"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Pederleriň şöhratly ýoly — milli terbiýe mekdebi

Halkymyzyň asylly däbi bar. Ol hem maşgalada ata-enä hormat goýmak, her başlan işiňi olaryň maslahaty we ýol görkezmesi esasynda alyp gitmek. Bu bolsa şol işiň şowly bolmagyna getirýär. Maslahatly işleriň netijesi elmydama her kim üçin peýdaly we üstünlikli bolýar. Çagalygyndan bu häsiýetleri özünde jemlän ynsan tutanýerli, maksadaokgunly we adamkärçilikli bolýar. Biz muny hormatly Prezidentimiziň atasy Mälikguly aganyň ömür ýolunyň mysalynda aýdyň duýýarys. Mälikguly aganyň gazaply uruş ýyllarynda juda ýaşdygyna garamazdan, görkezen edermenlikleri, ildeşlerini ýeňşe ruhlandyran tutanýerli işleri ähli zamanalar üçin kämil mekdep. Ynha, biziň döwrümiziň ýaş nesillerine nusgalyk häsiýetler. Gahryman Arkadagymyzyň «Älem içre at gezer», «Döwlet guşy» romanlarynda bular barada giňişleýin we täsirli beýan edilýär.

22 Awgust 2024

Miras

Köňülleriň şahyry

Magtymguly Pyragynyň çeper döredijiligi halkymyzyň diliniň senasyna öwrüldi. Bu babatda akyldar şahyryň döredijiligine, edebi mirasyna çäksiz hormat goýýan Gahryman Arkadagymyz: «Her bir halkyň beýikligi onuň öňe çykaran, dünýä beren şahsyýetleriniň beýikligine barabar bolýar. Köňülleriň we döwürleriň şahyry, adamzadyň iň gözel, iň tämiz duýgularynyň aýdymçysy Magtymguly Pyragy türkmen halkynyň ruhy beýikligidir. Beýik şahyryň bize goýup giden mirasy özboluşly terbiýe mekdebidir» diýip belleýär. Berkarar döwletiň täze eýýamynyň Galkynyşy döwründe türkmen topragynyň waspçysy, akyldar şahyr Magtymguly Pyragynyň edebi pähim-parasady, baky taglymy bolan şygyr diwanlary halkymyzyň bagtyýar ýaşaýşynyň joşgunly aýdymy bolup ýaňlanýar.

22 Awgust 2024

Miras

«...Biri goşa tar»

Mahmyt Gaýybynyň meşhur «Gelende bardyr» goşgusynyň ilkinji iki setiri şeýleräk başlaýar: Saz bilen söhbedi ýaman diýmäňler,Adam ata, Howa bolanda bardyr.

22 Awgust 2024

Miras

Halyçylykda ulanylýan gurallar

Türkmen halyçylyk sungatynyň kökleri müňýyllyklara uzap gidýär. Geçmişde çawy äleme dolan bu senet häzirki döwürde-de gelin-gyzlarymyz tarapyndan üstünlikli dowam etdirilýär. Örän inçe, hysyrdyly iş bolan haly dokamakda darak, synny, keser ýaly iş gurallaryndan peýdalanylýar. Geliň, şolaryň käbir görnüşi dogrusynda gürrüň edeliň! Halyçylykda daraklaryň birnäçe görnüşi ulanylýar. Ussalar olary halyçy gelin-gyzlaryň isleglerine görä, dürli ululykda ýasapdyrlar. Halyçylyk sungatynda işjeň ulanylýan gurallaryň biri-de guýma darakdyr. Guýma görnüşli bu gural ýasalanda, ussalar alýuminiý metalyndan peýdalanypdyrlar. Şeýle görnüşli daragy ýasamak köp zähmeti talap edýän eken. Dokmaçylykda giňden peýdalanylýan gülle darak hem beýleki daraklara meňzedilip ýasalypdyr. Onuň göwresine gurşun gyzdyrylyp goýlupdyr.

21 Awgust 2024

Miras

Käselere dil bitiren sazanda

Ol wagtlar biz Ýolöten şäherindäki 1-nji orta mekdebiň IX synpynda okaýardyk. Biziň mekdebimiz bilen etrap sazçylyk mekdebi howlynyň içinde bir ýerde ýerleşýärdi. Şol döwürde Bally atly ýaş ýigit Türkmengala etrabyndan “Ýawa” kysymly motosikleti bilen gatnap, çagalara aýdym-saz ugrundan sapak berýärdi. Wagtyň geçmegi bilen dürli saz gurallarynda saz çalyp, aýdyma hiňlenip ýören ýigit bilen tanyşdyk. Görüp otursak, ol käselerde saz çalyp, meşhurlyk gazanan kompozitor Bally Rejebow bolup çykdy. Bally Rejebow Türkmengala etrabynyň häzirki Serdarýap geňeşliginiň Rahat obasynda önüp-ösen, tüýs sähraýy ýigit diýdirýän oba oglanydy. Ol şu obada ýerleşýän 4-nji orta mekdepde okap, bilim aldy. Bu mekdepde aýdym-saz, tans gurnagy işleýärdi. Bally hem dokuz-on ýaşlaryndan şol gurnaga gatnap, sazyň ilkinji notalaryny, tans etmegiň ilkinji hereketlerini öwrendi. Gurnak ýolbaşçysy çepiksije oglanda aýdym-sazdan tebigy üşügiň bardygyny duýup, Bally bilen goşmaça işlemäge wagtyny gysganmady. Dutar, gyjak, baýan, akkordeon, deprek, üflenip çalynýan saz gurallary ýetginjegiň gündelik oýnagy boldy. Mekdepdäki çeper höwesjeňler toparynyň hatarynda pagtaçylaryň, maldarlaryň öňünde çykyş edip, aýdylyşy ýaly, onuň kem-kemden “ýüzi açyldy” gidiberdi.

21 Awgust 2024

Miras

Geçmişden galan gymmatlyklar

Mirasym — hazyna-genjim Ak bugdaýyň bol hasylyny ýetişdirmegi başaran ata-babalarymyz ondan un almak üçin dürli zähmet gurallaryny, esbaplary, şol sanda daşy oýup sokyny, onuň içine salnan zatlary owratmak, döwmek üçin ujy tommaýly süýri daşy — sokudaşy oýlap tapypdyrlar. Hünärmentçiligiň kämilleşmegi bilen soň-soňlar agaçdan, demirden gurallar hem döräpdir.

21 Awgust 2024

Miras

Dutar ussasy

«Ol goja senetkär Babagammaryň,//Mähir-yhlasyndan dörän dutarym» diýip, şahyrana setirlerde bellenilişi ýaly, dutar ussaçylygynyň Babagammardan miras galandygy rowaýat edilýär. Bu gadymy hem müdimi senetçilik nesilden-nesle geçirilip, barha kämilleşdirilip, biziň şu günlerimize ýetirilipdir. Dutar ýasamakda uly şöhrat gazanan Gelenje ussa, Han Akyýew ýaly onlarça öz kärine ussat halypalaryň atlaryny aýdym-saz muşdaklary, bagşy-sazandalar häli-häzirlerem dilden düşürmän gelýärler. Ezber ussalaryň elinden çykan dutarlary muzeýlerde ýa-da toý-baýramlarda halka hezil berýän bagşy-sazandalaryň elinde görýärsiň. Dutar ýasamak senetçiligini ösdürmäge saldamly goşant goşan halypalaryň ýoluny bu günki gün olaryň şägirtleri dowam etdirýärler. «Şägirt halypadan ozdurmasa, kär ýiter» diýen pähime eýerip, dutar ýasamak bilen meşgullanýan ussalar Mary welaýatynda hem barmak büküp sanardan kän. Bu gün eli hünärli şeýle ussalary ýurdumyzda geçirilýän toýdur baýramlarda, guralýan sergilerde göreniňde guwanjyň artýar. Olar öz işlerini toý sergilerine çykaryp, dutar ýasamagyň inçe tärlerini halk köpçüligine, ylaýta-da, ýaşlara ýetirýärler. Kärine berlen dutar ussalarynyň biri-de Baýramaly etrabynyň Murgap geňeşliginde ýaşaýan Bäşim Welläýewdir.

21 Awgust 2024

Miras

Mi­ras (He­ka­ýa)

Ömer SEÝFETDIN, türk ýazyjysy Adamyň öz nebsine diýen etdirip bilmezligi, ähtimal, azap beriji duýgularyň biri bolsa gerek. Birnäçe ýyllap gatnaşyp, barşyp-gelşip ýören adamymyzyň ýaramaz hereketini görsek, kem-kemden daşlaşmak bilen bolýarys ýa-da gatnaşygy bes edýäris. Şeýdibem, birek-birege bolan mylaýym duýgularyň orny sowuk günler bilen çalşylýar. Ýöne ruhumyzdaky «gowulyk, dogruçyllyk, gözellik» diýen ýaly düşünjeleriň haýsy hem bolsa biri şem ýaly sönende, ine, şonda garaňky bir çöle düşýäris. Bu çölde ýekesiräp, adamlara bolan ynamymyz döwülýär. Gam-gussaly ýaşaýyş... Ine, bu günem ruhumdaky gowulygy aňladýan şem söndi. Nirä gitjegimi bilemok adamçylygyny, oňat häsiýetlerini ýitiren sergezdan mysaly. Ýöne bu ýagdaýa duçar bolmagym öz islegim bilen bolmady ahyryn.

20 Awgust 2024

Miras

Taryhy-medeni miras — halkyň ruhy baýlygy

Berkarar döwletiň täze eýýamynyň Galkynyşy döwründe Watanymyzda giňden bellenilýän şanly seneler, milli baýramçylyklar, halkara derejeli çäreler medeniýet ulgamynda alnyp barylýan işleriň üstünliklere beslenýändiginiň aýdyň güwäsidir. Türkmen halkynyň taryhda baý medeniýetiniň bolandygyny görkezýän, bahasyna ýetip bolmajak gymmatlyklarynyň bardygyny bellemek gerek. Olar dünýäde giňden ykrar edilýär. Magtymguly Pyragynyň golýazmalar toplumynyň ÝUNESKO-nyň “Dünýäniň hakydasy” maksatnamasynyň halkara sanawyna girizilmegi, şahyryň doglan gününiň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçilýän şanly seneleriň sanawyna goşulmagy hem munuň anyk mysalydyr. “Pähim-paýhas ummany Magtymguly Pyragy” şygary astynda geçýän şu ýylda ýurdumyzda we daşary ýurtlarda Gündogaryň beýik akyldarynyň doglan gününiň 300 ýyllygy mynasybetli maslahatlar, «tegelek stoluň» başyndaky söhbetdeşlikler, döredijilik duşuşyklary, sergilerdir konsertler geçirilýär. Olaryň esasy maksady dana Pyragynyň edebi mirasynyň mundan beýläk-de wagyz edilmegine ýardam bermekden, bu ugurda ylmy barlaglary çuňlaşdyrmakdan, türkmen nusgawy şahyrynyň şahyrana-filosofik dünýäsine halkara jemgyýetçiligiň ünsüni çekmekden ybaratdyr. Şahyryň goşgularynda beýan edilýän ynsanperwer garaýyşlar XVIII-XIX asyrlarda diňe bir türkmen halkynyň durmuşyna däl, eýsem, Gündogaryň ähli halklaryna-da uly t

17 Awgust 2024

Miras

Magtymgulynyň şygryýet dünýäsi

«Pähim-paýhas ummany Magtymguly Pyragy» ýyly mynasybetli guralýan dabaralar ýurdumyzyň çar künjegini gurşap alýar. Biz 2024-nji ýylyň 17-nji maýynda şeýle taryhy wakalaryň birnäçesine şaýat bolduk. Söz ussadynyň 300 ýyllyk baýramçylygy mynasybetli paýtagtymyzda halkara derejesinde çäreleriň geçirilmegi, hormatly Prezidentimiziň ak pata bermeginde şahyryň Aşgabadyň günorta künjeginde bina edilen belent heýkeliniň we adybir medeni seýilgäh toplumynyň açylmagy, şeýle-de «Magtymguly» atly kitabyň giň okyjylar köpçüligine ýetirilmegi ähli watandaşlarymyzyň başyny göge ýetirdi. Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan taýýarlanan şahyryň saýlanan goşgularynyň 271-si ýerleşdirilen ýygyndysynyň türkmen, rus, iňlis dillerinde çap edilmegi Magtymguly Pyragynyň ajaýyp eserleriniň dünýä ýaýylýandygynyň aýdyň mysalydyr. Bu kitapda edep-terbiýe, ahlaklylyk, ynsanperwerlik, dost-doganlyk, mertlik, gahrymançylyk, milli döwletlilik, watançylyk baradaky filosofik garaýyşlary beýan edýän şygyrlar orun alypdyr. Söz ussadynyň şanly toýuna bagyşlanyp çap edilen şygyrlar ýygyndysy ýokary hilliligi, özboluşly bezegleri bilen okyjylarda uly täsir galdyrýar.

15 Awgust 2024

Miras

Kämilligiň gözbaşy

Edep-terbiýe hakynda gürrüň edilende, halkyň arasynda durmuş tejribesi ýetik adamlaryň aglabasynyň «türkmençilik» diýen düşünjeden gelip çykýan hakykaty ykrar edýändiklerine şaýat bolýarsyň. Edep-terbiýäniň ýazylmadyk kanunlarynda çagany ýaşdan terbiýeläp başlamak, oňa asylly terbiýe bermek halkymyzyň kadasyna öwrülipdir.  Türkmençiligiň edim-gylymlaryny, ýol-ýörelgelerini üýtgewsiz ýerine ýetirýän, asylly maşgaladan çykan çagalar ýagşy işleri ýerine ýetirmäge ukyply bolýarlar. Şahsyýetiň doly derejede kemala gelmeginde onuň çagalyk döwründe çekilen zähmetiň netijesiniň ýokary bolýandygyna anyk göz ýetiren halkymyz ençeme pedagogik garaýyşlary, düzgün-kadalary, däp-dessurlary döredipdir.

15 Awgust 2024

Miras

Gaýtalanmajak sungat eseri

Dürli döwürlerde ussatlaryň ylhamyny özüne siňdiren milli medeniýetiň tämiz owazlary halkymyzyň kalbyna bakylyk mukamy bolup siňýär. Medeniýet halkyň begenjini, buýsanjyny süňňüne siňdirip, ebedilik tapýar. Nepisligi bilen tutuş dünýäde sungat diýlip ykrar edilen milli halyçylyk senedimiz hem gadyry gaçmaýan gymmatlykdyr. Dünýä derejesinde ady arşa galan halylary dokan ussat gelin-gyzlarymyzyň inçe sungaty il gezip, halka, ýurda şöhrat getirýär. Bu gün dünýäniň haýsy künjeginde bolanda-da «Türkmen halysy» diýlip tanalýan beýik sungat halkymyzyň hem ata Watanymyzyň abraý-mertebesini belentliklere çykarýar. Türkmenleriň haly önümçiligi köklerini gadymyýetden alyp gaýdýar. Ol türkmen halkynyň taryhy, ýaşaýşy, milli däpleri, tebigy howa şertleri bilen berk baglanyşyklydyr. Gözelligi babatda deňsiz-taýsyz hasaplanýan, umumadamzat medeniýetiniň genji-hazynasynda mynasyp orun tutýan halylarymyz türkmeniň dünýä beren naýbaşy gymmatlygydyr. Halyçylyk sungaty inçe, nepis sungat bolmak bilen, ol ene-mamalarymyzyň baý tejribesini özünde jemleýär.

15 Awgust 2024

Miras

Ynsan kalbyna şygyrlary bilen şöhle saçýan akyldar

“Pähim-paýhas ummany Magtymguly Pyragy” ýylynda Garaşsyz, hemişelik Bitarap Türkmenistan döwletimizde hem-de halkara giňişliginde Gündogaryň görnükli şahyr-filosofy, türkmen edebiýatynyň nusgawy şahyry Magtymguly Pyragynyň doglan gününiň 300 ýyllygy dabaraly ýagdaýda bellenilip geçilýär. Häzirki wagtda bu şanly senä taýýarlyk işleri giň gerimde alnyp barylýar. Bu Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Ynsan kalbyna şygyrlary bilen ýagşylyk, halallyk, watansöýüjilik şuglasyny çaýýan, ruhy lezzet berýän akyldar şahyrymyzyň nakyla öwrülen, öwüt-ündew berýän ajaýyp setirleriniň terbiýeçilik ähmiýeti diýseň uludyr. Magtymguly Pyragynyň şygryýeti egsilmeýän derýa, ruhy teşnelikden gandyrýan güzer kimin ynsanyýeti agzybirlige, päklige, halallyga çagyrýar. Hut şonuň üçin-de söz ussadynyň her bir setiri durmuş şamçyragy bolup kalplara ornaýar. Magtymguly Pyragy sözüň egsilmez güýji we gudraty bilen şygryýet äleminde ady Arşa galyp, milli derejä göterilen akyldar şahyrdyr. Dana şahyrymyzyň paýhasa ýugrulan döredijiliginde nesil terbiýesine degişli şygyrlara uly orun degişlidir. Şahyr hemişe arzuwlan berkarar döwletini gurmak üçin aň-düşünjeli, sowatly adamlary ýetişdirmegiň wajyplygyny döredijiliginiň üsti bilen beýan edipdir.

15 Awgust 2024

Miras

Miras

Ýaglyk daňdy Halk arasynda ýaglyk daňdy däbi gadymdan gelýän milli däplerimiziň biridir. Gyza sawçylyga gelnende, oglan tarapyň sözi alnyp, saçak açylýar. Şondan soňra oglanyň ejesi durmuşa çykjak gyza ýaglyk daňýar. Bu däp gyzy adaglamak ýaly däplerimiz bilen hem meňzeşräkdir. Ýöne ondan tapawutlylykda, ýaglyk daňmak däbi saçak açylandan soň ýerine ýetirilýär. Adaglamak bolsa çagalykdan eline ýa-da boýnuna monjuk, bilezik dakmak bilen bellenilýär.

14 Awgust 2024

Miras

Monjuk — zenan zynaty

Zergärçiligiň iň gadymy we giň ýaýran görnüşleriniň biri hem monjuklardyr. Monjuklar irki döwürlerden bäri gymmatbahaly daşlardan, süňklerden, jandarlaryň dişlerinden, balykgulaklardan, altyn, kümüş we beýleki önümlerden ýasalypdyr. Monjuklaryň, öz gezeginde, saça, boýna, eliň goşaryna, gulaga dakylýan görnüşleri bardyr. Ýaşajyk gyzjagazlaryň gulagy deşilende, sapaga düzülen monjukly ýa-da uly bolmadyk hünjüli gulakhalka dakypdyrlar. Hünji bilen monjuklardan gezekleşdirilip düzülen sep ýaş gyz-gelinleriň goşarlaryny, gartaşan aýallaryň bolsa boýnuny bezäpdir. Monjuklar, öz gezeginde, düzülişi we dakylyş görnüşleri hem-de atlandyrylyşy boýunça tapawutlandyrylýar. Lebap sebitlerinde ýaşaýan gelin-gyzlar arassa merjen-hünjülerden sapaga düzülen, dürli reňkler bilen nagyşlanylan monjuklary dakynypdyrlar. Olar gelin-gyzlary asylly, edepli görkezipdir. Zenanlar monjuklaryň arasyna ýantar daşyndan ýasalan monjuklary goşup dakmak bilen, olaryň dürli dertleri bejerijilik häsiýetiniň bardygyny bilipdirler. Şeýle-de olar käbir keselleriň öňüni almakda we bakteriýalary ýok etmekde örän haýyrlydygy üçin monjuklara kümüş teňňeleri hem dakypdyrlar.

14 Awgust 2024

Miras

Ähli döwürleriň şahyry hakda

Türkmen halky ençeme şahyrlary döretdi, emma şolaryň arasynda söz ussady, deňi-taýy bolmadyk beýik Magtymguly birinji orunda durýar. Magtymguly türkmeniň şygryýetinde gymmatbaha daşlaryň biri bolup, ol biziň zamanamyzda täze ýüzügiň gaşynda gözüňi gamaşdyryjy şöhlesi bilen lowurdaýar.

14 Awgust 2024

Miras

Beýik söz ussady we erteki ýordumlary

Gahryman Arkadagymyzyň beýik başlangyçlaryny üstünlikli durmuşa geçirýän hormatly Prezidentimiziň taýsyz tagallasy netijesinde türkmen halkynyň medeniýetiniň, sungatynyň, pederlerimizden miras galan gadymy edebi-ruhy gymmatlyklarynyň, baý halk döredijilik eserleriniň ylmy esasda öwrenilmegine, halkymyza ýetirilmegine we dünýä derejesinde wagyz edilmegine aýratyn ähmiýet berilýär. Gahryman Arkadagymyz: «Nusgawy şahyrlarymyzyň, beýik akyldarlarymyzyň, halk döredijiligimiziň baý mirasyny öwrenip, ylmy taýdan seljermek we asyl nusgasyny halka ýetirmek, türkmen halkynyň taryhy, medeni mirasy boýunça ylmy barlaglary alyp barmak öňde duran möhüm wezipeleriň biridir» diýip, nygtamak bilen alymlary, ylym adamlaryny döredijilikli gözleglere ruhlandyrýar. Türkmen ruhunyň synmaz sütüni bolan Magtymguly Pyragynyň şahyrana dünýäsine düşünmek, şahyryň baý edebi mirasyny öwrenmek, şygyrlarynyň manysyny tirmek babatynda alymlardyr magtymgulyşynaslar ençeme ýyllardan bäri ylmy-barlag işlerini alyp barýarlar. Berkarar döwletiň täze eýýamynyň Galkynyşy döwründe-de halkyň kalbynyň töründe orun alan Magtymguly ussadyň guýmagursak zehininden, şahyrana kalbyndan syzylyp çykan şygyrlarynyň manysy giň gerimde öwrenilýär. Bu meselä beýik akyldaryň doglan gününiň 300 ýyllygy mynasybetli aýratyn ähmiýet berilýär. Gadymy döwürlerden bäri her bir halkyň edebiýatynda halk döredijiligi bilen ýazuw edebiýatyň

14 Awgust 2024

Miras

Sungat äleminiň ýyldyzlary

Şirin heňli, hoş owazly Türkmen aýdym-saz sungatynda görnükli yz galdyran sungat ussatlary sanardan köp. Şeýle ussatlaryň biri-de türkmen opera hem-de kino sungatynyň ösmegine ägirt uly goşant goşan halypa aýdymçy, Türkmenistanyň halk artisti Annagül Annagulyýewadyr. Ol bütin ömrüni opera we kino sungatyna bagyş edip, hoş owazly aýdymlary ýerine ýetirip, ençeme gahrymanlaryň keşbini döretmegi başaran ussatdyr.

14 Awgust 2024

Miras

Mirasymyz — buýsanjymyz

Halkymyzyň baý hem-de gadymy mirasy, bahasyna ýetip bolmajak medeni gymmatlyklary bar. Berkarar döwletiň täze eýýamynyň Galkynyşy döwründe gözbaşyny gadymyýetden alyp gelýän şol gymmatlyklarymyzyň, ynsanperwer däp-dessurlarymyzyň, ýörelgelerimiziň, adatlarymyzyň ylmy taýdan öwrenilmegi we kämilleşdirilmegi, goralyp saklanmagy, geljekki nesillere ýetirilmegi üçin uly aladalar edilýär. Bu meselede muzeýleriň orny hem uludyr. Türkmen halky dünýäniň genji-hazynalarynyň hataryna giren milli gymmatlyklary döretmegi başarypdyr. Şol gymmatlyklar hem döwrebap muzeýlerimizde goralyp saklanýar, muzeýleriň ylmy işgärleri tarapyndan ylmy taýdan öwrenilýär. Biziň muzeýimize gelýän adamlar hem halkymyzyň gadymy taryhy, baý medeniýeti, däp-dessurlary barada giň düşünje alýarlar. Guraýan baý many-mazmunly sergilerimiz olarda uly täsirleri galdyrýar. Ata-babalarymyzyň müňýyllyklaryň dowamynda döreden medeni mirasy, gadymdan galan gymmatlyklar sergileri synlamaga gelýän bagtyýar raýatlarymyzda olara bolan buýsanjy, söýgini artdyrýar.

14 Awgust 2024

Miras

Azadynyň gurduran geçelgesi

Beýik söz ussady, aryf akyldar Döwletmämmet Azady ömrüniň bütin dowamynda il-günüň agzybir, parahat, asuda durmuşda ýaşamagy ugrunda aladalanypdyr. 6000-e golaý setirden, 2314 beýtden, dört bapdan ybarat bolan «Wagzy-azat» eserinde beýik akyldar döwlet gurmagyň zerurlygy, adyl şa, baýlaryň ýoksullara ýardam bermekleri, durmuşda özüňi alyp barmagyň meseleleri, ylym-bilim, alymlaryň jemgyýetdäki orny we häsiýetleri, derwüşler hakynda düýpli meseleleri gozgaýar.

14 Awgust 2024

Miras