"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Yklym çempionatyndaky üstünlik

Türkmenabat şäherindäki 5-nji orta mekdepden Süleýman Jafarow Kataryň paýtagty Doha şäherinde agyr atletika boýunça ýaşlaryň arasynda geçirilen Aziýanyň çempionatynda medallaryň üçüsini gazandy. Ol 102 kilograma çenli agram derejesindäki türgenleriň ýaryşynda ştangany silterläp galdyrmakda 150 kilogram agyrlygy göterdi. Bu netije onuň altyn medal gazanmagy üçin ýeterlik boldy. Çünki ildeşimiziň görkezen netijesi Koreýa Respublikasyndan gatnaşan 15 ýaşly türgen Kim Mingueniň netijesinden 5 kilogram ýokary boldy. Agyrlygy galdyrmagyň şu görnüşinde 144 kilogramlyk netije bilen üçünji orny eýelän yrakly türgen Ali Hazim Dawud Al-Lami itekläp galdyrmakda biziň ildeşimiziň esasy garşydaşy boldy. Bu gezek yrakly agyr atletikaçy 183, türkmenabatly 17 ýaşly türgen bolsa 176 kilogram agyrlygy eýgerip bildi. Bu netije biziň ildeşimize ýaryşdaky kümüş medallarynyň ilkinjisini bagyşlady. Ol iki görnüşiň jeminde bolsa yrakly bäsdeşinden bary-ýogy 1 kilogramlyk tapawut bilen yza galyp, 326 kilogramlyk netije bilen hormat münberiniň ikinji basgançagyna çykdy.

11 sagat öň

Sport

Ýaş eminleriň okuw-maslahaty geçirildi

Welaýat bedenterbiýe we sport baradaky baş müdirliginiň 1-nji sport mekdebinde ýaş eminleri seçip-saýlap almak bilen bagly okuw-maslahaty geçirildi. Jemlenip barýan ýylyň soňky günlerinde geçirilýän şeýle okuw-maslahatlarynyň Ahal, Mary welaýatlarynda hem guralandygyny bellemek gerek. Bu ugurdaky işler paýtagtymyz bilen Balkan welaýatynda hem dowam etdiriler.

11 sagat öň

Sport

«Gel­je­giň oýun­la­ry — 2025»

«7/24.tm»: №53 (240) 30.12.2024 «Gel­je­giň oýun­la­ry» ady bilen 2-nji gezek guraljak bäsleşikler 2025-nji ýy­lyň 21-nji no­ýab­ryn­da Bir­le­şen Arap Emir­lik­le­rin­de baş­la­nar di­ýip, «RIA No­wos­ti» ha­bar­lar agent­li­gi ýa­ry­şyň res­mi saý­tyn­da ýer­leş­di­ri­len mag­lu­ma­ta sal­gy­la­nyp ha­bar ber­ýär.

1 gün öň

Sport

Sport. Dostluk. Bagtyýarlyk

«7/24.tm»: №53 (240) 30.12.2024 Türk­men döw­let be­den­ter­bi­ýe we sport ins­ti­tu­ty­nyň Olim­pi­ýa fa­kul­te­ti­niň bi­na­sy­nyň eý­wa­nyn­da ýe­tip gel­ýän Tä­ze ýyl baý­ram­çy­ly­gy my­na­sy­bet­li, «Türk­me­nis­tan: sport» te­le­ýaý­ly­my bi­len bi­le­lik­de, şow­hun­ly aý­dym-saz­ly bäs­le­şik da­ba­ra­sy gu­ral­dy.

1 gün öň

Sport

Türkmenistan — sport ýurdy

«7/24.tm»: №53 (240) 30.12.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de «Pä­him-paý­has um­ma­ny Mag­tym­gu­ly Py­ra­gy» ýy­lyn­da aja­ýyp ýur­du­myz gün-gün­den gö­zel­leş­ýär. Mil­li spor­tuň ýo­ka­ry de­re­je­de gül­läp ös­me­gi Türk­me­nis­ta­nyň dün­ýä­de sport döw­le­ti hök­mün­de giň­den ta­nal­ma­gy­na müm­kin­çi­lik ber­di.

1 gün öň

Sport

Sport täzelikleri

«7/24.tm»: №53 (240) 30.12.2024 «Türk­me­nis­tan» ýaş­lar be­den­ter­bi­ýe-sport gu­ra­ma­sy­nyň Bal­kan we­la­ýat bö­lü­mi, Türk­men­ba­şy şä­he­ri­niň be­den­ter­bi­ýe we sport bö­lü­mi bi­len bi­le­lik­de gu­ra­mak­la­ryn­da «Türk­me­nis­tan — ru­hu­be­lent­li­giň we sag­dyn­ly­gyň ýur­dy» at­ly XIV uniwersiadanyň çäk­le­rin­de Türk­men­ba­şy şä­he­ri­niň mek­dep okuw­çy­la­ry­nyň ara­syn­da wo­leý­bol ýa­ryşy ge­çi­ril­di. Ýa­ryş­da og­lan­la­ryň ara­syn­da Türk­men­ba­şy şä­he­ri­niň 15-nji, 5-nji, 14-nji or­ta mek­dep­le­ri­niň, gyz­la­ryň ara­syn­da 7-nji, 5-nji, 2-nji or­ta mek­dep­le­ri­niň wo­leýbol to­par­la­ry baýrakly orunlara mynasyp boldu­lar.

1 gün öň

Sport

Türgenleriň täze ýyl arzuwlary

Alp Arslan BEGENJOW, Türkmen döwlet maliýe institutynyň talyby, erkin göreş boýunça 20 ýaşa çenli türgenleriň arasynda geçirilen dünýä çempionatynyň ýeňijisi:

27 Dekabr 2024

Sport

Agyr atletikaçylarymyzyň baýramçylyk sowgady

Türkmenistanyň ýygyndy toparynyň 19 — 25-nji dekabr aralygynda Kataryň Doha şäherinde geçirilen agyr atletika boýunça ýetginjekleriň we ýaşlaryň arasyndaky Aziýa çempionatynda gazanan uly üstünligi ýetip gelýän Täze ýyl baýramyna ajaýyp sowgat boldy. Ýaryş 20 döwletden 237 türgeni bir ýere jemledi. Türkmen döwlet bedenterbiýe we sport institutynyň talyby Şahzatbek Matýakubow 102 kg agramda Aziýanyň çempiony bolmagy başardy. Ol iki görnüşiň jemi boýunça 396 kg (silterläp 177 kg – altyn, itekläp 219 kg–altyn) agyrlygy boýun egdirdi. Şahzatbekiň itekläp galdyran agramy hem-de umumy netijesi ýaşlaryň arasyndaky dünýä rekordy hökmünde bellige alyndy.

27 Dekabr 2024

Sport

Sportuň hem sungatyň sazlaşygy

­­Köpçülikleýin bedenterbiýä we sporta döwlet derejesinde örän uly üns berilýän sagdyn jemgyýetli, sagdyn raýatly ýurtda ähli ugurlarda uly ösüşleriň gazanylýandygy aýdyň hakykatdyr. Garaşsyz, hemişelik Bitarap Türkmenistan häzirki wagtda dünýä ýüzünde şeýle ýurtlaryň hatarynda mynasyp orun alýar. «Pähim-paýhas ummany Magtymguly Pyragy» ýylynyň şanly wakalarynyň biri hökmünde täze taryhymyza altyn harplar bilen ýazylan Türkmenistanyň Halk Maslahatynyň nobatdaky mejlisinde eden çuň many-mazmunly taryhy çykyşynda hormatly Prezidentimiziň: «Bedenterbiýäni we sporty ösdürmek, raýatlarymyzyň saglygyny berkitmek, sagdyn bedenli nesilleri ýetişdirmek döwlet syýasatymyzyň ileri tutulýan ugurlary­nyň biridir» diýip, aýratyn nygtap geçmegi hem muny doly tassyklaýar. Berkarar döwletiň täze eýýamynyň Galkynyşy döwründe eziz Watanymyzda bedenterbiýedir sport bilen meşgullanýan çagalaryň we ýaşlaryň sanynyň barha artýandygy guwandyryjydyr. Bu türkmen halkynyň Milli Lideri Gahryman Arkadagymyz tarapyndan başy başlanyp, Arkadagly Gahryman Serdarymyzyň parasatly baştutanlygynda üstünlikli durmuşa geçirilýän işleriň netijesinde ýurdumyzda bedenterbiýe-sagaldyş hereketiniň giň gerime eýe bolýandygynyň subutnamasydyr. «Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şu nukdaýnazardan, «Berkarar döwletiň täze eýýamynyň Galkynyşy: Türkmenistan

27 Dekabr 2024

Sport

Futbol täzelikleri

Paýtagtymyzdaky «Sport toplumy» stadionynda geçirilen ýurdumyzyň futbol çempionatynyň 30-njy tapgyrynyň wagty süýşürilen duşuşygynda «Altyn Asyr» «Ahaldan» 1:0 hasabynda üstün çykdy. Ýeňiş gazanan toparyň goluny duşuşygyň 21-nji minutynda Röwşengeldi Halmämmedow geçirdi. Ýeri gelende bellesek, «Arkadag» topary bassyr ikinji ýyl wagtyndan öň çempion boldy. Wladimir Baýramowyň tälim berýän topary çempionatyň dowamynda ýeke utuk hem ýitirmedi.

27 Dekabr 2024

Sport

Ýe­ňiş­li ýol do­wam ed­ýär

­­«Arkadag» toparynyň futbolçylary möwsümiň dowamynda üçünji baýragyny gazandy. Ýokary ligadaky çempionlygynyň, Naýbaşy Kubogynyň üstüni ýurdumyzyň Kubogy bilen ýetirdi. Topar «Aşgabat» köpugurly stadionynda geçirilen duşuşykda «Ahaly» 1:0 hasabynda ýeňlişe sezewar etdi. Duşuşygyň ilkinji minutlarynda «Ahal» birnäçe hüjüm guramagy başardy. Öňde çykyş edýän Meýlis Diniýewiň, Magtymberdi Berenowyň hereketleri toparyň kapitany Elman Tagaýewiň oýny bilen sazlaşykly hüjüm guramaga mümkinçilik berdi. Bu ýagdaý 10 minut çemesi dowam etdi. Şondan soň oýnuň depgini birneme gowşady. Orta gürpde dowam eden duşuşykda ilkinji howply pursat 45-nji minutda döredi. Şikes alan Şamämmet Hydyrowyň ornuna meýdana giren Begmyrat Baýowyň çep gyradan jerime meýdançasyna geçiren topuna ilki ýetişen Begenç Akmämmedow hasaby açdy.

27 Dekabr 2024

Sport

Nobatdaky üstünlik

Ýokary okuw mekdebimiziň talyplaryndan ybarat bolan toparlaryň ýurdumyzda guralýan ýaryşlarda gazanýan netijeleri her birimizi diýseň buýsandyrýar. Tälimçi-mugallymlarymyzyň elinde ykjam türgenleşýän deň-duşlarymyzyň yhlasynyň ýerine düşmegi bilen, institutymyzyň «Talyp sporty» topary köplenç birinjiligi elden bermeýär. Ýaňy-ýakynda basketbol boýunça oglanlar toparymyz Türkmenistanyň çempionatyndaky netijeli çykyşyny jemledi. Institutymyzda geçirilen dartgynly ýaryşda talyp deň-duşlarymyz çempion bolmagyň hötdesinden geldiler. Geçiren duşuşyklarynyň ählisini şowly jemlemegi «Talyp sportunyň» ýeňişli ýolunyň dowam edýändigini görkezdi.

27 Dekabr 2024

Sport

Ta­ryh­da şu gün

«Ullewi» stadionynda «Frelunda» hem-de «Ferýestad» toparlarynyň arasynda geçirilen duşuşyga 31144 tomaşaçy gatnaşypdyr. Üsti açyk stadionda geçirilen hokkeý duşuşyklaryndaky mundan öňki rekord Şweýsariýada goýlupdy. 2007-nji ýylda «Bern» hem-de «Lugano» toparlarynyň arasyndaky duşuşyga gelen tomaşaçylaryň sany 30076-a deň bolupdyr.

27 Dekabr 2024

Sport

Bedenterbiýe we sport

«Türkmenistan» Ýaşlar bedenterbiýe-sport guramasynyň welaýat bölüminiň, Gökdepe etrabynyň bilim bölüminiň hem-de ylym we bilim işgärleriniň Kärdeşler arkalaşygynyň etrap geňeşiniň bilelikde guramagynda küşt boýunça ýaryş geçirildi. Okuwçylary aň-paýhas oýnuna höweslendirmekde uly ähmiýete eýe bolan ýaryş çekeleşikli häsiýete eýe boldy. Netijede okuwçy gyzlaryň arasynda 14-nji orta mekdepden Gülşirin, Oguljan Annaýewalar 1-2-nji orunlary eýelediler. Ýöriteleşdirilen 45-nji orta mekdepden Leýla Seýitmyradowa 3-nji orna mynasyp boldy. Oglanlaryň arasyndaky ýaryşda 18-nji orta mekdebiň okuwçysy Gurbanmyrat Döwletmyradow 1-nji orny eýelemegi başardy. 12-nji orta mekdepden Ýakup Bakyýew 2-nji, ýöriteleşdirilen 45-nji orta mekdepden Seýitmuhammet Çarymyradow 3-nji orunlary eýelediler.

27 Dekabr 2024

Sport

Sport

Gyzykly ýaryşlar Türkmenistanyň Bedenterbiýe we sport baradaky döwlet komitetiniň hem-de Taekwondo milli merkeziniň bilelikde guramagynda Aşgabat şäherindäki Olimpiýa şäherçesiniň Başa-baş söweş sungaty sport toplumynda taekwondo boýunça Türkmenistanyň birinjiligi geçirildi. Oňa ýurdumyzyň ähli welaýatlaryndan we Aşgabat şäherinden güýçli türgenler gatnaşdylar. Ýaryşda üstünlikli çykyş edip, ýeňiş gazanan türgenleriň arasynda welaýatymyzdan gatnaşan türgenleriň hem bardygy has-da buýsandyryjydyr. Olardan Daşoguz şäherindäki 4-nji sport mekdebiň türgenleri Küren Myradow 36-40 kilogram agram derejesinde birinji, Omar Myradow 20 kilogram agram derejesinde ikinji, Sabyr Atamedow 27 kilogram agram derejesinde üçünji, Amirhan Matýakubow 30 kilogram agram derejesinde üçünji orunlara mynasyp boldular. Ýaryşda ýeňiş gazanan türgenler Hormat hatlary we baýraklar bilen sylaglandylar.

27 Dekabr 2024

Sport

Ýaş türgenleriň ussatlygy

Bäherden etrabynyň sport mekdebinde Täze ýyl baýramy mynasybetli sportuň boks, grek-rim göreşi, stol üstündäki tennis, küşt, woleýbol görnüşleri boýunça ýaryşlar geçirildi. Ýurdumyzda köpçülikleýin bedenterbiýäni we sporty ösdürmek, jemgyýetde sagdyn durmuş ýörelgelerini berk ornaşdyrmak maksady bilen durmuşa geçirilýän işlerden ruhlanyp geçirilen ýaryşa sport mekdebiniň ýaşajyk türgenleri işjeň gatnaşdy. Etrabyň bedenterbiýe we sport bölümi hem-de etrabyň jemgiýetçilik guramalary tarapyndan geçirilen ýaryşlar ýaşlaryň sport ussatlygyny ýokarlandyrmakda ähmiýetli boldy. Sportuň dürli görnüşleri boýunça ýaýbaňlandyrylan görkezme çykyşlar bolsa bu çärä baý öwüşgin berdi.

27 Dekabr 2024

Sport

Angliýada hem-de Italiýada myhmanlar öňe saýlandy

Ang­li­ýa­nyň çem­pio­na­tyn­da 10 oý­nuň 6-syn­da myh­man­lar ýe­ňiş ga­zan­dy. Uly ha­sap­ly ýe­ňiş­le­riň bel­li­ge al­nan tap­gy­ryn­da sa­na­wyň li­de­ri «Li­wer­pul» 9 go­luň ge­çi­ri­len du­şu­şy­gyn­da «Tot­ten­ham­dan» 6–3 ha­sa­byn­da üs­tün çyk­dy. Myh­man­la­ryň gol­la­ry­nyň 2-si­ni Lu­iz Di­az, 2-si­ni 2 go­luň pa­sy­ny hem be­ren Sa­lah, şeý­le-de Mak Al­lis­ter bi­len So­bos­lai ge­çir­di. Sa­lah APL-niň ta­ry­hyn­da Rož­dest­wo­dan öň hem gol­ geçirmekde, hem-de asist­ etmekde 10-dan ýo­ka­ry ne­ti­je gör­ke­zen il­kin­ji fut­bol­çy bol­dy. Tap­gy­ryň öz meý­dan­ça­syn­da ýe­ňiş ga­za­nan ýe­ke-täk to­pa­ry «As­ton Wil­la» soň­ky çem­pi­on «Man­çes­ter Si­ti­ni» Du­ran hem-de Ro­jer­siň gol­la­ry esa­syn­da 2–1 ha­sa­byn­da ýeň­me­gi ba­şar­dy. «Man­çes­ter Si­ti» to­pa­rynyň çem­pio­nat­da­ky soň­ky 8 oýun­da 6-njy, umu­my­lyk­da-da 12-nji du­şu­şy­gyn­da­ky 9-njy ýeň­li­şi­dir. Bu ýeň­liş­den soň şä­her­li­ler 7-nji or­na düş­di. «Ar­se­nal» öz meý­dan­ça­syn­da «Kris­tal Pa­la­sy» 5–1 ha­sa­byn­da ýe­ňip, 2 oýun­dan soň ýe­ňiş ga­zan­dy. Gol­la­ryň 2-si­ni Že­sus, beý­le­ki­le­ri-de Ha­werts, Mar­ti­nel­li hem-de Raýs ge­çir­di. «Ips­wi­çi» 4–0 ha­sa­byn­da ýe­ňen «Nýu­kas­lyň» gol­la­ry­nyň 3-si­ni Alek­san­der Isak der­we­zä gi­riz­di. Öz meý­dan­ça­syn­da «Born­mut» bi­len du­şu­şan «Man­çes­ter Ýu­naý­ted» 3–0 ha­sa­byn­da as­gyn gel­di. * * *

27 Dekabr 2024

Sport

«Bar­se­lo­na­nyň» ta­ry­hyn­da 3-nji ge­zek

Is­pa­ni­ýa­nyň çem­pio­na­tyn­da sa­na­wyň li­de­ri üýt­ge­di. Tap­gy­ryň mer­ke­zi oý­nun­da «Bar­se­lo­na» öz meý­dan­ça­syn­da «At­le­ti­ko­dan» 2-1 ha­sa­byn­da as­gyn gel­di. 30-njy mi­nut­da Ped­ri­niň go­ly bi­len öňe ge­çen ka­ta­lon­lar soň­ky 30 mi­nut­da mad­rid­li­le­riň 2 go­lu­na çä­re ta­pyp bil­me­di. 60-njy mi­nut­da De Pa­ul ha­sa­by deň­le­se, 90+6-njy mi­nut­da Sör­lot owa­dan gol bi­len «At­le­ti­ko» to­pa­ry­na ýe­ňiş ge­tir­di. 19 ýy­la go­laý wagt­dan soň «At­le­ti­ko Mad­rid» to­pa­ry «Bar­se­lo­na­ny» il­kin­ji ge­zek myh­man­çy­lyk­da ýeň­me­gi ba­şar­dy. Äh­li ýa­ryş­la­ry ha­sa­ba ala­nyň­da, bas­syr 12-nji ýeň­şi­ni ga­za­nan «At­le­ti­ko» soň­ky sa­par «Bar­se­lo­na­ny» myh­man­çy­lyk­da 2006-njy ýy­lyň few­ra­lyn­da Fer­nan­do Tor­re­siň go­ly bi­len ýe­ňip­di. Şeý­le-de, Die­go Si­meo­ne «At­le­ti­ko­nyň» tä­lim­çi­si hök­mün­de «Bar­se­lo­na­ny» myh­man­çy­lyk­da il­kin­ji ge­zek ýe­ňip, to­par bu ýe­ňiş­den soň 1-nji or­na beý­gel­di. «Bar­se­lo­na» bol­sa çem­pio­nat­da bas­syr 3-nji du­şu­şy­gyn­da öz meý­dan­ça­syn­da ýeň­lip, mun­dan öň şeý­le ha­sa­bat­lar 1965-nji hem-de 1987-nji ýyl­lar­da bel­li­ge al­nyp­dy. Öz meý­dan­ça­syn­da «Se­wil­ýa­ny» Mbap­pe­niň, Wal­wer­de­niň, Rod­ri­go­nyň hem-de Braim Dia­zyň bi­ri-bi­rin­den owa­dan gol­la­ry bi­len 4-2 ha­sa­byn­da ýe­ňen «Re­al Mad­rid» 2-nji or­na çyk­dy. «Le­ga­ne­si» myh­man­çy­l

27 Dekabr 2024

Sport

Agyr atletika: dünýä rekordlary we 28 medal!

Türkmen agyr atletikaçylary Kataryň paýtagty Doha şäherinde ýetginjekleriň we ýaşlaryň arasynda geçirilen Aziýanyň çempionatynda dünýä rekordlarynyň ikisini täzeläp, 28 medal gazandylar. Olaryň 11-si altyn, 8-si kümüş, 9-sy bürünç medallardyr. Çempionatda Türkmen döwlet bedenterbiýe we sport institutynyň talyby Şahzadbek Matýakubow ýene-de iki sany dünýä rekordyny täzeledi. 102 kilograma çenli agram derejesinde çykyş eden ildeşimiz agyrlygy silterläp galdyrmakda 177 kilogramlyk netije görkezip, bu ugurda altyn medalyň eýesi boldy. Ştangany silterläp galdyrmakda bolsa netijesini 219 kilograma ýetirdi. Munuň özi Şahzadbegiň ozal hem özüne degişli bolan ýaşlaryň arasyndaky dünýä rekordyny täzeländigini görkezýär. Ol sentýabr aýynda goýan rekordyny 3 kilogram artdyrdy. Bu çykyşyň has guwandyryjy tarapy bir rekordyň ikinji bir rekorda-da sebäp bolmagydyr. Çünki Şahzadbegiň umumy görkezijisi 396 kilograma ýetdi. Bu netije-de ýaşlaryň arasyndaky täze dünýä rekordydyr.

27 Dekabr 2024

Sport

«Ar­ka­dag» — Türk­me­nis­ta­nyň Ku­bo­gy­nyň eýe­si!

«Ar­ka­dag» to­pa­ry­nyň fut­bol­çy­la­ry möw­sü­miň do­wa­myn­da üçün­ji baý­ra­gy­ny ga­zan­dy­lar. Arkadag şä­he­ri­niň ady­bir to­pa­ry ýur­du­my­zyň Ýo­ka­ry li­ga­syn­da­ky çem­pion­ly­gy­nyň, Naý­ba­şy Ku­bo­gy­nyň üs­tü­ni ýur­du­my­zyň Ku­bo­gy bi­len ýe­tir­di. Bu to­par «Aş­ga­bat» kö­pu­gur­ly sta­dio­nyn­da ge­çi­ri­len du­şu­şyk­da «Aha­ly» 1:0 ha­sa­byn­da ýeň­li­şe se­ze­war et­di. To­pa­ra ýe­ňiş ge­ti­ren go­ly oý­nuň 45-nji mi­nu­tyn­da Be­genç Ak­mäm­me­dow ge­çir­di. 2023-nji ýy­lyň ba­şyn­da dö­re­di­len «Ar­ka­dag» to­pa­ry­nyň Ku­bok bäs­le­şi­gin­de bas­syr ikin­ji ýyl ýe­ňiş ga­za­nan­dy­gy­ny bel­le­mek ge­rek. Ge­çen möw­süm ge­çi­ri­len fi­nal du­şu­şy­gyn­da bu to­par «Aha­ly» 3:0 ha­sa­byn­da ýeň­me­gi ba­şar­dy.

26 Dekabr 2024

Sport