"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Türkmenistan — parahatçylygyň we ynanyşmagyň watany 2021-nji ýyly geljege ynam bilen garşylady

31-nji dekabr — 1-nji ýanwar. Türkmenistanlylar tutuş dünýä iň gowy geljegi sowgat edip, gadam urýan Täze ýyly hoş niýetler we ajaýyp umytlar bilen garşyladylar. Ýurdumyzyň Baş arçasy oturdylan “Älem” medeni-dynç alyş merkeziniň öňündäki meýdança esasy Täze ýyl dabaralarynyň geçirilýän merkezine öwrüldi.

1 Ýanwar 2021

Syýasat

Beýik ynam we belent maksatlar bilen «Türkmenistan — parahatçylygyň we ynanyşmagyň Watany» ýylyna gadam basyldy

Täze ýyl baýramy bütin ýylyň dowamynda ýerine ýetirilen işlere, ýetilen sepgitlere, gazanylan üstünliklere ser salyp, onuň netijelerine baha bermegiň we täze maksatlary kesgitläp, hoşniýetli umytlar, ajaýyp arzuwlar, nurana geljege bolan egsilmez ynam bilen ömür kitabynyň täze sahypasyna başlamagyň wagtydyr. Milli Liderimiziň daşyna mäkäm jebisleşen bagtyýar halkymyz hem «Türkmenistan — Bitaraplygyň mekany» ýylyny uly üstünliklere besläp, ajaýyp arzuwlar we belent maksatlar bilen Täze ýyly garşy aldy. Täze — 2021-nji ýyl eziz Diýarymyzda «Türkmenistan — parahatçylygyň we ynanyşmagyň Watany» şygary astynda geçer. Döwlet Baştutanymyzyň başlangyjyndan hem-de halkymyzdan, döwlet edaralaryndan, iri jemgyýetçilik birleşiklerinden we syýasy partiýalardan gelip gowşan köp sanly tekliplerden ugur alnyp öňe sürlen bu şygarda Garaşsyz, baky Bitarap Watanymyzyň parahatçylygy, abadançylygy, hoşniýetli gatnaşyklary pugtalandyrmakda alyp barýan syýasaty şöhlelenýär.

1 Ýanwar 2021

Syýasat

Anyk işler we aýdyň wezipeler

Garaşsyz, baky Bitarap Watanymyzda Gahryman Arkadagymyzyň parasatly baştutanlygynda amala aşyrylýan giň gerimli özgertmeler, durmuşa geçirilýän iri taslamalar oňyn netijelerini berip, döwletimiziň berkararlygynyň we halkymyzyň bagtyýarlygynyň girewine öwrülýär. «Türkmenistan — Bitaraplygyň mekany» şygary astynda belent sepgitlere we uly üstünliklere beslenip geçen 2020-nji ýylyň 30-njy dekabrynda hormatly Prezidentimiziň Täze ýylyň öňüsyrasynda Ruhyýet köşgünde geçiren Ministrler Kabinetiniň we Döwlet howpsuzlyk geňeşiniň bilelikdäki mejlisi hem munuň aýdyň subutnamasy boldy. Türkmenistanyň Ministrler Kabinetiniň başlygynyň orunbasarlarynyň, Döwlet howpsuzlyk geňeşiniň agzalarynyň hem-de Aşgabat şäheriniň we welaýatlaryň häkimleriniň gatnaşmagynda geçirilen mejlisiň başynda Türkmenistanyň Mejlisiniň Başlygy G.Mämmedowa döwlet Baştutanymyzyň 2021-nji ýylyň şygaryny we nyşanyny kesgitlemek boýunça öňde goýan wezipeleriniň ýerine ýetirilişi barada maglumat berdi. Täze ýyly «Türkmenistan — parahatçylygyň we ynanyşmagyň Watany» diýip yglan etmek hakyndaky teklip öňe sürüldi hem-de ýylyň nyşanynyň taslamasy milli Liderimiziň garamagyna hödürlenildi. Hormatly Prezidentimiziň başlangyjy bilen ykrar edilen bu şygar halkymyzdan, döwlet edaralaryndan, iri jemgyýetçilik guramalaryndan we syýasy partiýalardan gelip gowşan köp sanly teklipler nazara alnyp öňe sürüldi.

1 Ýanwar 2021

Syýasat

Türkmenistanyň Prezidenti Gurbanguly Berdimuhamedowyň türkmen halkyna Täze ýyl gutlagy

Mähriban halkym!Eziz watandaşlar! «Türkmenistan — Bitaraplygyň mekany» diýlip yglan edilen 2020-nji ýyl tamamlanyp barýar. Biz az salymdan üstünliklere beslenen bu ýyl bilen hoşlaşyp, Täze — 2021-nji ýyly uly şatlyk bilen garşylarys.

1 Ýanwar 2021

Syýasat

Täze ýyl — täze üstünliklere badalga

Türkmen halkynyň her bir ýyly ruhubelentlik bilen garşy almak däbi bar. Hormatly Prezidentimiziň parasatly baştutanlygynda uly üstünlikleriň we ösüşleriň ýoly bilen öňe barýan eziz Diýarymyz dünýäde belent abraýa mynasyp bolýar. Şeýle beýik ösüşleriň nurana ýolunda bagtyýarlyk bar. Ynha, «Türkmenistan – parahatçylygyň we ynanyşmagyň Watany» diýlip yglan edilen 2021-nji ýyl hem halkymyza we umumadamzada parahatçylygyň we ynanyşmagyň bagtyýarlygyny alyp geldi. Gahryman Arkadagymyzyň parasatly baştutanlygynda gazanylýan beýik ösüşler bilen öňe barýan eziz ildeşlerimiz täze 2021-nji ýyla — «Türkmenistan — parahatçylygyň we ynanyşmagyň Watany» ýylyna tüýs ýürekden buýsanýar. Täze ýyl uludan kiçiniň iň söýgüli baýramy hasaplanýar. Şonuň üçin hem bu nurana baýramda uly-kiçi — hemmeler şatlyga, joşguna beslenýär. Ýylyň şeýle ajaýyp hem nurana at bilen gelmegi bolsa biziň her birimiziň ýüreklerimizde buýsanç duýgusyny döretdi. Çünki parahatçylyk we ynanyşmak türkmen halkynyň milli ýörelgelerini kemala getirýär, bagtyýarlygyň nurana ýoluny ösüşlere besleýär.

1 Ýanwar 2021

Syýasat