilen 80 ýaşly adamda bir hepde düýbünden başgaça geçýär. Bu ýagdaý ýat we başdangeçirmeler bilen bagly bolup, çaga üçin bir hepde uzak wagt, emma ýaşuly adam üçin bir hepde gysgajyk pursat. Çaga görä has haýal ädim ädýändigini çen tutsaň, ýaşuly adam üçin wagt haýal geçäýjek ýaly. Ýöne uly ýaşly adamlar üçin hepde gysgajyk wagt birligi bolup, geçen günleri ýatladygyça wagtyň çalt geçýändigini gürrüň berýärler. Wagtyň gadyryny bilmelidigini we «sagatlary » tygşytly ulanmalydygyny ündeýärler. Psihologlar wagtyň çalt geçýän ýaly duýulmagyny beýnidäki meňzeş günleriň köpdügi bilen düşündirýärler. Başgaça aýdylanda, beýnimiz meňzeş günleri ýa-da hepdeleri biri- biri bilen birleşdirýär. Mysal üçin, irden turduň, ertir

26 Sentýabr 2024

Jemgyýet

Güýz paslynyň iň owadan şäherleri

Her paslyň özüne mahsus tebigy gözelligi bar. Pasyllaryň çalyşmagy bilen tebigat, şäherler, obalar özboluşly görnüşe eýe bolýar. Güýz paslynyň gelmegi bilen hem tebigat gyzgylt agaçlara, altynsow ýapraklara örtülip, owadan peýzažy emele getirýär. Syýahatçylaryň köpüsi bu pasylda sary dona bürenen owadan şäherlere gezelenç etmäge çykýarlar. Megerem, sary ýapraklaryň «aýdymyny » diňläp, şäher seýilgählerinde, tokaýlarda gezelenç etmegi halamaýan ýok bolsa gerek. Gazetimiziň şu sanynda güýz paslynyň iň owadan şäherleri bilen tanyşdyrmagy makul bildik.Reňkleriň simfoniýasy, Kýoto. Gadymy ybadathanalary we gür baglary bolan Ýaponiýanyň Kýoto şäheri güýz paslynda hasda gözelleşýär. Bu pasylda şähere barýan syýahatçylar özlerini jadyly dünýä düşen ýaly duýýarlar. Şäherdäki ýapon momiji agaçlary, Kiýomizu- dera we Tofuku- ji baglary gyrmyzy we altynsow reňkleriň sazlaşygyny emele getirýär. Şeýle hem güýz paslynda Kýoto şäherindäki Araşiýama bambuk tokaýlyklary özüne çekiji görnüşe eýe bolýar. Şeýle hem bu şäherde ýapraklar bilen bezelen «çaý öýlerinde » myhmançylykda bolup, matça çaýyndan lezzet alyp bolýar. Güýz ajaýyplygy, Seul. KoreýaRespublikasynyň gülläp ösýän paýtagty güýz paslynda ajaýyp görnüşe eýe bolýar. Seuldaky döwrebap binalaryň, köp şahaly köçeleriň arasyndaky seýilgähleri we taryhy ýerleri güýz ajaýyplygy gurşap alýar. Şäherdäki milli däp-dessurlaryň geçirilýän ý

26 Sentýabr 2024

Jemgyýet

Dünýä täzelikleri gysga setirlerde

Mosartyň näbelli kompozisiýasy. Leýpsigiň aýdym- saz kitaphanasyndan Wolfgang Amadeý Mosartyň öň näbelli eseriniň partiturasy tapyldy. 1760-njy ýyllarda döredilen bu partitura kompozitoryň ýaşlyk döwrüne degişli bolup, 12 minutlyk eserdir. Eser «Örän gysga gije sazy » diýlip atlandyryldy. Tanapdan ýöräp geçdi. Estoniýaly Ýaan Roose golaýda Bosfor bogazyny tanapdan ýöräp geçen ilkinji adam bolup, taryhy rekord goýdy. 32 ýaşly darbaz 1074 metr aralygy 47 minutda geçdi. Ol bu aralygy 165 metr beýiklikdäki Bosfor köprüsiniň diregleriniň arasyndan çekdirilen tanapdan ýöräp geçdi. Dünýä rekordyny goýdy. Hindistanly Waýbhaw Rajamani elini ulanmazdan 151,33 kilometr ýol geçip, Ginnesiň rekordyny täzeledi. Munuň üçin 22 ýaşly welosipedçä 7 sagat 18 minut 13 sekunt gerek boldy. Rajamani şeýle usulda 130,29 kilometr geçen öňki rekordyň eýesi, kanadaly Robert Jon Mýurreýden öňe saýlandy.

26 Sentýabr 2024

Jemgyýet

Türkmenistanyň Prezidentiniň we türkmen halkynyň Milli Lideriniň gatnaşmagynda sadaka berildi

25-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we hormatly Prezidentimiz Serdar Berdimuhamedowyň gatnaşmagynda mukaddes Garaşsyzlygymyzyň 33 ýyllygy we Türkmenistanyň Halk Maslahatynyň mejlisiniň üstünlikli geçmegi mynasybetli Türkmenbaşynyň ruhy metjidinde sadaka berildi. Mälim bolşy ýaly, 24-nji sentýabrda geçirilen umumymilli forumda Gahryman Arkadagymyz ata-babalarymyzyň däp-dessurlaryna eýerip, Türkmenbaşynyň ruhy metjidinde agzybirlikde sadaka bermek baradaky teklip bilen mejlise gatnaşyjylara ýüzlendi we bu teklip biragyzdan goldanyldy.

26 Sentýabr 2024

Jemgyýet

Geňeşli il — döwletli ýol

Ýurdumyzyň Garaşsyzlygynyň 33 ýyllyk toýuna barylýan günlerde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde, hormatly Prezidentimiz Arkadagly Gahryman Serdarymyzyň gatnaşmagynda ýokary guramaçylyk derejesinde hem işjeň häsiýetde geçen Halk Maslahatynyň mejlisi döwletimizde demokratik ýörelgeleriň has-da ösdürilýändigini alamatlandyrdy. Umumymilli foruma ähli watandaşlarymyz bilen birlikde welaýatymyzdan ildeşlerimiziň hem uly topary gatnaşyp, ara alnyp maslahatlaşylan meseleler boýunça kabul edilen çözgütleri biragyzdan goldamakda işjeňlik görkezdiler. Olaryň käbiriniň ýürek buýsanjyny okyjylara ýetirýäris. Toýly KURBANMEDOW, Türkmenistanyň Hormatly il ýaşulusy, Türkmenistanyň Halk Maslahatynyň ýanyndaky hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşleriniň agzasy:

26 Sentýabr 2024

Jemgyýet

­Türkmenistanyň täze raýatlaryna pasportlar gowşuryldy

25-nji sentýabrda hormatly Prezidentimiz Serdar Berdimuhamedowyň tabşyrygy boýunça Döwlet migrasiýa gullugynda Türkmenistanyň raýatlygyna kabul edilen adamlara pasportlary gowşurmak dabarasy boldy. Ata Watanymyzyň mukaddes Garaşsyzlygynyň 33 ýyllygyna gabatlanyp geçirilen bu çäre ýurdumyzyň halkara ynsanperwerlik hukugynyň ýörelgelerine berk ygrarlydygynyň nobatdaky aýdyň mysaly boldy. Döwlet Baştutanymyzyň Ministrler Kabinetiniň giňişleýin mejlisinde gol çeken Permanyna laýyklykda, ýurdumyzyň çäklerinde hemişelik ýaşaýan hem-de 29 milletiň wekili bolup durýan 1 müň 146 adam Türkmenistanyň raýatlygyna kabul edildi. Şeýle-de hormatly Prezidentimiziň Kararyna laýyklykda, 6 döwletiň raýatlary we 15 milletiň wekilleri bolup durýan 134 adama Türkmenistanda ýaşamak üçin ygtyýarnamalar berildi. Döwlet Baştutanymyz degişli resminamalara gol çekip, adam hukuklaryny we azatlyklaryny goramak babatda halkara hukugyň umumy ykrar edilen kadalaryna eýermek bilen, ýurdumyzda bu ugurda netijeli işleriň durmuşa geçirilýändigini belledi.

26 Sentýabr 2024

Jemgyýet

Suwuň gymmat ýurtlary

  Monakonyň içimlik suwuň iň gymmat ýurdudygy mälim edildi. Bu barada geçirilen barlagda ýurtda 1,5 litrlik içimlik suwuň bahasy 5,8 dollar. ABŞ bolsa, iň gymmat içimlik suwy bolan ýurtlaryň arasynda sekizinji orny eýeledi. Barlaglara görä, ABŞ suwuň gymmaty boýunça ilkinji onluga giren ykdysadyýeti güýçli ýurtlaryň arasynda ýeke-tägidir. Bu ýerde şeýle göwrümdäki suwuň bahasy, ortaça, 2,19 dollar.Sanawdaky ilkinji 10 ýeri, esasan, Karib deňziniň we Afrika ýurtlarynyň eýeleýändigi bellendi. Bular degişlilikde, Antigua we Barbuda (2,59 dollar), Merkezi Afrika Respublikasy (2,49 dollar), Barbados (2,48 dollar), Bagama (2,41 dollar), Kosta-Rika (2,35 dollar), Grenada (2,26 dollar) we Eritreýa (2,14 dollar). Onunjy orunda Islandiýa (2,4) gelýär. Iň arzan suwuň Müsürde (18 sent) we Liwiýadadygy (24 sent) anyklandy.  

26 Sentýabr 2024

Jemgyýet

Dünýäniň iň beýik ýaşaýyş jaýy gurlar

  Braziliýanyň “FG Empreendimentos” kompaniýasy dünýäniň iň beýik ýaşaýyş binasyny gurmagy meýilleşdirýär. “Senna” atly bina Braziliýanyň Santa-Katarina şäherinde ýerleşer we meşhur “Formula 1”-iň piloty Aýrton Sennanyň hormatyna gurlar.Pilotyň jigisi Lalally Senna tarapyndan taslanan “Senna” diňiniň beýikligi entek belli däl, ýöne onuň 500 metrden ýokary boljakdygy bellenilýär. Meýilnama görä, binanyň beýikligi 2015-nji ýyldan bäri iň beýik ýaşaýyş binasy hasaplanýan Nýu-Ýorkuň 472 metrlik “432 Park Avenue” diňiniň beýikliginden geçer. Desganyň gurluşygy 2025-nji ýylyň ikinji ýarymynda başlanar. Ilkinji netijelere görä, binanyň esasy aýratynlyklarynyň biri, desganyň köp mukdardaky yşyklandyryş ulgamy bolar.Şeýle-de binada hersi 903 inedördül metr bolan dört sany 2 gatly penthausy öz içine alýan 228 öý bolar. Infrastruktura güýmenje merkezlerini, restoran meýdançalaryny we Aýrton Senanyň karýerasyny, durmuşyny we üstünliklerini beýan edýän interaktiw muzeýi öz içine alar. Taslamanyň tamamlanjak wagty belli däl. Taslama üçin maýa goýumlary, takmynan, 500 million dollar bolar.  

26 Sentýabr 2024

Jemgyýet

Täze hökümet tassyklandy

  21-nji sentýabrda Fransiýanyň Premýer-ministri Mişel Barnýe merkezi we sagçy partiýalaryň 39 agzasyny öz içine alýan hökümetiniň döredilýändigini mälim etdi. Olaryň arasynda 12 agza Prezident Emmanuel Makronyň “Galkynyş” partiýasyna, 10 agza bolsa, Mişel Barnýeniň konserwatiw “Respublikanlar” partiýasyna wekilçilik edýär.Şeýlelik bilen, “Demokratik hereket” partiýasyndan Ýewropa işleri boýunça öňki ministr Žan-Noel Barro daşary işler ministrliginiň täze başlygy wezipesine bellendi. “Respublikanlar” partiýasynyň başlygy Brýuno Retaýo içeri işler ministri boldy. Beýleki ministr wezipeleri aşakdaky ýaly paýlandy: Sebastýen Lekornýu Fransiýanyň ýaragly güýçleriň ministri, Raşida Dati medeniýet ministrliginiň başlygy wezipesine bellendi, Anýes Panýe-Rýunaşe ekologiýa geçiş, energiýa, howa we howplaryň öňüni alyş ministri wezipesine bellendi. Maliýe ministri wezipesini Makronyň partiýasynyň deputaty Antuan Arman eýeledi.Barnýe 5-nji sentýabrda hökümet başlygy wezipesine bellendi. Täze hökümet gurmak baradaky geňeşmeler iki hepdeden gowrak dowam etdi. Bu özgerişlikleriň hemmesi, Milli Assambleýanyň nobatdan daşary saýlawlaryndan soň bolup geçýär.  

26 Sentýabr 2024

Jemgyýet

100 milliard dollar gönükdirer

  Aziýa Ösüş banky täze maksatnama kabul edendigini – 2030-njy ýyla çenli howanyň üýtgemeginiň ýaramaz netijelerine garşy göreş boýunça çäreleri maliýeleşdirmeпine özüniň ýyllyk karzlarynyň 50 göterimini bermek we onýyllygyň dowamynda giň gerimli strategiýa täzelenmesiniň çarçuwasynda hususy pudagyň maýa gönükdirmesini işjeňleşdirjekdigini mälim etdi.AÖB-nyň maglumatlaryna görä, täze maksatnama 2019-njy we 2030-njy ýyllar aralygynda howanyň üýtgemeginiň ýaramaz täsirlerine garşy göreş üçin 100 milliard dollar bölüp berer. Şeýle-de bolsa, şu güne çenli diňe 30 milliard dollar bölünip berildi.-Biz bankymyzyň işini sebitde howanyň üýtgemegine garşy göreş boýunça meselelere gönükdirmek isleýäris – diýip, Aziýa ösüş bankynyň strategiýa müdiri Tomoýuki Kimura aýtdy.Tomoýuki Kimura 2030-njy ýyldaky Strategiýanyň çäginde Aziýanyň iň möhüm ösüş meseleleriniň bäşisine ünsi jemlejekdigini aýtdy: bank howanyň üýtgemegi, hususy pudagy ösdürmek, şeýle-de saglygy goramak, sanly üýtgeşmeler we jemgyýetiň durnuklylygyny ýokarlandyrmak ýaly halkyň abadanlygyna gönükdirilen ugurlar boýunça hyzmatdaşlyk etmegi maksat edinýär.  

26 Sentýabr 2024

Jemgyýet

Anur Kumar ýeňiş gazandy

  “Milli halk güýçleri” bileleşiginiň lideri Anur Kumar Dissanaýake Şri-Lankada geçirilen Prezident saýlawynda ýeňiş gazandy. Bu barada ýurduň saýlaw topary habar berdi. 22-nji sentýabrda geçirilen saýlawlarda 55 ýaşly Dissanaýake 42,31 göterim ses bilen ýeňiş gazandy. Sajita Premadasu ikinji, häzirki Prezident Ranil Wikremesinghe üçünji orny eýeledi.Saýlaw komissiýasynyň maglumatlaryna görä, ýurtda ses beren 13,6 million adamdan 5,6 milliondan gowragy Dissanaýake ses berdi. Täze prezident 23-nji sentýabrda kasam kabul etdi. Ol kasam kabul edişlik dabarasynda azyk çökgünligine garşy göreşmek, bilime we saglygy goraýyşa maýa goýumlaryny çekmek we Şri-Lankanyň ykdysady ösüşiň üstünde işlemekçidigini aýtdy.Dissanaýakeniň syýasy karýerasy 1988-nji ýylda Sosial talyplar assosiasiýasynyň milli guramaçysy bolup işlän döwründen bäri dowam edýär. Syýasatçy 1995-nji ýylda Merkezi işçiler komitetine goşulup, 2001-nji ýylda parlamentiň agzasy bolandan soň “Halk azat ediş fronty” partiýasynda ýokary wezipelerde işläp başlady. 2004-2005-nji ýyllar aralygynda Şri-Lankanyň Oba hojalygy, maldarçylyk, ýerler we suwaryş ministri wezipesinde işledi. 2014-nji ýylda Dissanaýake Halk azat ediş partiýasynyň lideri boldy.Şri-Lanka Demokratik Sosialistik Respublikasy Günorta Aziýanyň bir döwletidir. Bu ýurt 1972-nji ýyla çenli Seýlon diýlip atlandyrylypdyr. Sanskrit dilinden terjime ede

26 Sentýabr 2024

Jemgyýet