"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Türkmenistan — Russiýa Federasiýasy: dostluk, ynanyşmak, özara düşünişmek

Russiýa Federasiýasy bilen strategik hyzmatdaşlygyň yzygiderli giňeldilmegi Türkmenistanyň daşary syýasatynyň ileri tutulýan ugurlarynyň biri bolup durýar. Ýurtlarymyzyň arasyndaky gatnaşyklar dostluk, ynanyşmak, özara düşünişmek ýörelgelerine esaslanýar. 28-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen telefon arkaly söhbetdeşligi muny aýdyň tassyklaýar. Gahryman Arkadagymyz we Russiýanyň parlamentiniň ýokarky palatasynyň ýolbaşçysy birek-biregi ýetip gelýän täze — 2025-nji ýyl bilen gutlap, iki ýurduň halklaryna bagtyýarlyk, abadançylyk, rowaçlyk arzuw etdiler.

7 sagat öň

Hyzmatdaşlyk

Türkmenistan — GDA: hoşniýetli hyzmatdaşlyga ygrarlylyk

Türkmenistan GDA-nyň assosirlenen agzasy hökmünde gurama agza ýurtlar bilen gatnaşyklary taryhyň dowamynda kemala gelen dostluk we hoşniýetli goňşuçylyk däpleri esasynda ösdürýär. Şu jähetden, 25-nji dekabrda hormatly Prezidentimiz Serdar Berdimuhamedowyň, däp bolşy ýaly, Täze ýylyň öňüsyrasynda geçirilýän Garaşsyz Döwletleriň Arkalaşygynyň döwlet Baştutanlarynyň resmi däl sammitine gatnaşmak üçin Russiýa Federasiýasyna iş saparyny amala aşyrmagy aýratyn ähmiýete eýedir. Ilkinji nobatda, Türkmenistanyň GDA formatyndaky möhüm duşuşyklardyr maslahatlara yzygiderli gatnaşýandygyny, şeýle hem olaryň geçirilýän ýeri bolup durýandygyny bellemelidiris. Şu ýylyň maýynda Aşgabatda Garaşsyz Döwletleriň Arkalaşygyna agza ýurtlaryň Hökümet Baştutanlarynyň Geňeşiniň mejlisi ýokary guramaçylyk derejesinde geçirildi. Onuň gün tertibine girizilen ähli meseleler boýunça degişli çözgütler kabul edildi, özara bähbitli döwletara hyzmatdaşlygy mundan beýläk-de ösdürmäge gönükdirilen möhüm resminamalara gol çekildi. Mejlisiň barşynda Aşgabady «Arkalaşygyň täze sport mümkinçilikleriniň şäheri» diýip yglan etmek baradaky çözgüdiň kabul edilmegi aýratyn ýakymlydyr.

27 Dekabr 2024

Hyzmatdaşlyk

Dostlukly gatnaşyklaryň miweleri

Ata Watanymyzyň daşary syýasatynda Ýakyn Gündogar sebitiniň döwletleri, şol sanda ösen ykdysadyýeti we özboluşly medeniýeti bolan Birleşen Arap Emirlikleri bilen ikitaraplaýyn gatnaşyklary ösdürmek ileri tutulýan ugurlaryň hataryndadyr. 2022-nji ýylyň noýabr aýynda hormatly Prezidentimiziň dostlukly döwlete ilkinji resmi saparyny amala aşyrmagy, onuň çäklerinde Türkmenistanyň Daşary işler ministrliginiň Halkara gatnaşyklary instituty bilen BAE-niň Anwar Gargaş adyndaky Diplomatik Akademiýasynyň arasynda özara düşünişmek hakynda Ähtnama gol çekilmegi bilim hyzmatdaşlygyny has-da işjeňleşdirdi. Şunuň bilen baglylykda, ýakynda türkmen diplomatiýasynyň milli mekdebiniň talyplaryndan ybarat topar dostlukly ýurduň ady agzalan Diplomatik Akademiýasynda okuw sapaklaryny geçdiler. «Halkara aragatnaşyklar: BAE-niň syýasaty, medeniýeti we ykdysady ugurlary» atly okuw maksatnamasynyň çäklerinde Anwar Gargaş adyndaky Diplomatik Akademiýasynyň professor-mugallymlarynyň geçen sapaklary diýseň täsirli boldy. BAE-niň Halypa diplomatlar geňeşiniň başlygy doktor Saýid Al Şamsiniň dostlukly döwletiň taryhy, daşary syýasatynyň esasy ugurlary, medeniýeti, ykdysadyýeti boýunça beren sapagy bizde uly gyzyklanma döretdi. Akademiýanyň ylmy işgäri Mustafa Baýuminiň, Ýakyn Gündogaryň syýasaty bölüminiň ýolbaşçysy Obaýd Al Dhanhaniniň, doktor Sara Çehebiň dürli ugurlardan eden çykyşlary biziň üçin ö

27 Dekabr 2024

Hyzmatdaşlyk

Däp bo­lan dost­lu­ga yg­rar­ly­lyk

25-nji dekabrda hormatly Prezidentimiz Serdar Berdimuhamedow däp bolşy ýaly, Täze ýylyň öňüsyrasynda geçirilýän Garaşsyz Döwletleriň Arkalaşygynyň döwlet Baştutanlarynyň resmi däl sammitine gatnaşmak üçin Russiýa Federasiýasynda iş saparynda boldy. Gü­nüň ikin­ji ýa­ry­myn­da hormatly Prezidentimiz «Igo­ra» gyş­ky sport oýun­la­ry top­lu­my­nyň Buz­ly köş­gü­ne bar­dy. Bu iri top­lum ýa­ryş­la­ry we tür­gen­le­şik­le­ri, dür­li de­re­je­li çä­re­le­ri ge­çir­mek üçin kö­pu­gur­ly meý­dan­ça bo­lup dur­ýar. Onuň dü­zü­min­dä­ki Buz­ly köşk buz­ly meý­dan­ça­ny, mas­la­hat­lar za­ly­ny we beý­le­ki des­ga­la­ry özün­de jem­le­ýär.

26 Dekabr 2024

Hyzmatdaşlyk

Türk­menistan — Malaýziýa: ta­ry­hyň tä­ze sa­hy­pasy

Türkmenistan bilen Malaýziýany birek-birege hormat goýmak däplerine esaslanýan dostlukly gatnaşyklar baglanyşdyrýar. Ikitaraplaýyn hyzmatdaşlygyň baý tejribesi we ägirt uly mümkinçilikler häzirki döwürde umumy bähbitlere laýyk gelýän köpugurly özara gatnaşyklary ösdürmek üçin amatly şertleri döredýär. Hormatly Prezidentimiz Serdar Berdimuhamedowyň 18-19-njy dekabrda bu dostlukly ýurda amala aşyran ilkinji resmi sapary hem türkmen-malaý hyzmatdaşlygynyň taryhynda täze sahypany açdy. Sy­ýa­sy dia­lo­gy do­wam et­di­rip

26 Dekabr 2024

Hyzmatdaşlyk

Oňyn tej­ri­be­ler tä­ze tas­la­ma­la­ra ýol aç­ýar

Paý­tag­ty­myz­da ge­çi­ri­len Yk­dy­sa­dy hyz­mat­daş­lyk bo­ýun­ça türk­men-ýa­pon ko­mi­te­ti­niň 15-nji mej­li­si­ne gat­naş­mak üçin «ITOCHU Cor­po­ra­tion» kom­pa­ni­ýa­sy­nyň di­rek­tor­lar ge­ňe­şi­niň ag­za­sy, ýe­ri­ne ýe­ti­ri­ji wi­se-pre­zi­den­ti, ma­şyn we en­jam­lar kom­pa­ni­ýa­sy­nyň pre­zi­den­ti, bu ko­mi­te­tiň ýa­pon bö­le­gi­niň baş­ly­gy Hi­ro­ýu­ki Su­ba­ýyň ýol­baş­çy­ly­gyn­da­ky Ýa­po­ni­ýa­nyň işe­wür to­par­la­ry­nyň uly we­ki­li­ýe­ti ýur­du­my­za gel­di. Du­şu­şy­gyň do­wa­myn­da ta­rap­lar döw­le­ta­ra dia­lo­gyň tä­ze tap­gy­ryn­da söw­da-yk­dy­sa­dy hyz­mat­daş­ly­gyň mö­hüm ugur­la­ry­ny, ma­li­ýe-ma­ýa go­ýum gat­na­şyk­la­ry­ny ara alyp mas­la­hat­laş­dy­lar. Gel­je­gi uly bi­le­lik­dä­ki tas­la­ma­lar, önüm­çi­lik hyz­mat­daş­ly­gy­nyň ugur­la­ry ba­ra­da pi­kir alyş­dy­lar. Fo­ru­ma iki ýur­duň dür­li mi­nistr­lik­le­ri­niň, pu­dak­la­ýyn do­lan­dy­ryş eda­ra­la­ry­nyň we­kil­le­ri, Se­na­gat­çy­lar we te­le­ke­çi­ler bir­leş­me­si­niň ag­za­la­ry, iki ta­rap­dan hem işe­wür­lik dü­züm­le­ri­niň ýol­baş­çy­la­ry we­kil­çi­lik et­di.

26 Dekabr 2024

Hyzmatdaşlyk

Türkmen döwlet bedenterbiýe we sport institutynyň daşarky hyzmatdaşlygy

«Türkmenistan Sport»: № 4 (24), 2024 Berkarar döwletiň täze eýýamynyň Galkynyşy döwründe mähriban bilim ojagymyz bolan Türkmen döwlet bedenterbiýe we sport institutynyň Ylalaşyk we Ähtnama esasynda halkara hyzmatdaşlygy ýola goýup, sanly ulgam arkaly ylym-bilim taslamalaryna gatnaşýan daşary ýurtlaryň abraýly edaralary bilen gatnaşyp, ýurdumyzyň halkara sport abraýyny belende götermekde taýsyz tagallalary durmuşa geçirýän Gahryman Arkadagymyzyň başlangyçlaryny ösüşlere besleýän Arkadagly Gahryman Serdarymyzyň ynamyny mynasyp ödäris diýip umyt edýäris!

26 Dekabr 2024

Hyzmatdaşlyk

Sarahs demir ýol menzilinden Eýranyň eksport harytlarynyň geçirilişi 6% artdy

2024-nji ýylyň 21-nji martynda başlanýan Eýranyň ýyl senenamasynyň ilkinji dokuz aýynda Türkmenistan bilen serhetde ýerleşýän Sarahs demir ýol menzili arkaly geçirilen eksport harytlarynyň möçberi geçen ýylyň degişli döwründäkiden 6 göterim ýokarlandy. Bu barada “IRNA” habarlar agentligi ýurduň Horasan sebitiniň demir ýol edarasynyň başlygy Mustafa Nasiriniň sözlerine salgylanyp habar berýär. Demir ýol menzili arkaly eksporty, importy we üstaşyr geçirmeleri öz içine alýan halkara ýük daşamalaryň möçberi 2,2 million tonna ýetdi. Şunda esasy bölegini sement we metal gurnamalary düzýän eksport harytlarynyň paýy 840 müň tonnadan geçdi. Bu möçberiň 810 müň tonnasy Horasan-Rezawi sebitinden iberildi. Ýükleriň uly bölegi eýran wagonlaryny ulanmak arkaly Türkmenistana eltildi.

26 Dekabr 2024

Hyzmatdaşlyk

Türkmenistanyň Prezidenti GDA-nyň döwlet Baştutanlarynyň resmi däl sammitine gatnaşdy

Aşgabat — Sankt-Peterburg — Aşgabat, 25-nji dekabr (TDH). Şu gün hormatly Prezidentimiz Serdar Berdimuhamedow, däp bolşy ýaly, Täze ýylyň öňüsyrasynda geçirilýän Garaşsyz Döwletleriň Arkalaşygynyň döwlet Baştutanlarynyň resmi däl sammitine gatnaşmak üçin Russiýa Federasiýasyna iş sapary bilen ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar. Türkmenistan GDA-nyň assosirlenen agzasy bolmak bilen, gurama agza ýurtlar bilen gatnaşyklary taryhyň dowamynda kemala gelen dostluk we hoşniýetli goňşuçylyk däpleri esasynda ösdürýär. Garaşsyz, Bitarap Watanymyz ähli gyzyklanma bildirýän daşary ýurtly hyzmatdaşlar bilen deňhukukly gatnaşyklary ilerletmekde başlangyçly orny eýeläp, ählumumy parahatçylygyň we abadançylygyň üpjün edilmegine saldamly goşant goşýar. Hormatly Prezidentimiziň baştutanlygynda ýurdumyz dünýä jemgyýetçiliginiň giň goldawyna eýe bolýan döredijilikli daşary syýasat strategiýasyny üstünlikli durmuşa geçirýär. Şunda abraýly halkara we sebit guramalarynyň, şol sanda GDA-nyň çäklerinde netijeli dialogyň pugtalandyrylmagyna aýratyn ähmiýet berilýär.

26 Dekabr 2024

Hyzmatdaşlyk

Pyragynyň şygyrlary Konfusiniň dilinde

Düýn Türkmenistanyň Daşary işler ministrliginiň Halkara gatnaşyklary institutynda geçirilen Magtymgulynyň saýlanan eserleriniň hytaý dilindäki neşiriniň tanyşdyrylyş dabarasy kitabyň halklary birek-birek bilen ýakynlaşdyrýan, özara düşünişmäge ýol açýan bahasyz gymmatlykdygyny nobatdaky gezek aýdyň görkezdi. Oňa ýurdumyzyň daşary syýasat edarasynyň, döwletimiziň we daşary ýurtlaryň diplomatik wekilhanalarynyň ýolbaşçylarydyr wekilleri, ýokary okuw mekdepleriniň professor-mugallymlary, talyplar, žurnalistler gatnaşdylar. Mälim bolşy ýaly, häzirki wagta çenli Magtymguly Pyragynyň goşgulary dünýäniň 40-dan gowrak diline terjime edildi. Hytaý Halk Respublikasynda çapdan çykan täze kitap bolsa şahyryň saýlanan eserleriniň hytaý dilindäki üçünji neşiridir. Geçen aýyň hut şu günlerinde Pekiniň daşary ýurt dilleri uniwersitetinde bu kitabyň tanyşdyrylyş dabarasynyň hem-de «Pähim-paýhas ummany Magtymguly Pyragy we Hytaý bilen Merkezi Aziýanyň arasyndaky ynsanperwer gatnaşyklar» atly ylmy maslahatyň geçirilendigini gazetimizde habar beripdik. Paýtagtymyzda bu günki guralan çäre-de şolaryň üstüni ýetirip, türkmen-hytaý dostlugynyň kitaply gatnaşyklar arkaly has-da berkeýändiginiň aýdyň güwäsine öwrüldi. Kitabyň terjime edilmegine gönüden-göni dahylly bolan wekiller hem tanyşdyrylyş dabarasyna gatnaşyjylara «Asman astyndaky ýurtdan» öz wideoýüzlenmelerini ýolladylar. B

26 Dekabr 2024

Hyzmatdaşlyk

Dost-doganlyk köprülerini berkidip

Türkmenistanyň dürli ugurlarda üstünlikli durmuşa geçirýän daşary syýasatynda Bitaraplyk syýasatyna möhüm orun degişlidir. Bu syýasat döwletleriň arasyndaky gatnaşyklarda parahatçylyk we ynanyşmak medeniýetini ösdürmek bilen aýrylmaz baglanyşyklydyr. Şunda medeni diplomatiýa uly orun berlip, ol yzygiderli we üstünlikli durmuşa geçirilýär. Şu ýyl beýik şahyr we akyldar Magtymguly Pyragynyň doglan gününiň 300 ýyllyk ýubileýi, Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli geçirilen köp sanly halkara çäreler medeni dialogyň has-da işjeňleşmegine getirdi. Ýeri gelende bellesek, «Türki dünýäsiniň medeni paýtagty» atly maksatnama türki halklaryň medeni mümkinçiliklerini açyp görkezmäge, dünýä jemgyýetçiligini olaryň mirasy bilen tanyşdyrmaga gönükdirilendir. Munuň özi her ýylda türki dilli ýurtlaryň dürli şäherleriniň döredijilik taryhyna ünsi çekmegi, şonuň esasynda hem dürli görnüşdäki baý medeni çäreleriň geçirilmegini göz öňünde tutýar. Şeýle-de ol türki halklaryň taryhyň dowamynda emele gelen gatnaşyklaryna, medeniýetara hyzmatdaşlygyna esaslanýar. Ýurdumyzyň gadymy şäherleriniň eýýäm ikinji gezek «Türki dünýäsiniň medeni paýtagty» diýlip yglan edilmegi olaryň gadymy taryhyna we baý milli medeniýetine ylmy-döredijilik intelligensiýasynyň ünsüni çekmäge, özgertmeler ýolunda häzirki zaman gazananlary bilen tanyşdyrm

26 Dekabr 2024

Hyzmatdaşlyk

Türkmenistan — Malaýziýa: özara ynanyşmagyň binýady

Malaýziýa Türkmenistanyň Gündogar-Günorta Aziýa sebitindäki iri hyzmatdaşlarynyň biridir. Iki döwletiň arasynda diplomatik gatnaşyklar 1992-nji ýylyň 17-nji maýynda ýola goýuldy. Geçen döwürde özara bähbitli hyzmatdaşlykda oňyn tejribe toplanyldy. Malaýziýanyň häzirki ýokary ösüş depgininiň binýadyny goýan Premýer-ministr Mahathir Mohammad 1994-nji ýylda Türkmenistanda resmi saparda bolupdy. Aýratyn-da, 2007-nji ýyldan bäri türkmen-malaý gatnaşyklaryna netijeli ösüşler mahsusdyr. Aziýa sebitiniň döwletleri bilen köpugurly gatnaşyklary ösdürmek nukdaýnazaryndan Türkmenistan Malaýziýa bilen özara hormat goýmak ýörelgeleriniň esasynda däp bolan hyzmatdaşlygy has-da pugtalandyrýar. Söwda-ykdysady gatnaşyklar oňyn ösüş depgini bilen häsiýetlendirilýär. Şunda bilim ulgamy hem hyzmatdaşlykda ileri tutulýan ugurdyr. Golaýda hormatly Prezidentimiziň Malaýziýa resmi saparynyň çäklerinde Türkmenistanyň Hökümet wekiliýetiniň agzalary Kuala-Lumpur şäherinde malaýziýaly kärdeşleri bilen duşuşyklary geçirdiler. Şolaryň dowamynda dürli ugurlardaky ikitaraplaýyn hyzmatdaşlygyň möhüm meseleleri ara alnyp maslahatlaşyldy. Işjeň ýagdaýda geçen duşuşyklaryň barşynda taraplar türkmen-malaý gatnaşyklarynyň netijeli ösüş depginini bellediler. Ikitaraplaýyn duşuşyklaryň gün tertibine syýasy-diplomatik, ýangyç-energetika, söwda-ykdysady, oba hojalygy, ylym-bilim, medeni-ynsanperwer, ulag-kommunikasiýa

25 Dekabr 2024

Hyzmatdaşlyk

Türkmen-malaý gatnaşyklarynda täze sepgitler

Bitaraplyk, parahatçylyk söýüjilik, özara peýdaly, netijeli hyzmatdaşlyk gatnaşyklaryny yzygiderli ösdürýän Türkmenistan Aziýa-Ýuwaş umman sebitiniň ýurtlary, şol sanda Malaýziýa bilen hyzmatdaşlygy hemmetaraplaýyn ösdürmäge uly ähmiýet berýär. Häzirki döwürde dürli ugurda üstünlikli ösdürilýän türkmen-malaý hyzmatdaşlygy okgunly häsiýete eýe bolýar. Hormatly Prezidentimiziň 18-19-njy dekabrda Malaýziýa resmi sapary hyzmatdaşlygyň täze üstünliklerine beslendi. Hormatly Prezidentimiz Serdar Berdimuhamedow bilen Malaýziýanyň Premýer-ministri Dato Seri Anwar bin Ibrahimiň arasynda geçirilen ýokary derejeli gepleşikleriň netijesinde ikitaraplaýyn hyzmatdaşlygyň esasy ugurlary kesgitlenildi. Bu resmi sapar hormatly Prezidentimiziň Malaýziýa bolan ilkinji resmi saparydyr. Iki dostlukly döwletiň arasynda 1992-nji ýylyň 17-nji maýynda diplomatik gatnaşyklary ýola goýlandyr. Şondan bäri geçen döwrüň içinde iki döwlet gyzyklanma bildirilýän dürli ugur boýunça özara peýdaly hyzmatdaşlygy alyp barýar. Esasan-da, nebitgaz senagaty, bilim, syýahatçylyk ulgamlary boýunça hyzmatdaşlyk netijeli ösdürilýär. Hormatly Prezidentimiziň Malaýziýa resmi saparynyň jemleri boýunça Türkmenistanyň we Malaýziýanyň arasynda Bilelikdäki Beýannama kabul edildi. Bu Beýannamada energetika pudagynda ikitaraplaýyn hyzmatdaşlygy çuňlaşdyrmagyň möhümdigine üns çekilýär, şunda «PETRONAS» kompaniýasynyň köpýyllyk oňy

24 Dekabr 2024

Hyzmatdaşlyk

Dünýä türkmenleri gutlaýarlar

Ulynyň-kiçiniň sabyrsyzlyk bilen garaşan Täze ýyl baýramçylygynyň bosagamyza gelmegi bilen dünýäniň çar künjeginde mesgen tutan türkmen doganlarymyzdan sanly ulgam arkaly gelýän gutlaglaryň, telefon jaňlarynyň sany artýar. Olar öz gutlaglarynda türkmen halkynyň Milli Lideri, Dünýä türkmenleriniň ynsanperwer birleşiginiň Prezidenti Gahryman Arkadagymyzy, Arkadagly Gahryman Serdarymyzy, ata Watanymyzyň ähli halkyny Täze ýyl bilen mähirli gutlap, ýurdumyza parahatlyk, asudalyk, gülläp ösüş, halkymyza bolsa saglyk, agzybirlik, bagtly durmuş arzuw edýärler. Şeýle hem dünýä türkmenlerinden gelýän gutlaglaryň her jümlesinde «Pähim-paýhas ummany Magtymguly Pyragy» ýylynda ata Watanymyzyň bedew batly köpugurly ösüşlerine, ýeten belent sepgitlerine buýsanç duýgusy dolup-daşýar. Olar Gahryman Arkadagymyzyň başlangyjy, hormatly Prezidentimiziň taýsyz tagallasy bilen Magtymguly Pyragynyň doglan gününiň 300 ýyllygy mynasybetli bütin dünýäde giňden bellenýän dabaralaryň hemişelik Bitarap Türkmenistany we türkmen halkyny giň halkara jemgyýetçiligine has ýakyndan tanadandygyny, dünýä halklarynyň döwletimize we milletimize bolan hormatyny artdyrandygyny guwanmak bilen belleýärler.

24 Dekabr 2024

Hyzmatdaşlyk

2024-nji ýyl dünýä türkmenleriniň ykbalynda

Täze ýylyň golaýlamagy bilen dünýäniň çar künjeginde mesgen tutan doganlarymyzdan her jümlesi türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza tüýs ýürekden hoşallyklara, watandaşlarymyza bolan ýagşy arzuwlara beslenen gutlaglar sanly ulgam arkaly yzygiderli gelýär. Biz hem olaryň käbirini Täze ýylyň öňýany okyjylarymyza ýetirmegi makul bildik. Gurbannyýaz ŞIRMUHAMMET,owganystanly türkmenleriň Magtymguly Pyragy adyndaky medeni jemgyýetiniň agzasy:

24 Dekabr 2024

Hyzmatdaşlyk

Türkmenistan — Malaýziýa: uzak menzil, ýakyn dostluk

Aslynda, bir sebitde mesgen tutup, goňşy oturmak birek-birek bilen ýakynlyga, ýürekdeşlige ýol açýar. Gatnaşyklaryň ýygy-ýygydan ýola goýulmagyna, ysnyşykly hyzmatdaşlyga esas döredýär. Emma aralykda uzak menzilleriň ýatandygyna garamazdan, şeýle mähribanlygyň, ýürekdeşligiň saklanmagy ikitaraplaýyn dostlugyň, hakykatdan-da, mizemezdigine, «Gözden yrak — göwünden yrak» diýen sözüň hakyky gardaşlyga täsirini ýetirmeýändigine güwä geçýär. Hormatly Prezidentimiziň 18-19-njy dekabrda Malaýziýa amala aşyran resmi saparynyň çäklerinde geçirilen duşuşyklarda, gepleşiklerde munuň şeýledigine ýene bir gezek şaýat bolduk. Iki ýurduň arasynda ençeme dagdyr düzleriň, deňizdir derýalaryň ýatandygyna garamazdan, dostlukly halkyň mähribanlygyny, ýürekdeşligini, myhmansöýerligini her pursatda duýmak ýakymly duýgulary bagyş etdi. Asylly ýörelgeler

23 Dekabr 2024

Hyzmatdaşlyk

Döwletara dialogyň täze derejesi

Türkmenistan döwletimiz «Açyk gapylar» syýasatyna laýyklykda, dünýä döwletleri bilen oňyn gatnaşyklary dostluk, hoşniýetlilik ýörelgeleri esasynda alyp barýar. Bu gatnaşyklar ynanyşmak we birek-biregiň bähbitlerine laýyklyk esasyndaky dialog boýunça barha işjeňleşdirilýär. Döwletara hyzmatdaşlygy ösdürmekde ýokary derejede amala aşyrylýan özara saparlara möhüm orun degişli bolup, 18-19-njy dekabrda hormatly Prezidentimiz Serdar Berdimuhamedowyň Malaýziýa ilkinji resmi sapary amala aşyrmagy möhüm ähmiýetli wakadyr. Türkmenistan bilen Malaýziýany birek-birege hormat goýmak däplerine esaslanýan dostlukly gatnaşyklar baglanyşdyrýar. Häzirki wagtda ýurtlarymyzyň hyzmatdaşlygy halkara guramalaryň, hususan-da, Birleşen Milletler Guramasynyň, Yslam Hyzmatdaşlyk Guramasynyň, Goşulyşmazlyk Hereketiniň we beýleki halkara düzümleriň çäklerinde üstünlikli ösdürilýär. Ikitaraplaýyn gatnaşyklar dürli ugurlarda, şol sanda söwda-ykdysady, medeni-ynsanperwer ulgamlarda yzygiderli pugtalandyrylýar. Şunda türkmen halkynyň Milli Lideri Gahryman Arkadagymyz Gurbanguly Berdimuhamedowyň Malaýziýa 2011-nji, 2016-njy ýyllarda amala aşyran resmi hem-de döwlet saparlarynyň, dostlukly ýurduň Hökümet Baştutanlarynyň 2014-nji, 2019-njy ýyllarda Türkmenistana bolan saparlarynyň dowamynda gol çekilen ikitaraplaýyn resminamalaryň hyzmatdaşlygyň ygtybarly şertnama-hukuk binýadyny emele getirýändigini bell

23 Dekabr 2024

Hyzmatdaşlyk

Dostluk. Hoşniýetlilik. Ynanyşmak

Türkmen-malaý hyzmatdaşlygy bu günki günde ugurlaryň giň gerimi boýunça okgunly ösdürilip, döwlet Baştutanymyz Serdar Berdimuhamedowyň Malaýziýa amala aşyran ilkinji sapary we onuň dowamynda geçirilen ýokary derejedäki gepleşikler özara gatnaşyklary çuňlaşdyrmakda, onuň gerimini giňeltmekde nobatdaky tapgyr boldy. Çünki Aziýa — Ýuwaş umman sebitiniň ýurtlary bilen netijeli gatnaşyklary ösdürmek Türkmenistanyň Bitaraplyk, parahatçylyk söýüjilik ýörelgelerine esaslanýan daşary syýasatynyň ileri tutulýan ugurlarynyň biridir. Mälim bolşy ýaly, nebitgaz pudagy boýunça hyzmatdaşlyk iki dostlukly ýurduň arasynda alnyp barylýan gatnaşyklaryň möhüm ugurlarynyň birini emele getirýär. Çünki Türkmenistan uglewodorod serişdeleriniň ägirt uly gorlaryna eýe bolup, bu serişdeleri gözlemek, özleşdirmek we çykarmak boýunça iş alyp barýan öňdebaryjy kompaniýalar bilen özara bähbitli hyzmatdaşlygy ýola goýmak ugrunda çykyş edýär. Milli nebitgaz pudagynyň işiniň kämilleşdirilmegi we onuň halkara energiýa ulgamyna işjeň goşulyşmagy häzirki zaman, ekologik taýdan arassa tehnologiýalara, öňdebaryjy dünýä tejribesine esaslanýan uglewodorod baýlyklarynyň eksport mümkinçilikleriniň artmagyny üpjün edýär.

23 Dekabr 2024

Hyzmatdaşlyk

“Hytaý-Gyrgyzystan-Özbegistan” demir ýoluň gurluşygyna başlanýar

Gyrgyz Respublikasynyň Prezidentiniň Diwanynyň “Yntymak-Ordo” binasynda Gyrgyz Respublikasynyň Ministrler Kabineti bilen “Hytaý-Gyrgyzystan-Özbegistan” demirýol kompaniýasynyň arasynda maýa goýum şertnamasyna gol çekildi. Maýa goýum şertnamasyna Gyrgyzystanyň ulag we kommunikasiýa ministri Absattar Syrgabaýew we “Hytaý-Gyrgyzystan-Özbegistan” demirýol kompaniýasynyň direktorlar geňeşiniň başlygy Çžun Şenguý gol çekdi.

23 Dekabr 2024

Hyzmatdaşlyk

Pyragynyň ilinden Afrika yklymyna

Hormatly Prezidentimiz Magtymguly Pyragyny «Türkmen şygryýetiniň altyn eýýamynyň parlak ýyldyzy» diýip atlandyrmak bilen, onuň döredijiligine örän ýokary baha berýär. Doglan gününiň 300 ýyllygynyň hormatyna «Pähim-paýhas ummany Magtymguly Pyragy» ýyly diýlip atlandyrylan 2024-nji ýylyň bolsa söz ussadynyň adynyň arşa göterilip, «parlak ýyldyz» hökmünde has ýiti ýalkym saçan ýylyna öwrülendigi aýdyň hakykatdyr. Ýylyň dowamynda onuň ýubileýi mynasybetli Ýer ýüzüniň çar künjeginde — Aziýa, Ýewropa, Amerika yklymlarynda dürli mazmunly çäreleriň 170-e golaýynyň geçirilmegi-de muňa anyk delil. Şahyryň gymmatly mirasy ÝUNESKO, TÜRKSOÝ ýaly ýöriteleşdirilen düzümleriň hem üns merkezinde boldy. Şanly ýylyň ahyrky günlerinde-de türkmen halkynyň beýik oglunyň ady ýene bir täze meýdançada — Yslam dünýäsiniň Bilim, ylym we medeniýet meseleleri boýunça guramasynyň (ICESCO) ştab-kwartirasynda ýaňlandy. 18-nji dekabrda şol ýerde geçirilen çärelere gatnaşmak üçin Türkmenistanyň daşary işler ministriniň orunbasary M.Bäşimowanyň ýolbaşçylygyndaky wekiliýet Marokko Patyşalygynyň Rabat şäherinde iş saparynda boldy.

23 Dekabr 2024

Hyzmatdaşlyk