"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Sungat ussatlarymyzyň halkara üstünligi

Golaýda Özbegistan Respublikasynyň Samarkant şäherinde geçirilen «Şark taronalari» («Gündogar sazlary») XIII halkara aýdym-saz festiwalynda Türkmenistanyň sungat ussatlary üstünlikli çykyş edip, baýrakly birinji orna we bäsleşigi guraýjylaryň pul baýragyna mynasyp boldular. Dünýäniň 80-e golaý ýurdundan 400 töweregi artistiň gatnaşmagynda geçirilen halkara festiwalda ildeşlerimiziň gazanan üstünligi mukaddes Garaşsyzlygymyzyň şanly 33 ýyllyk baýramynyň öňüsyrasynda ýurdumyzyň medeniýet we sungat işgärleriniň ajaýyp toý sowgady boldy. Halkara aýdym-saz festiwalyna ýurdumyzyň medeniýet we sungat işgärlerinden Türkmenistanyň halk artisti Suhanberdi Orazberdiýew, Döwlet medeniýet merkeziniň Mukamlar köşgüniň sazandasy, Türkmenistanyň halk artisti Hakberdi Allamyradow, Maýa Kulyýewa adyndaky Türkmen milli konserwatoriýasynyň mugallymlary Sapamyrat Annamyradow we Döwlet Daňatarow, şeýle hem şol ýokary okuw mekdebiniň talyby Allamyrat Muhammetgulyýew dagy gatnaşdy. Sungat ussatlarymyzyň joşgunly çykyşlary festiwala gatnaşyjylara ýakymly täsirleri bagyşlap, festiwalyň abraýly birinji ornuna, şeýle hem guramaçylaryň pul baýragyna mynasyp boldy.

4 Sentýabr 2024

Medeniýet

Teatr we sirk möwsümine uly joşgun bilen

Gahryman Arkadagymyz geçen ýylyň iýun aýynda Magtymguly Pyragy medeni-seýilgäh toplumyna baryp, ol ýerde alnyp barylýan işler bilen tanşypdy, akyldar şahyrymyzyň döredijiligi barada dürdäne pikirlerini aýdypdy, täze döreden «Pähim-paýhas ummany Magtymguly Pyragy» atly şygryny okap beripdi. Şonda Gahryman Arkadagymyz 1-nji sentýabrda ýurdumyzda giňden bellenilýän Bilimler we talyp ýaşlar güni mynasybetli teatrlarda Magtymguly Pyragynyň eserleri esasynda sahnalaşdyrylan spektakllaryň ýaşlara görkezilmeginiň maksadalaýyk boljakdygyny hem belläpdi. Şundan ugur alnyp, «Pähim-paýhas ummany Magtymguly Pyragy» ýylynda hem ýurdumyzyň teatrlarynda we sirklerinde täze döredijilik möwsümi beýik akyldaryň ömrüne, döredijiligine bagyşlanan sahna oýunlary, sirk tomaşalary bilen açyldy. 1-nji sentýabrda Türkmenistanyň Baş akademiki drama teatry Türkmenistanyň halk ýazyjysy Gowşutgeldi Daňatarowyň «Magtymguly — köňül guşy» atly sahna oýny bilen teatry söýüjilere gapylaryny giňden açdy. Bu sahna oýnunda Pyragynyň atasy Döwletmämmet Azady, ruhy halypasy Nagyşbendi, dosty Durdy şahyr, aşyk gyzy Meňli bilen aýdyşyklary, şol döwrüň çylşyrymly wakalarynyň çatrygynda şahyryň şygyrlarynyň halkyň ruhy şamçyragyna öwrülmegi bilen bagly wakalar beýan edilýär.

4 Sentýabr 2024

Medeniýet

Halkara festiwalda birinji orun

Ýakynda Özbegistan Respublikasynyň Samarkand şäherinde XIII «Şark taronalari» («Gündogar sazlary») atly halkara festiwaly geçirildi. Oňa dünýäniň 80-e golaý ýurdundan 300-den gowrak sungat ussady gatnaşdy. Festiwalda dürli halklaryň aýdym aýtmak, saz çalmak sungatynyň gadymy nusgalary görkezildi. Bu dostluk festiwalynda biziň ýurdumyzdan gatnaşan topar tomaşaçylar tarapyndan örän gyzgyn garşylandy hem-de eminleriň ýokary bahasyna mynasyp boldy. Türkmen sungat ussatlarynyň çykyşynda aýdymlary Türkmenistanyň halk artisti Suhanberdi Orazberdiýew ýerine ýetirdi. Oňa Türkmenistanyň halk artisti Hakberdi Allamyradow, Maýa Kulyýewa adyndaky Türkmen milli konserwatoriýasynyň mugallymlary Sapamyrat Amanmyradow we Omar Igamow, Daňatar Öwezow adyndaky Türkmen döwlet ýörite sazçylyk mekdebiniň mugallymy Döwlet Daňatarow, şeýle-de konserwatoriýanyň talyby Allamyrat Muhammetgulyýew dagy sazandarlyk etdi.

2 Sentýabr 2024

Medeniýet

Aşgabatda döwrebap lybaslaryň türkmen-eýran sergisi geçirildi

Türkmenistanyň Döwlet çeperçilik akademiýasynyň sergi merkezinde Eýran Yslam Respublikasynyň Türkmenistandaky ilçihanasynyň Türkmenistanyň Dokma senagaty ministrligi bilen bilelikde guramagynda ýurdumyzda ilkinji gezek modaly lybaslaryň sergisi geçirildi. Türkmen-eýran modaly lybaslar sergisine Türkmenistanda ýerleşýän diplomatik wekilhanalaryň, KHBS-niň wekilleri, suratkeşler, dizaýnerler, Türkmenistanyň Döwlet çeperçilik akademiýasynyň talyplary we mugallymlary, şeýle hem paýtagtymyzyň moda senagatynyň täze ugurlary bilen gyzyklanýan ýaşaýjylary geldiler. Sergidäki dokma we deri önümlerini synlamaga gelenler üçin dutarçylar ansambly we kirişli saz gurallary kwarteti halk sazlaryny ýerine ýetirdiler.

2 Sentýabr 2024

Medeniýet

GUWANÇLY TOÝLARYŇ SÖHBEDI

Türkmen maşgalasynda çaganyň dünýä inen gününden başlap, onuň ykbalynyň şanly pursatlaryny dabaralandyrýan birnäçe toý dabaralary bellenilip geçilýär. Ogul toýy, çile toýy, at dakmak, diş toýy, saç toýy, ýörjen toýy, sünnet toýy, pygamber ýaş toýy ýaly gadymy toý dabaralary häzirki günlerde döwrebap ruhy öwüşginler bilen has-da şowhunly bellenilip geçilýär. Hususan-da, çaganyň durmuşynyň ilkinji ýyllarynda birnäçe däpler ýerine ýetirilýär. Maşgala toýlarynyň içinde örän ir wagtlardan bäri, oglanlaryna sünnet etmek däbi hem ýörgünlidir. Ene-ata ogullaryna sünnet etmegi parz borjy hasaplaýar. Bu däp bilen bagly toý dessurlary gönüden-göni musulmançylyk bilen bagly bolup, ilatyň köp bölegi ony gadymy ýörelgelere laýyklykda berjaý edýär. Sünnetiň döreýşi hem-de onuň musulmançylyk däplerine utgaşdyrylyp berjaý edilişi barada alymlaryň dürli, gyzykly pikirleri bar. Mysal üçin, fransuz alymy E.Dutteniň pikirine görä, sünnet däbi, çaganyň saçyny ilkinji gezek syrmak we çaga diş çykmak döwri bilen baglanyşykly döräp, ol şol döwürlerden hem berjaý edilipdir. Başga bir golýazma çeşmesinde X-XI asyrlarda ýaşap geçen Abu al-Kasym atly belli sünnetçi çagany kümüş gaýçy bilen sünnetlemegi maslahat beripdir. Aslynda sünnet sözi arap sözünden bolup, «sunna» — sogaply däp we sogap gazanmak üçin ýerine ýetirilýän ruhy ýörelge diýmek. Ol Muhammet pygamberimiziň wesýeti-sünneti hasaplanýar. Şo

1 Sentýabr 2024

Medeniýet

Dünýä edebiýatynyň döwresi

(Başlangyjy gazetiň geçen sanynda). «Magtymguly Pyragy» medeni-seýilgäh toplumyna gaýybana syýahat

1 Sentýabr 2024

Medeniýet

Bagtyýar bagşylaryň bäsleşigi

Geçmişde rawylar rowaýat, dessançylar dessan aýdyp, bagşydyr sazandalarymyz gazma dutardyr gyjakdan çykýan owaza özboluşly öwüşgin gatyp, halk sazlaryny, aýdymlary döredipdirler. Gahryman Arkadagymyzyň «Ile döwlet geler bolsa...» atly kitabynda «Häzirki döwürde türkmen bagşylarynyň, sazandalarynyň we dessançylarynyň örän özboluşly sungaty, köp bölümli simfoniýa deňeşdirilýän biziň üýtgeşik mukamlarymyz agzybirligiň we jebisligiň senasy hökmünde türkmen halkynyň bagty üçin belentden we tüýs ýürekden ýaňlanýar» diýen buýsançly sözler bar. Berkarar döwletiň täze eýýamynyň Galkynyşy döwründe Gahryman Arkadagymyzyň asylly başlangyçlaryny mynasyp dowam etdirýän Arkadagly Gahryman Serdarymyzyň baştutanlygynda medeni mirasymyzy sarpalamak, olary gorap saklamak, nesillere geçirmek maksady bilen uly işler amala aşyrylýar. Milli äheňdäki nagmalary ýerine ýetirýän ýaşlaryň arasynda döredijilik bäsleşikleri-de yzygiderli geçirilýär.

29 Awgust 2024

Medeniýet

Medeni habarlar

Dostluk sergisi 27-nji awgustda Türkmenistanyň Döwlet çeperçilik akademiýasynyň sergiler jaýynda ilkinji gezek geçirilýän bilelikdäki türkmen-eýran ýöriteleşdirilen moda we lybas sergisi öz işine başlady. sergide Türkmenistanyň Dokma ministrliginiň garamagyndaky «Ýeňiş», «Ahal», «Bahar», «Gala», «Bedew», «Bürgüt» ýaly kärhanalaryň öndüren egin-eşikleri we gündelik durmuşda ulanylýan dokma önümleri görkezildi. Ekologiýa taýdan arassa, dünýä bazarynda bäsleşige ukyply milli önümler serginiň esasy bezegine öwrüldi. Bu ýerde «Türkmen Galkan» kärhanasynyň öndürýän aýakgaplary hem sergilendi.

29 Awgust 2024

Medeniýet

Aýdym-saz sungatynyň zehinli nesilleri

Mälim bolşy ýaly, ýakynda ýurdumyzda Türkmenistanyň Prezidentiniň «Türkmeniň Altyn asyry» atly bäsleşigiň baýragyny almak ugrunda dutarçy bagşy-sazandalaryň arasynda yglan edilen «Çalsana, bagşy!» atly döredijilik bäsleşiginiň jemleýji tapgyry geçirildi. Oňa deslapky tapgyrlarda ýeňiji bolan Aşgabat we Arkadag şäherlerinden, ýurdumyzyň welaýatlaryndan bagşylaryň 14-si, dutarçy sazandalaryň hem 14-si gatnaşyp, Şa serpaýyna mynasyp boldular. Ýaş nesillerde medeniýetimize söýgini berkitmek,  olaryň döredijilik ukybyny höweslendirmek, dutarda ýerine ýetirijilik, bagşyçylyk sungatyny geljek nesillere ýetirmek, dünýä ýaýmak, zehinli bagşy-sazandalary ýüze çykarmak maksady bilen geçirilýän bu bäsleşige gatnaşyjylaryň we ýeňijileriň hatarynda ýurdumyzyň harby we hukuk goraýjy edaralarynyň düzümlerine degişli dutarçy bagşy-sazandalaryň hem birnäçesi bar. Men 10 ýaşymdan bäri dutarda nusgawy halk sazlarymyzy çalmagyň inçe syrlaryny öwrenýärin. Bäsleşikde «Burnaşak» atly türkmen halk sazyny ýerine ýetirdim. Çykyşyma ýokary baha berlip, «Çalsana, bagşy!» bäsleşiginiň ýeňijisi boldum. Bu üstünlik halypalarym Ýazmyrat Gurtgeldiýewiň, Altymyrat Pürmämmedowyň yhlaslarynyň miwesidir. Halypa-şägirtlik ýolunyň dowam etdirilmegi, dutarda saz çalmak sungatynyň nesilden-nesle geçirilmegi üçin zerur bolan ähli mümkinçilikleri döredýän döwlet Baştutanymyza, Milli Liderimize ýaş bagşy-sazandalary

29 Awgust 2024

Medeniýet

Dutaryň owazy

Arkadagly Gahryman Serdarymyzyň belleýşi ýaly, häzirki döwürde türkmen medeniýetini, sungatyny, edebiýatyny ösdürmäge, täze, döwrebap aýdym-sazlar bilen baýlaşdyrmaga, medeniýet edaralarynyň maddy-enjamlaýyn binýadyny berkitmäge gönükdirilen tutumly işler barha rowaçlanýar. Döwlet Baştutanymyzyň Karary esasynda her ýyl geçirilýän Türkmenistanyň Prezidentiniň «Türkmeniň Altyn asyry» atly bäsleşigi milli medeniýetimizi dabaralandyrmakda möhüm ähmiýete eýedir. Şolaryň biri hem dutarçy bagşy-sazandalaryň arasynda geçirilýän «Çalsana, bagşy!» atly bäsleşikdir.  Ýakynda bu döredijilik bäsleşiginiň jemleýji tapgyry geçirildi.  Ýeňiji bolan bagşylaryň hem-de dutarçy sazandalaryň her birine ýörite diplomyň, altyn zynjyryň, şeýle-de «Çalsana, bagşy!» bäsleşigine gatnaşanlaryň ählisine hormatly Prezidentimiziň adyndan ýadygärlik sowgatlaryň gowşurylmagy aýdym-saz sungatymyzyň  ösdürilýändiginiň, milli bagşyçylyk däplerimiziň dowamata beslenýändiginiň ýene-de bir subutnamasy boldy.

29 Awgust 2024

Medeniýet

«Ol şir­wan per­dä­ňe gal­sa­na, bag­şy!»

24-nji aw­gust­da Döw­let me­de­ni­ýet mer­ke­zi­niň Mu­kam­lar köş­gün­de Türk­me­nis­ta­nyň Me­de­ni­ýet mi­nistr­li­gi­niň gu­ra­ma­gyn­da her ýyl ge­çi­ril­ýän «Çal­sa­na, bag­şy!» at­ly dö­re­di­ji­lik bäs­le­şi­gi­niň jem­leý­ji tap­gy­ry bol­dy. Bu bäs­le­şik ýaş ne­sil­ler­de me­de­ni­ýe­ti­mi­ze söý­gi­ni ke­ma­la ge­tir­mek, ola­ryň dö­re­di­ji­lik uky­by­ny hö­wes­len­dir­mek, du­tar­da ýe­ri­ne ýe­ti­ri­ji­lik, bag­şy­çy­lyk sun­ga­ty­ny gel­jek ne­sil­le­re ýe­tir­mek, dün­ýä ýaý­mak, ze­hin­li bag­şy-sa­zan­da­la­ry ýü­ze çy­kar­mak mak­sa­dy bi­len gu­ral­ýar. Ýyg­na­nan­lar hormatly Prezidentimiz Serdar Berdimuhamedowyň «Çalsana, bagşy!» bäs­le­şi­gi­niň jem­leý­ji tap­gy­ry­na gat­na­şy­jy­la­ra ibe­ren Gut­la­gy­ny uly üns bi­len diň­le­di­ler. Gut­lag­da bel­le­ni­li­şi ýa­ly, bu dö­re­di­ji­lik bäs­le­şi­gi mil­li aý­dym-saz sun­ga­ty­my­zy ös­dür­mä­ge, ze­hin­li ýaş bag­şy-sa­zan­da­la­ry ýü­ze çy­kar­ma­ga, ola­ry gol­da­ma­ga uly ýar­dam ber­ýär. Bäs­le­şi­ge gat­naş­ma­ga is­leg bil­dir­ýän ze­hin­li du­tar­çy bag­şy-sa­zan­da­la­ryň sa­ny ýyl-ýyl­dan art­ýar. Şu­nuň bi­len bag­ly­lyk­da, hor­mat­ly Pre­zi­den­ti­miz gel­jek­de ýur­du­my­zyň ýaş bag­şy-sa­zan­da­la­ry­nyň şir­wan per­de­ler­de ýaň­lan­ýan aý­dym-saz­la­ry bi­len bag­şy­çy­lyk sun­ga­ty­my­zyň has-da ös­dü­ril­me­gi­ne uly go­şant­la­ry­ny goş­jak­dyk­la­ry­na berk ynam bil­dir­di

29 Awgust 2024

Medeniýet

«Beýik döwre joşgun, taryp ýaraşar...»

24-nji awgustda paýtagtymyzda Türkmenistanyň Döwlet medeniýet merkeziniň Mukamlar köşgünde Medeniýet ministrliginiň guramagynda her ýylda geçirilýän «Çalsana, bagşy!» atly döredijilik bäsleşiginiň jemleýji tapgyry geçirildi. Onda ýurdumyzyň ähli künjeginden birnäçe ýaşlar gatnaşdylar. Öz ukyp-başarnygy bilen tapawutlanan ýaşlarymyz bäsleşigiň ýeňijisi bolmagy başardylar. Bu bäsleşikde türkmen milli saz gurallarymyza ussatlarça erk etmegi başaryp, ýeňiji bolanlaryň arasynda Arkadag şäherinden hem ýaşlaryň bolmagy buýsançly ýagdaýdyr. Olaryň ýürek buýsançlaryny size ýetirmegi makul bildik.

29 Awgust 2024

Medeniýet

Altyn sözler, şirin sazlar — uz aýdymlar

Düýn Medeniýet ministrliginiň Maddy däl medeni miras müdirliginiň hem-de Magtymguly adyndaky Ýaşlar guramasynyň Merkezi geňeşiniň bilelikde guramagynda Magtymguly adyndaky milli sazly drama teatrynda «Magtymguly, sözle bu şirin dilde» atly aýdym-sazly dabara geçirildi. Akyldar şahyryň doglan gününiň 300 ýyllygy mynasybetli geçirilen dabara Aşgabat, Arkadag şäherlerinden hem-de welaýatlarymyzdan gelen bagşy-sazandalar gatnaşdylar. «Pähim-paýhas ummany Magtymguly Pyragy» ýyly milli aýdym-saz sungatymyzyň hem-de onda görnükli yz goýan halypalaryň hem ýylydyr. Magtymguly Pyragynyň şygyrlarynyň köpüsi bagşylaryň dilinde aýdym bolup ýaňlanýar. Aýdym-sazly dabara gatnaşan bagşy-sazandalar hem şahyryň sözlerine şirin aýdymlary ýerine ýetirdiler. Biziň ilkinji söhbetdeşimiz Balkan welaýatynyň ýörite sungat mekdebiniň mugallymy, bagşy Şamyrat Dawudow. Ýeri gelende aýtsak, Şamyrat türkmen bagşyçylyk sungatynyň ýomut-gökleň ýolunyň görnükli ussatlarynyň biri Aşyrmämmet Dawudowyň agtygy. Şamyrat atasynyň bagşyçylyk ýoluny mynasyp dowam etdirýär. Bu barada onuň özi şeýle gürrüň berdi:

29 Awgust 2024

Medeniýet

Bagşylaryň aýdym-sazy — döwrümiziň owazy

Golaýda Döwlet medeniýet merkeziniň Mukamlar köşgünde Türkmenistanyň Medeniýet ministrliginiň guramagynda her ýyl geçirilýän «Çalsana, bagşy!» atly döredijilik bäsleşiginiň jemleýji tapgyry geçirildi. Bäsleşigiň jemleýji tapgyryna deslapky tapgyrlarda ýeňiji bolan, Aşgabat we Arkadag şäherlerinden, ýurdumyzyň welaýatlaryndan bagşylaryň 14-si, dutarçy sazandalaryň hem 14-si gatnaşdy.

28 Awgust 2024

Medeniýet

Mukamly dünýäniň perwanalary

Hormatly Prezidentimiziň parasatly ýolbaşçylygynda «Pähim-paýhas ummany Magtymguly Pyragy» ýylynda ýaşlaryň zehinlerini ýüze çykarmak maksady bilen olaryň gatnaşmaklarynda dürli döredijilik bäsleşikleri geçirilýär. Şolaryň biri-de Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» atly bäsleşikdir. Mukamly dünýäniň perwanalary hasaplanylýan, kämillik ýollary bilen ynamly öňe barýan ýaşlaryň bu bäsleşikde edýän çykyşlary olaryň muşdaklarynyň gyzgyn goldawyna eýe bolýar. Golaýda ýaş dutarçy bagşy-sazandalaryň ukyp-başarnyklaryny, ýiti zehinini ýüze çykarmakda uly ähmiýete eýe bolan bu bäsleşigiň jemleýji tapgyry geçirildi. Gözel paýtagtymyzdaky Döwlet medeniýet merkeziniň Mukamlar köşgünde geçirilen jemleýji tapgyra welaýatlardan hem-de Aşgabat we Arkadag şäherlerinden ýeňiji bolan ýaş bagşy-sazandalar gatnaşdylar. Geçirilmegi asylly däbe öwrülen bäsleşigiň jemleýji tapgyryna gatnaşyjylar aýdymlardyr sazlary aýratyn joşgun we ýokary ussatlyk derejesinde ýerine ýetirdiler.

28 Awgust 2024

Medeniýet

Myllygyň keşbini döreden

Berkarar döwletiň täze eýýamynyň Galkynyşy döwründe hormatly Prezidentimiziň milli medeniýetimiziň, sungatymyzyň ösdürilmegine aýratyn üns bermegi bilen halypa artistlerimiziň döredijiligi yzygiderli öwrenilýär. Türkmenistanyň at gazanan artisti, ussat aktýor we režissýor Kadyrberdi Atabaýewiň döreden keşpleri hem hälişu günlerdede tomaşaçylaryň ýadyndan çykanok. Kadyrberdi Atabaýew 1956njy ýylyň 1nji iýunynda Ahal welaýatynyň Babadaýhan etrabynyň Garawekil obasynda dogulýar. 1971nji ýylda Tejen etrabyndaky 15nji orta mekdebiň 8nji synpyny gowy bahalar bilen gutaryp, şol ýyl hem Aşgabadyň Gara Seýtliýew adyndaky medeni aňbilim tehnikumyna okuwa girýär. Tehnikumy tamamlandan soň 1974 — 1979njy ýyllarda Moskwa şäheriniň A.W. Lunaçarskiý adyndaky döwlet teatr institutynda okaýar. 1979 — 1995nji ýyllarda welaýatymyzyň Seýitnazar Seýdi adyndaky döwlet sazlydrama teatrynda artist bolup işleýär.

28 Awgust 2024

Medeniýet

Magtymguly Pyragy — dünýä danasy

«Pähimpaýhas ummany Magtymguly Pyragy» ýylynda Türkmen döwlet neşirýat gullugy tarapyndan ylmy we çeper eserleriň ençemesi çap edildi. Golaýda «Magtymgula tagzym» atly döwürdeş şahyrlarymyzyň Magtymguly Pyragy hakyndaky goşgular ýygyndysy neşir edilip, giň okyjylar köpçüligine ýetirildi. Hormatly Prezidentimiziň gol çeken Karary bilen tassyklanylan «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň Meýilnamasyna» laýyklykda neşir edilen bu kitaba döwürdeş şahyrlarymyzyň Magtymguly Pyraga bagyşlap döreden goşgulary we poemalary girizilipdir. Täze kitapda ýerleşdirilen şygyrlarda Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Magtymguly Pyraga goýulýan belent hormatsarpa, dana şahyryň edebi mirasy çeper wasp edilýär.

28 Awgust 2024

Medeniýet

Bagşy joşa gelse, göwünler güllär

Mukaddes Garaşsyzlygymyzyň şanly 33 ýyllygy mynasybetli Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda yglan edilen «Çalsana, bagşy!» atly bäsleşigiň jemleýji tapgyry ýokary ruhubelentlige, göwün joşduryjy pursatlara beslenip, ol ajaýyp zamanamyzda aýdym-saz sungatymyza belent sarpa goýulýandygynyň aýdyň subutnamasyna öwrüldi. Bäsleşikde welaýatymyzdan Türkmenbaşy şäher çagalar sungat mekdebiniň milli saz gurallary bölüminiň mugallymy Sahydursun Mätiýewa türkmen halk aýdymlaryny ussatlyk bilen ýerine ýetirmekde ýeňiji bolup, hormatly Prezidentimiziň altyn zynjyry bilen sylaglanyldy. Sahydursuny gazanan üstünligi bilen gutlap, onuň bilen söhbetdeş bolanymyzda, ol ýürek buýsanjyny beýan edip, şeýle gürrüň berdi:

28 Awgust 2024

Medeniýet

Jümle-jahan görklener dutaryň owazyna

Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» atly bäsleşik «Pähim-paýhas ummany Magtymguly Pyragy» ýylynda hem zehinli ýaş bagşy-sazandalaryň onlarçasyny ýüze çykardy. Bäsleşikde dutarda türkmen halk sazlaryny ussatlyk bilen ýerine ýetirmekde zehin-başarnygyny görkezip, hormatly Prezidentimiziň altyn zynjyryna mynasyp bolan ýaş, zehinli sazandalaryň biri-de welaýat ýörite sungat mekdebiniň türkmen milli saz gurallary bölüminiň dutarçylyk hünäriniň 4-nji ýyl talyby Dawut Gulbaýewdir. 2010-njy ýylda Balkanabat şäherindäki 16-njy orta mekdebiň 1-nji synpyna okuwa baran Dawudy türkmen halk sazlaryna bolan söýgüsi şondan köp wagt geçmänkä, ýagny 2011-nji ýylda şäheriň 2-nji çagalar sungat mekdebiniň işiginden eltýär. Ol ýerde ilkinji halypasy Halymberdi Hajyberdiýewden dutarda türkmen halk sazlaryny çalmagyň inçe tärlerini öwrenýär. Çagalar sungat mekdebini 2016-njy ýylda tamamlan ýaş zehine 2021-nji ýylda orta mekdebi hem tamamlap, şol ýylda welaýat ýörite sungat mekdebiniň türkmen milli saz gurallary bölüminiň dutarçylyk hünäriniň talyby bolmak bagty miýesser edýär. Bu okuw mekdebinde oňa Meretnepes Rahmanow dutarda türkmen halk sazlaryny ussatlyk bilen ýerine ýetirmegi öwretmekde tagallasyny gaýgyrmaýar.

28 Awgust 2024

Medeniýet

Medeniýet halkyň kalbydyr

«Medeniýet halkyň kalbydyr» diýmek bilen, milli medeniýetimiziň we sungatymyzyň gülläp ösmegine ak ýollary açan Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde ýurdumyzda Berkarar döwletiň täze eýýamynyň Galkynyşy döwründe medeniýet we sungat ulgamynda amala aşyrylýan beýik işler bagtyýar raýatlarymyzyň buýsanjyna buýsanç goşup, başlaryny göge ýetirýär. Gadymylygy, özboluşlylygy, şol bir wagtda hem döwrebaplygy, täzeçilligi bilen dünýäniň ünsüni özüne çekýän milli medeniýetimizi we sungatymyzy has-da kämilleşdirip, Ýer ýüzüne ýaýmakda alnyp barylýan işler dünýä nusgalykdyr. Hawa, ajaýyp zamanamyzda ýurdumyzda medeniýet ulgamyny kämilleşdirmek, milli mirasy düýpli öwrenmek, aýawly saklamak we wagyz etmek, taryhy-medeni ýadygärlikleri gorap saklamak boýunça toplumlaýyn çäreler durmuşa geçirilýär. Medeniýet ulgamynyň kanunçylyk binýadynyň hem yzygiderli kämilleşdirilýändigini bellemek aýratyn ýakymlydyr. Medeniýetiň strategik ähmiýetini tassyklaýan, medeni gymmatlyklary döretmek, türkmen halkynyň medeniýetini dikeltmek, aýawly saklamak, ösdürmek hem-de dünýäde wagyz etmek ulgamlarynda jemgyýetçilik gatnaşyklaryny kadalaşdyrýan «Medeniýet hakynda» Türkmenistanyň Kanunyny munuň aýdyň subutnamasy hökmünde görkezmek bolar.

28 Awgust 2024

Medeniýet