Türkmenmetbugat

"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Bagtly geljegiň binýady

Sagdynlyk — bagtly geljegiň binýady. Şol esasdan ösüşiň täze belentliklerini nazarlaýan eziz Diýarymyzda halkymyzyň agzybir, abadan, sagdyn, eşretli durmuşda ýaşmagy üçin giň möçberli işler alnyp barylýar. Berkarar döwletiň täze eýýamynyň Galkynyşy döwründe ýurdumyzda sporty ösdürmek, jemgyýetde, esasan hem, ýaşlaryň arasynda sagdyn durmuş ýörelgesini ornaşdyrmak, olaryň sagdyn hem ruhubelent adamlar bolup ýetişmeklerini gazanmak baradaky işlere aýratyn üns berilýändigi bellärliklidir. Üstünlikli durmuş geçirilýän şeýle işleriň netijesinde hem ata Watanymyz sagdynlygyň, sportuň mekanyna öwrüldi. Ajaýyp zamanamyz sagdyn durmuş ýörelgesini jemgyýetimiziň ähli ulgamlaryna giňden ornaşdyrmagyň we her bir raýatyň bu ýörelgä eýermegini gazanmagyň, türkmen sportunyň şan-şöhratynyň barha artýan döwri bolup taryha girer. Çünki sagdyn durmuş ýörelgesini wagyz etmek, sporty ösdürmek döwlet syýasatynda ileri tutulýan ugurlaryň biri bolup durýar.

10 Aprel 2024

Halkara ýaryşlaryň merkezi

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary bilen ýurdumyzda ýokary derejeli sporty ösdürmekde möhüm ähmiýetli işler üstünlikli durmuşa geçirilýär. Ýurdumyzyň dürli künjeklerinde dünýä ülňülerine gabat gelýän sport desgalarynyň gurlup ulanylmaga berilmeginiň köpçülikleýin bedenterbiýäni jemgyýetimize ornaşdyrmakda uly itergi berýän güýç bolup durýandygyny bellemek aýratyn ýakymlydyr. Gözel paýtagtymyz Aşgabat şäheri häzirki wagtda halkara sport ýaryşlaryny geçirmäge ukyply merkezleriň birine öwrüldi. Muňa mysal edip, ýurdumyzda 2018-nji ýylda geçirilen «Amul — Hazar 2018» awtorallisini, 2019-njy ýylda geçirilen Agyr atletika boýunça dünýä çempionatyny, «Arkadag Serdarly bagtyýar ýaşlar ýylynda» geçirilen Kuraş boýunça XIV dünýä çempionatyny, ýagny iri halkara sport ýaryşlaryny buýsanç bilen bellemek bolar. Halkara sport ýaryşlarynyň mekanyna öwrülen berkarar Diýarymyzda «Pähim-paýhas ummany Magtymguly Pyragy» ýylynda hem milli ýygyndy toparlarymyz yzygiderli halkara derejeli sport bäsleşiklerine gatnaşyp, baýrakly orunlara mynasyp bolýarlar.

10 Aprel 2024

Gyzykly hem netijeli oýunlar

Futbol Futbol boýunça milli çempionatymyz gyzgalaňly ýagdaýda dowam edýär. 5-nji tapgyr ähli oýunlarda myhmanlaryň ýeňiş gazanmaklary bilen ýatda galyp, şol tapgyrda Balkanabadyň «Nebitçi» topary dynç aldy. Türkmenbaşy şäheriniň «Şagadamy» bolsa Aşgabatda «Köpetdag» bilen duşuşyp, janköýerleriniň «berekellasyna» mynasyp bolmagy başardy. Oýnuň 10-njy minutynda hasaby myhmanlardan Röwşen Baýlyýew açdy. 13-nji minutda Şiri Annaýew jogap pökgüsini geçirse-de, şondan soňra diňe myhmanlaryň hüjümleri netijeli tamamlandy, ýagny 29-njy minutda 11 metrlik jerime urgusyndan Mekan Aşyrowyň, 45-nji minutda Arslan Ýollyýewiň, 54-nji minutda Hydyrgeldi Atjanowyň geçiren gollary «Şagadamyň» uly hasaply ýeňşini üpjün etdi.

10 Aprel 2024

Paýtagtymyzda sport baýramy

Türkmenistanda hokkeý boýunça ýaryş, ýylyň agramly bölegi güneşli Watanymyzda sportuň buzda oýnalýan görnüşi boýunça halkara ýaryşy geçirilýär. Munuň özi ýurdumyzyň sport pudagynda nähili öňegidişlikleriň gazanylandygyna şaýatlyk edýär. Taryh üçin juda ujypsyz bolan 10 ýyl töweregi wagtda hokkeý ýaly demirgazyk döwletlere mahsus sport görnüşine bolan ukyby zandynda gaýnaýan türkmen türgenleri eýýäm halkara ýaryşlarynyň birnäçesinde ýeňiji bolup, ýylyň-ýylyna dünýä çempionatlaryna gatnaşar derejede kämilleşdiler. 15-nji aprelde paýtagtymyzda badalga aljak halkara ýaryşda bolsa olar ýer eýeleri hökmünde çykyş ederler.

10 Aprel 2024

Türkmenistanyň halkara sport abraýy barha pugtalanýar

Berkarar döwletiň täze eýýamynyň Galkynyşy döwri hormatly Prezidentimiz Arkadagly Gahryman Serdarymyzyň parasatly baştutanlygynda belent sepgitleri nazarlaýar. Geljek hepdede, has takygy, 15 — 20-nji aprel aralygynda mermer şäherimiz Aşgabatda geçirilmegi meýilleşdirilýän hokkeý boýunça halkara ýaryş munuň ýene-de bir aýdyň subutnamasydyr. Hormatly Prezidentimiziň gol çeken Karary bilen, guramaçylyk topary döredilip, Türkmenistanyň Bedenterbiýe we sport baradaky döwlet komiteti hem-de Türkmenistanyň Hokkeý federasiýasy tarapyndan degişli Düzgünnamasy tassyklanylan bu halkara ýaryş dost-doganlygy, hoşniýetli goňşuçylygy has-da pugtalandyrmak, bedenterbiýäni we sporty wagyz etmek, jemgyýetimizde sagdyn durmuş ýörelgelerini işjeň ornaşdyrmak, ösüp gelýän ýaş nesli sport bilen meşgullanmaga giňden çekmek, şeýle hem ýurdumyzyň halkara sport abraýyny mundan beýläk-de belende götermek maksady bilen geçirilýär.

10 Aprel 2024

Türkmenistanyň birinjiliginiň ýeňijileri

Boksçularyň bäsleşigi Golaýda paýtagtymyz Aşgabat şäherinde Türkmenistanyň Bedenterbiýe we sport baradaky döwlet komiteti, Türkmenistanyň Boks federasiýasy tarapyndan sportuň boks görnüşi boýunça 2006-2007-nji ýyllarda doglan ýaşlaryň arasynda Türkmenistanyň birinjiligini almak ugrunda ýaryş geçirildi. Ýaryşa 13 agram derejesi boýunça 100-e golaý ýaş türgen gatnaşdy. Ýaryşyň esasy maksady hormatly Prezidentimiziň ýurdumyzda bedenterbiýäni we sporty ösdürmek babatda edýän tagallalaryna üstünlik gazanmak bilen jogap bermekden, ýurdumyzyň ýygyndy toparyna türgenleri saýlap-seçip almakdan, boksy ösdürmekden ybarat bolup durýar.

10 Aprel 2024

Sport bäsleşikleri geçirildi

Etrabymyzda ilaty, ilkinji nobatda bolsa, ýaşlary, sporta we köpçülikleýin bedenterbiýe hereketine çekmäge uly üns berilýär. Şu maksat bilen dürli sport çäreleri giňden ýaýbaňlandyrylýar. Etrabymyzdaky 3-nji sport mekdebinde geçirilen bäsleşikler sportuň alty görnüşini öz içine aldy. Oňa etrabymyzyň edara-kärhanalarynyň işgärleriniň, sport mekdepleriniň türgenleriniň köpsanlysy gatnaşdy. Çekeleşikli we ýiti bäsdeşlik ýagdaýynda geçen bäsleşiklerde ussatlar öňe saýlandylar. Olaryň ýeňijilerine ýaryşy guraýjylar tarapyndan ýadygärlik sowgatlary dabaraly ýagdaýda gowşuryldy. Biz şeýle çäreleri geljekde hem yzygiderli geçirmegi meýilleşdirýäris. Munuň özi hormatly Prezidentimiziň ýurdumyzda ýokary netijeli sporty we bedenterbiýe hereketini ösdürmek boýunça öňde goýýan jogapkärli wezipelerini durmuşa geçirmäge mynasyp goşandymyz bolar.

10 Aprel 2024

Welaýatyň açyk birinjiligi geçirildi

Sport mekdebimizde gandbol boýunça 2007 — 2008-nji ýyllarda doglan türgenleriň arasynda welaýatyň açyk birinjiligi geçirildi. Oňa welaýatymyzyň etrap-şäherleriniň toparlary bilen bilelikde Aşgabat şäheriniň ýygyndy topary hem gatnaşdy. Oglanlaryň arasynda guralan ýaryşlarda paýtagtly myhmanlar birinji orny eýelediler. Türkmenabat şäheriniň we Dänew etrabynyň toparlary degişlilikde ikinji we üçünji baýrakly orunlara mynasyp boldular. Gyzlaryň arasynda guralan duşuşyklaryň netijeleri boýunça Türkmenabat şäheriniň topary birinji orna mynasyp boldy. Ýaryşda aşgabatly we dänewli gyzlar degişlilikde ikinji we üçünji orunlary eýelediler. Ýeňiji bolan toparlar welaýat bedenterbiýe we sport baradaky baş müdirliginiň Hormat hatlary we medallar bilen sylaglanyldy.

10 Aprel 2024

Ýaş pälwanlaryň üstünligi

Aşgabat şäherinde türkmen milli göreşi we alyş göreşi boýunça Türkmenistanyň birinjiligini almak ugrunda geçirilen ýaryşlarda welaýatymyzyň ýaşlary üstünlikli çykyş edip, toparlaýyn birinjiligi gazandylar. 2006 — 2010-njy ýyllarda doglan türgenleriň arasynda guralan tutluşyklara welaýatymyzdan pälwanlaryň 15-e golaýy gatnaşyp, baýrakly orunlary eýelediler. Agram derejeleriniň 9-sy boýunça geçirilen tutluşyklarda Türkmenabat şäherinden Aýnur Begenjowa we Serdar Taganow, Saýat etrabyndan Käkilik Mekanowa, Batyr Hemraýew we Pälwan Akmyradow öz agram derejelerinde birinjiligi gazandylar. Şeýle hem Roza Arslanowa, Maýa Italmazowa, Eziz Borjakow, Sylap Baýramow dagy hem baýrakly orunlary eýelediler.

10 Aprel 2024

Ökdeler öňe saýlandylar

Sport mekdebimizde guşakly göreş boýunça geçirilen welaýatyň çempionatyna Türkmenabat şäherinden, Saýat, Kerki, Darganata etraplaryndan ýaş pälwanlaryň 50-ä golaýy gatnaşdy. Ýaryşyň tutuş dowamynda saýatly türgenler üstünlikli çykyş edip, gyzlaryň arasynda-da, oglanlaryň arasynda-da toparlaýyn birinjiligi eýelediler. Ýaş pälwanlaryň nobatdaky üstünliginde ussat tälimçiler Agamyrat Çaryýewiň, Halnazar Jumaýewiň, Kerim Gurbanowyň mynasyp paýlary bardyr. Türkmenabatly tälimçiler Azatmuhammet Aşyrowyň we Derkar Açilowyň türgenleri hem öz başarnyklaryny görkezip, toparlaýyn ikinjiligi gazandylar. Oglanlaryň arasynda guralan tutluşyklarda Darganata etrabynyň topary üçünji orny eýeledi.

10 Aprel 2024

Saglygym — baş baýlygym

Sport mekdebimizde geçirilen çäre sportsöýüjileriň köpsanlysyny bir ýere jemledi. Çäräniň dowamynda edilen çykyşlarda ýurdumyzyň sport durmuşynda amala aşyrylýan özgertmeler dogrusynda giňişleýin gürrüň edildi. Çäräniň dowamynda göreş sambosy, dzýudo we kuraş boýunça tälim alýan türgenlerimiz görkezme çykyşlaryny hem görkezdiler. Futbol we woleýbol boýunça etrabymyzyň orta mekdepleriniň toparlarynyň arasynda guralan ýaryşlar ildeşlerimiziň ruhubelentligini has-da artdyrdy. Şeýle hem sport çäresiniň dowamynda dürli ýaryşlarda öz ussatlyklaryny görkezýän türgenlerimize sowgatlar gowşurylyp, olara geljekde-de üstünlikler arzuw edildi.

10 Aprel 2024

Aşgabatdaky halkara hokkeý ýaryşyna 10 topar gatnaşar

15 ― 20-nji aprel aralygynda Aşgabat şäherinde geçiriljek hokkeý boýunça halkara ýaryşa 10 döwletden 10 topar gatnaşar. Olar Türkmenistanyň «Galkan», Özbegistan Respublikasynyň «Feniks», Oman Soltanlygynyň «Oman Khanjars», Bahreýn Patyşalygynyň «Bahreýn», Gazagystan Respublikasynyň «Akmola», Türkiýe Respublikasynyň «Gümüş Patenler», Gyrgyz Respublikasynyň «Dordoý», Russiýa Federasiýasynyň Tatarystan Respublikasynyň «Orhis-Kazan», Eýran Yslam Respublikasynyň «Ice Box» we Belarus Respublikasynyň «Wolat» hokkeý toparlarydyr.

10 Aprel 2024

Erjeller üstün çykdy

Ak bugdaý etrabyndaky ýöriteleşdirilen 46-njy orta mekdepde şadyýan estafeta bäsleşigi geçirildi. «Pähim-paýhas ummany Magtymguly Pyragy» ýyly mynasybetli geçirilen ýaryşy «Türkmenistan» Ýaşlar bedenterbiýe-sport guramasynyň welaýat bölümi hem-de etrap bilim bölümi bilelikde gurady. Etrapdaky umumybilim berýän orta mekdepleriň 8-9 ýaşdan uly bolmadyk okuwçylaryndan düzülen toparlar ýaryşda şadyýan estafetanyň bäş görnüşi boýunça erjelligini görkezdiler. Ýaş nesliň berk bedenli, sagdyn ruhly bolup ýetişmegini gazanmak we sporta höwesini artdyrmak maksady bilen geçirilen ýaryşyň netijesinde etrapdaky 16-njy orta mekdebiň topary birinji, 1-nji orta mekdebiň topary ikinji, 26-njy orta mekdebiň topary üçünji orna mynasyp boldy. Bäsleşikde ýeňiji bolan toparlara hormat hatlary gowşuryldy.

9 Aprel 2024

Sagdyn nesil — röwşen geljek

Hormatly Prezidentimiz Serdar Berdimuhamedow «Ýaşlar — Watanyň daýanjy» atly ajaýyp kitabynda: «Biz ynsan saglygyny ähli zatdan ileri tutup, beden we ruhy taýdan kämil nesli kemala getirmäge uly ähmiýet berýäris. Döwletimiziň bu asylly maksatlarynyň amala aşyrylmagynda sport esasy orunlaryň birini eýeleýär» diýip nygtaýar. Şu parasatly sözlerden görnüşi ýaly, ynsan saglygyny goramakda sportuň we bedenterbiýäniň uly ähmiýeti bardyr. Berkarar döwletiň täze eýýamynyň Galkynyşy döwründe ýurdumyzyň raýatlarynyň saglygyny goramaga gönükdirilen maksatlaýyn işler üstünlikli durmuşa geçirilýär. Saglygyň, sagdyn durmuşyň gözbaşy bolsa bedenterbiýe we sportdur. Şonuň üçin hem ýurdumyzda köpçülikleýin bedenterbiýäni we sporty ösdürmäge, sagdyn durmuş ýörelgelerini giňden wagyz etmäge uly ähmiýet berilýär. Häzirki wagtda bedenterbiýe we sport her bir adamyň, hususan-da, ýaşlaryň iň ýakyn hemrasyna öwrüldi. Berk bedenli, sagdyn, ruhubelent nesli terbiýeläp ýetişdirmek ileri tutulýan ugurlaryň biridir. Şonuň üçin ýurdumyzyň ähli künjeklerinde stadionlar, bedenterbiýe-sagaldyş toplumlary, sport mekdepleri bar. Şeýle döwrebap sport mekdeplerinde ýaşlarymyz sportuň dürli görnüşleri bilen meşgullanyp, saglyklaryny berkidýärler hem-de tälim alýarlar.

9 Aprel 2024

Täze sport üstünlikleriniň oňyn başlangyjy

Halkara sport ýaryşlarynyň ýeňijilerini sarpalamak dabarasy boldy 7-nji aprelde döwlet Baştutanymyz Serdar Berdimuhamedowyň tabşyrygy boýunça paýtagtymyzdaky Olimpiýa şäherçesiniň «Başa-baş söweş sungaty» sport toplumynda ýurdumyzyň halkara ýaryşlarda üstünlikli çykyş edip, altyn medallary gazanan türgenlerini sylaglamak dabarasy boldy. Olara hormatly Prezidentimiziň we Gahryman Arkadagymyzyň adyndan sowgatlar, şeýle hem döwlet Baştutanymyzyň «Ýaşlar — Watanyň daýanjy» atly kitaby gowşuryldy.

8 Aprel 2024

Halkara sport ýaryşlarynyň ýeňijilerini sarpalamak dabarasy

7-nji aprelde hormatly Prezidentimiz Serdar Berdimuhamedowyň tabşyrygy boýunça paýtagtymyzdaky Olimpiýa şäherçesiniň «Başa-baş söweş sungaty» sport toplumynda ýurdumyzyň halkara ýaryşlarda üstünlikli çykyş edip, altyn medallary gazanan türgenlerini sylaglamak dabarasy boldy. Olara döwlet Baştutanymyzyň we Gahryman Arkadagymyzyň adyndan sowgatlar, şeýle hem hormatly Prezidentimiziň «Ýaşlar — Watanyň daýanjy» atly kitaby gowşuryldy. Bütindünýä saglyk güni mynasybetli guralan çärede sport toplumynyň esasy girelgesiniň öňünde ýurdumyzyň türgenleriniň üstünlikleriniň sergisi ýaýbaňlandyryldy. Onda abraýly halkara ýaryşlarda gazanylan dürli derejedäki baýraklar, şeýle hem şekillendiriş we amaly-haşam sungatynyň eserleri görkezildi.

8 Aprel 2024

Baş baýlygyň baýramy

Bütindünýä saglyk güni mynasybetli  welaýat merkezinde guralan dabaraly çäreler ýokary ruhubelentlige beslendi. Welaýat häkimliginiň meýilnamasyna laýyklykda bedenterbiýe-sagaldyş toplumlarynda, iri edara-kärhanalarda sportuň dürli görnüşleri boýunça görkezme çykyşlaryna, bedenterbiýe maşklaryna giň orun berildi. Bahar paslynyň ir säherinde edara-kärhanalarda sport maşklarynyň ýerine ýetirilmegi köpçülikleýin häsiýete eýe boldy Baýramçylygyň esasy çäresine — Balkanabat şäherindäki  «Türkmeniň ak öýi» binasynyň ýanyndan badalga alan köpçülikleýin welosipedli ýörişe  welaýatyň jemgyýetçilik guramalarynyň wekilleri, bilim, medeniýet, saglygy goraýyş, sport we beýleki ulgamlaryň işgärleri we  talyp ýaşlar gatnaşdylar. Ýörişiň geçýän ugrunda  medeni çäreler giň gerimde ýaýbaňlanyp, belentden ýaňlanan aýdym-sazlar, joşgunly çykyşlar  ýörişe gatnaşyjylaryň ruhubelentligini has-da belende göterdi. Ýolugra ýaş türgenleriň görkezme çykyşlaryna hem tomaşa eden ýörişe gatnaşyjylar halkymyzyň  saglygyny goramakda we berkitmekde edýän taýsyz tagallalary üçin  Gahryman Arkadagymyza hem-de  Arkadagly Gahryman Serdarymyza alkyş sözlerini aýtdylar.    

8 Aprel 2024

Gyzykly geçen bäsleşik

Bütindünýä saglyk güni mynasybetli Türkmenistanyň Kärdeşler arkalaşyklarynyň Bereket etrap birleşmesi etrabyň bedenterbiýe we sport bölümi bilen bilelikde edara-kärhanalaryň işgärlerinden düzülen toparlaryň arasynda woleýbol boýunça ýaryş geçirdi. Gyzykly geçen ýaryşda birinji orna etrap polisiýa bölüminiň topary mynasyp bolmagy başardy. Ikinji orna etrabyň jemagat hojalygy müdirliginiň topary eýe çykdy.

8 Aprel 2024

Bütindünýä saglyk güni dabaraly bellenilip geçildi

Hemmämize mälim bolşy ýaly, 7-nji aprelde Bütindünýä saglyk güni ýurdumyzyň ähli ýerlerinde uly ruhubelentlikde bellenilip geçildi. Ol gün welosipedli ýöriş guralyp, ýurdumyzda, şol sanda biziň welaýatymyzda-da welosipedli ýöriş geçirildi. Uzak aralygy geçen welosipedli ýörişe gatnaşyjylar baýramçylyk gününe bagyşlanan ajaýyp aýdym-sazlary diňlediler.

8 Aprel 2024

Lukmanlar bäsleşdiler

Welaýat köpugurly sport toplumynda Türkmenabat şäheriniň saglygy goraýyş işgärleriniň arasynda sport ýaryşy geçirildi. Welaýat saglygy goraýyş müdirligi hem-de Türkmenistanyň saglygy goraýyş işgärleriniň kärdeşler arkalaşygynyň ilkinji guramalarynyň başlyklarynyň Türkmenabat şäher geňeşi bilen bilelikde guralan bu ýaryş sportuň stoluň üstünde oýnalýan tennis, woleýbol, şaşka görnüşlerini öz içine aldy. Sporty durmuşynyň aýrylmaz bölegine öwren lukmanlar ýaryşda çalasynlyklaryny we tutanýerliligini görkezdiler. Olar bu ýaryşa işjeň gatnaşmak bilen, sportuň ynsan saglygyna ýetirýän peýdasynyň örän kändigini, şol sebäpden sport bilen yzygiderli meşgullanmalydygyny, özleriniň bolsa elmydama sporty hemra edinýändiklerini ýene bir gezek ykrar etdiler.

8 Aprel 2024

‹
1
2
...
87
88
89
90
91
92
93
...
386
387
›