Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Täze ýylyň şatlyk-şowhuny — bagtyýarlygyň şuglasy

Her bir ýyly ösüşdir özgerişler, uly zähmet üstünlikleri bilen garşylaýan ýurdumyz hormatly Prezidentimiziň parasatly baştutanlygynda bedew bady bilen ynamly öňe barýar. Mälim bolşy ýaly, her bir maşgalada uly şatlyk-şowhun bilen bellenilýän Täze ýyl baýramy bosagada. Durmuşyň dürli ugurlarynda gazanylýan uly üstünlikler bolsa agzybir halkymyzyň Täze — 2025-nji ýyly mynasyp, ýokary ruhubelentlikde garşylamagyna amatly şert döredýär. Agzybir halkymyzyň bagtly, bagtyýar durmuşyny alamatlandyrýan Täze ýyl baýramy asylly ýörelgeler bilen utgaşyp, has-da ýokary ruhubelentlige we şatlyk-şowhuna beslenýär. Hemmämiziň bilşimiz ýaly, 15-nji dekabrda paýtagtymyzda, ýurdumyzyň welaýatlarynda we Arkadag şäherinde Täze ýyl arçalarynyň yşyklarynyň ýakylyş dabaralary geçirildi.

17 Dekabr 2024

Asylly ýörelgelere eýerip

Beýik ösüşlere eýe bolýan ýurdumyzda türkmen halky maddy we ruhy özgerişlerde täze belentliklere göterilip, bolelin durmuşda ýaşaýar. Çünki halkymyz berkarar Watanyň bagtly geljeginiň ýalkymyndan nurlanyp, täze döwür, gülleýiş zamanasynyň şöhratly üstünliklerinden rowaçlanyp, döwletimiziň bagta gujak açýan ak ýollaryndan şanly geljegine tarap ynamly gadamlar bilen öňe barýar. Bu günki gün bedew bady bilen halkara derejesindäki ösüşlere beslenýän edermen, zähmetsöýer türkmen halky ýagty ertirine — alyslara, ýüzýyllyklara nazar aýlaýar. Bu bolsa beýik maksatlar bilen halkara jemgyýetçiliginiň öňünde uly mertebä göterilen Türkmenistanyň şan-şöhratyny mundan beýläk-de dünýä ýaýmakdan, bagtyýar türkmen halkyny adamzat ösüşiniň täze belentliginde ýaşatmakdan ybaratdygynyň aýdyň mysaly bolup durýar. Çünki beýik özgerişleri, belent maksatly işleri diňe parahatçylygyň, asudalygyň dabaralanýan ýurdunda agzybir, jebis ýaşaýan zähmetsöýer millet amala aşyryp bilýär. Dünýäniň ösen döwletleri bilen hyzmatdaşlygyň döwrebap ösdürilmegi ýurdumyzyň şan-şöhratyny has-da belende göterýär. Şeýle hem dünýäniň ençeme abraýly guramalary bilen Türkmenistanyň özara bähbitli ýakyn hyzmatdaşlygynyň täze tapgyrynyň rowaçlanmagy aýratyn bellenmäge mynasypdyr.

17 Dekabr 2024

Göwher sözüň ýakymy

Şu gün welaýat häkimliginde Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy geçirildi. Oňa milli parlamentimiziň, welaýat, etrap, şäher halk maslahatlarynyň, edara-kärhanalaryň, syýasy partiýalardyr iri jemgyýetçilik guramalarynyň, bilim we terbiýeçilik edaralarynyň wekilleri, ýaşulular, kümüş saçly eneler hem-de talyp ýaşlar gatnaşdylar.

17 Dekabr 2024

Baş arçanyň yşyklary ýakyldy

Diýmek, Diýarymyza Täze ýyl gelýär 15-nji dekabrda ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy.

16 Dekabr 2024

Nebitgazçylar döwlet sylagyna mynasyp boldular

«Pähim-paýhas ummany Magtymguly Pyragy» ýylynyň 10-njy dekabrynda Türkmenistanyň nebitgaz toplumynyň merkezi binasynyň mejlisler zalynda Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlar bilen sylaglamak dabarasy geçirildi. Dabaranyň dowamynda hormatly Prezidentimiz Serdar Berdimuhamedowyň tabşyrygy boýunça Türkmenistanyň Ministrler Kabinetiniň Başlygynyň orunbasary Batyr Amanow Türkmenistanyň Prezidentiniň nebitgaz meseleleri boýunça geňeşçisi Aşyrguly Begliýewe, Türkmenistanyň Döwlet ministri — «Türkmengaz» döwlet konserniniň başlygy Maksat Babaýewe, «Türkmennebit» döwlet konserniniň başlygy Guwanç Agajanowa, «Türkmengeologiýa» döwlet korporasiýasynyň başlygy Gurbangeldi Garlyýewe hem-de «Türkmennebit» döwlet konserniniň «Nebitgazburawlaýyş» trestiniň Abatlaýyş-sazlaýyş we elektrogurnama müdirliginiň zähmeti goramak we tehniki howpsuzlyk bölüminiň başlygy Baýramsoltan Gurbanowa, «Türkmengaz» döwlet konserniniň Medeni-işewürlik merkeziniň ýokary derejeli artist-wokalisti Kakageldi Hommadowa, Mary nebitgaz orta hünär okuw mekdebiniň mugallymy Bägül Ataýewa döwlet sylaglary dabaraly ýagdaýda gowşurdy. Dabaraly çärede Türkmenistanyň Prezidentiniň gol çeken resminamalaryna laýyklykda, döwlet sylagyna mynasyp bolan ýolbaşçylar, zähmetsöýer hünärmenler Gündogaryň beýik akyldary Magtymguly Pyragynyň 300 ýyllygynyň uly dabara bilen bellenil

16 Dekabr 2024

Ylmy-amaly maslahat geçirildi

«Türkmennebit» döwlet konserniniň Balkanabat nebitçilik orta hünär okuw mekdebinde Türkmenistanyň Nebitgaz senagaty we geologiýa işgärleriniň güni mynasybetli «Nebitgaz senagaty we ylymlar dünýäsi» atly ylmy-amaly maslahat geçirildi. Oňa mekdebimiziň mugallymlary we talyplary gatnaşdylar. Ylmy-amaly maslahatda mugallymlar çykyş edip, ýurdumyzyň nebitgaz senagaty we geologiýa babatda alnyp barylýan işler, täze mümkinçilikler we ýetilen sepgitler barada nygtalyp geçildi. Bu maslahat dürli pudaklardaky we ulgamlardaky özara gatnaşyklaryň geljegini ara alyp maslahatlaşmaga, nebitgaz ykdysady hyzmatdaşlygyň köp ugurlary boýunça gazanylan tejribeleri paýlaşmaga ýardam berdi. Maslahatyň dowamynda öňe sürlen teklipler we pikir alyşmalar oňa gatnaşyjylarda gyzyklanma döretdi.

16 Dekabr 2024

Ylmy seljermeleriň önümçilige oňyn täsiri

«Türkmengaz» DK-nyň Ylmy-barlag tebigy gaz institutynda (YBTGI) Nebitgaz senagaty we geologiýa işgärleriniň güni mynasybetli «Nebitgaz pudagynda ylmy-barlag işleriniň orny» atly ylmy-amaly maslahat geçirildi. YBTGI-niň kärdeşler arkalaşygynyň ilkinji guramasy tarapyndan geçirilen maslahatda Türkmenistanyň Bitaraplyk hukuk ýagdaýynyň ähmiýeti, hormatly Prezidentimiziň parahatçylyga, ýurt abadançylygyna gönükdirilen döwlet syýasatynyň dünýä jemgyýetçiliginde ykrar edilişi, nebitgaz senagatynyň milli ykdysadyýetde tutýan möhüm orny, häzirki wagtda Ylmy-barlag tebigy gaz institutynda alnyp barylýan ylmy işler, toplumyň pudaklarynyň täze tehnologiýalar, enjamlar bilen yzygider üpjün edilişi, ylmyň soňky gazananlarynyň, şol sanda ylmy seljermeleriň önümçilige ýetirýän oňyn täsiri barada çykyşlar diňlenildi. Maslahatyň dowamynda ýaş alymlar, ylmy işgärler özleriniň alyp barýan ylmy seljermelerini kärdeşleri bilen paýlaşdylar we özara pikir alyşdylar. Baýramçylyk mynasybetli geçirilen dabaraly çäräniň barşynda zähmet üstünlikleri bilen tapawutlanýan göreldeli işgärleriň birnäçesine guramaçylar tarapyndan sowgatlar gowşuryldy.

16 Dekabr 2024

Baýramçylyk saçaklaryňyz bereketli bolsun!

Her bir ynsanyň sabyrsyzlyk bilen garaşyp, arzylaýan Täze ýyl baýramçylygyna döwlet derejesinde taýýarlanylýar. Hormatly Prezidentimiz Serdar Berdimuhamedowyň baştutanlygynda bazarlarda we söwda merkezlerinde azyk bolçulygyny döretmek boýunça möhüm işler durmuşa geçirilýär. Gök-bakja önümleriniň köpdürlüliginde bolsa tutuş ýylyň dowamynda zähmet çekip, der döken babadaýhanlarymyzyň yhlasy duýulýar. Ýurdumyzyň ähli künjeginiň bazarlarydyr söwda merkezleriniň adamsy has-da artdy. Çünki her bir maşgala Täze ýyl saçagyny bezemäge häzirden uly taýýarlyk görýär.

16 Dekabr 2024

Täze ýyl baýramçylygy adamlara ruhy güýç berýär

Ýurdumyzda toý-baýramlar, şanly seneler, möhüm wakalar biri-biriniň üstüni ýetirip, halkymyzyň parahat, agzybir durmuşynyň hözirini artdyrýar. Geçen hepdede halkymyz Halkara Bitaraplyk gününiň baýramçylygyny giň gerimde belledi. Milli ykdysadyýetimiziň möhüm pudagy Nebitgaz senagaty we geologiýa işgärleriniň güni hem, asylly däbe görä, Türkmenistanyň şanly seneleriniň birine öwrüldi. Indi bolsa özüniň şatlyk-şowhuny bilen Täze ýyl baýramy barha golaýlap gelýär. Täze ýyly dünýä halklary bilen birlikde, türkmen il-ulsy hem ýylyň-ýylyna zähmet üstünlikleri bilen buýsançly garşylaýar. Bu baýramçylygyň geçirilýän wagtynyň dowamlylygy bilen tapawutlanýanlygyny bellemelidir. Dekabryň ikinji ongünlüginden batly depgin alýan baýramçylyk şowhunly çäreler täze ýylyň başlanmagy bilen hem ençeme gün dowam edýär. Şu döwürde adamlaryň ruhy galkynyp, has şadyýan görünýärler. Hemmeler biri-birine mähir paýlaýar. Şäherleriň özboluşly bezeg aýratynlyklary görküni artdyrýar. Bu döwürde çagalar bilen medeni seýil baglarynda, dynç alyş merkezlerinde, söwda merkezlerinde bolmak has-da ýakymly. Hormatly Prezidentimiziň tagallasy bilen ähli söwda merkezleriniň talabalaýyk işledilmegi, harytlaryň hemme görnüşleriniň, aýratyn-da, azyk harytlarynyň elýeter bahalardan bolçulygynyň döredilmegi halkymyzyň baýramçylyk şatlygyny artdyrýar.

16 Dekabr 2024

Täze ýylyň bezegi

Täze ýyl diýlende, ilki bilen, baýramçylyk arçasy göz öňüňe gelýär. Köp ýurtlarda dekabr aýynyň gelmegi bilen seýilgählerde, dynç alyş merkezlerinde we köçeleriň ugrunda bezelmegi däbe öwrülen Täze ýyl arçalary peýda bolýar. Ilki başda miweler bilen bezelen arçalar soňlugy bilen oýnawaç satýan dükanlaryň başlangyjy bilen ýalpyldawuk şarjagazlar, oýnawaçlar hem-de ýanyp-öçýän çyrajyklar bilen bezelip başlanýar. Eýsem, arça bezemek däbi nireden gözbaş alýar? Gadymy döwürlerde adamlar tebigy durmuşda ýaşap, agaçlaryň miwesini iýipdirler, çybyklaryndan çatma, bukalgalar gurupdyrlar. Umuman, tebigatda adama iň ýakyn zat agaç bolupdyr. Ilkidurmuş adamlary agaçlarda bir güýjüň, gudratyň bardygyna ynanypdyrlar.

16 Dekabr 2024

Ruhy baýlygyň gymmatly hazynasy

Beýik akyldar şahyrymyz Magtymguly Pyragynyň: «Sözlär bolsaň, söz aslyna ýet ýagşy» diýip belleýşi ýaly, her bir zadyň aslyna, düýp-teýkaryna, köküne ýetmeseň, şol zat hakynda belli bir netijä gelip bolmaýar. Halkymyzyň arasynda toý-märekede, üýşmeleňde ýaşulularyň ýaş ýigdekçelere ümläp: «How, inim, ýüzüň tanyş weli, bi, kimlerden bolarsyň sen?» diýäýmeleri bar. Jogaby eşidibem: «Hä-ä, şeýledirem öýtdüm-le, tüweleme, ot ýaly oglan, aslyňa çekipsiň-dä» diýerler. Munuň özi her bagyň miwesiniň özünden daşa düşmeýändigini tekrarlamakdyr. Şu jähetden alnanda, türkmen halkynyň Milli Lideri Gahryman Arkadagymyzyň «Hakyda göwheri» atly täze kitaby hem köküni dury gözbaşdan alyp gaýdýar. Bu bolsa hakydalara göwher hakykat bolup dolýar. Milli Liderimiziň täze kitabynyň birinji babynyň «Taryh şu ýerden başlanýar» diýen bölüm bilen başlamagynyň özünde aýratyn many-mazmun bar. Onuň şeýledigini bu babyň başyndaky: «Adamzat taryhyna mahsus islendik ösüşiň gözbaşy hem, çürbaşy hem ynsanlar bilen bagly. Beýik ynsanlar beýik halky, beýik halklar bolsa beýik taryhy döredýärler» diýen jümleler aýan edýär. Gahryman Arkadagymyz bu kitabynda türkmen taryhy barada täzeçil ylmy garaýyşlaryny beýan edýär. «Hakyda göwheri» — milli buýsanjymyzyň, şeýle hem geljege bolan ynamymyzyň mizemez binýady bolup, bizi türkmeniň şöhratly taryhyna syýahata äkidýär. Eýsem, ilkinji ekerançylyk medeniýeti bolan

16 Dekabr 2024

Lebapda Täze ýyl arçasynyň yşyklary ýakyldy

«Pähim-paýhas ummany Magtymguly Pyragy» ýyly diýen şygar astynda geçýän üstümizdäki ýylymyz tamamlanyp barýar. Häzirki günlerde ýurdumyzyň çar künjeginde bolşy ýaly, Lebap ilinde-de Täze, 2025-nji ýyly garşylamaklyga uludan taýýarlyk görülýär.

16 Dekabr 2024

Kalplary gandyrýan dury çeşme

Gahryman Arkadagymyz her şanly senäniň, toý-dabaranyň öň ýanynda halkymyzyň ruhy dünýäsini baýlaşdyrýan ajaýyp kitaplary sowgat edýär. Ynha, Halkara Bitaraplyk gününiň öň ýanynda Milli Liderimiziň jöwher paýhasyndan kemal tapan «Hakyda göwheri» atly ajaýyp kitaby ellerimize gowuşdy. Bu şatlykly waka mynasybetli etrabymyzdaky edara-kärhanalarda, bilim-terbiýe ojaklarynda guralýan dabaraly çäreler ildeşlerimizde uly ruhubelentlik döredýär. Bu ajaýyp kitap ýaş nesli ata-babalarymyzyň milli ýol-ýörelgesi esasynda, ruhy-ahlak taýdan terbiýelemekde iňňän uly ähmiýete eýe bolmak bilen, pähim-parasatly sözlere, jaýdar jümlelere gadyr goýýan halkymyzyň akyl-paýhasa teşne kalbyny gandyrýan dury çeşmedir. Bu ajaýyp kitabyň «Pähim-paýhas ummany Magtymguly Pyragy» ýylynda çap edilip, okyjylara gowuşmagynda özboluşly many bar. Täze neşirde halkymyzyň taryhy şahslarynyň birnäçesiniň çeper döredijiliginiň we ata-babalarymyzyň asyrlaryň synagyndan geçen durmuş tejribesiniň öz beýanyny tapmagy onuň ähmiýetini has-da ýokarlandyrýar. Güneşli ýurdumyzy öň görlüp-eşidilmedik derejede özgertmek bilen birlikde il-günümiziň ruhy islegini kanagatlandyrmak hem-de içki dünýäsini gözelleşdirmek barada ýadawsyz alada edýän Gahryman Arkadagymyzyň janynyň sag, başynyň dik, döwletli işleriniň mydama oňuna bolmagyny arzuw edýäris.

16 Dekabr 2024

Yşyklary ýalkym saçdy

Hemmämize mälim bolşy ýaly, düýn ýurdumyzyň ähli ýerinde bolşy ýaly, biziň welaýatymyzda hem Baş arçanyň yşyklaryny ýakmak dabarasy boldy. Aýazbabadyr Garpamyk körpeje çagalar bilen bilelikde Mary şäheriniň gözel künjeklerine gezelenç etdiler. Ak lybasly, elleri şarlardyr yşyklar bilen owadan hatary gurap barýan çagajyklar Aýazbabadyr Garpamyk bilen bilelikde welaýatymyzdaky “Türkmeniň Ak öýi” binasynyň öňündäki meýdançada bezelen Baş arçanyň ýanyna bardylar.

16 Dekabr 2024

Nebitgaz senagaty we geologiýa işgärleriniň güni bellenilip geçildi

Hünär baýramçylygy şowhuna beslendi Toýlary-toýlara ulaşýan Diýarymyzda hormatly Prezidentimiziň baştutanlygynda ähli ulgamlarda zähmet ýeňişleri gazanylyp, guwançly sepgitlere eýe bolunýar. Bilşimiz ýaly, hemişelik Bitaraplygymyzyň 29 ýyllygynyň uly toýunyň yzysüre ýurdumyzda Nebitgaz senagaty we geologiýa işgärleriniň gününiň baýramçylygynyň dabarasam alyslara aşdy. Şu sene mynasybetli baýramçylyk güni Şatlyk şäherçesindäki medeniýet öýünde baýramçylyk çäresi geçirildi. Oňa gazçylar, geologiýa işgärleri, jemgyýetçilik guramalarynyň we ýaşuly nesliň wekilleri gatnaşdylar.

16 Dekabr 2024

Döredijilik bäsleşikleri jemlenildi

Ýeňijilere üstünlik arzuw edýäris Berkarar döwletiň täze eýýamynyň Galkynyşy döwründe hormatly Prezidentimiziň döredip berýän giň mümkinçilikleri netijesinde döredijilik bilen meşgullanýan adamlaryň sany günsaýyn artýar. Ýurdumyzda eziz Watanymyzyň, Gahryman Arkadagymyzyň, Arkadagly Gahryman Serdarymyzyň beýik işleriniň, bagtyýar halkymyzyň, ene topragymyzyň, gözel tebigatymyzyň waspyny ýetirýän ýazyjy-şahyrlar joşgunly döredýärler.

16 Dekabr 2024

Maslahat geçirildi

Täze tehnologiýalar barada pikir alşyldy Golaýda “Mary” myhmanhanasynda “Marytelekom” WEAK-nyň guramagynda “Sanly ulgama innowasion tehnologiýalary ornaşdyrmak” atly ylmy maslahat geçirildi. Ýurdumyzdaky innowasion tehnologiýalary we hyzmatdaşlygy ösdürmek we döreýän täze tehnologiýalar barada pikir we tejribe alyşmak maksady bilen geçirilen ylmy maslahata “Marytelekom” WEAK-nyň işgärleri, TDEI-niň mugallymlary we talyplary hem-de telekeçiler gatnaşdylar.

16 Dekabr 2024

Welaýat kitaphanasynda täze kitap bilen tanyşdyryldy

Ahal welaýat kitaphanasynda Gahryman Arkadagymyzyň “Hakyda göwheri” atly täze kitabynyň tanyşdyrylyş dabarasy geçirildi. Welaýat kitaphanasynyň guramagynda bolan dabara okyjy ýaşlar gatnaşdy. Dabara gatnaşyjylara ýörite guralan kitap sergisi bilen tanyşmak juda ýakymly boldy. Gahryman Arkadagymyzyň we Arkadagly Gahryman Serdarymyzyň döwet galamlaryna degişli, okyjylaryň gyzgyn söýgüsini gazanan gymmatly kitaplary öz içine alan sergi hemmelerde uly gyzyklanma döretdi. Sergi bilen tanyşlykdan soňra bagtyýar ýaşlar Gahryman Arkadagymyzyň “Hakyda göwheri” atly täze kitabynyň tanyşdyryş dabarasyna çäksiz höwes bilen gatnaşdylar.

16 Dekabr 2024

Täsirli geçen duşuşyk

Şu günler türkmen halkynyň Milli Lideri Gahryman Arkadagymyzyň “Hakyda göwheri” atly täze kitabynyň tanyşdyrylyş dabaralary Ak bugdaý etrabynda hem giň gerime eýe bolýar. Türkmenistanyň Magtymguly adyndaky Ýaşlar guramasynyň Ak bugdaý etrap Geňeşi tarapyndan mekdep okuwçylarynyň arasynda geçirýän çärelerde hem ajaýyp eseriň baý many-mazmuny dogrusynda söhbet açylýar. Etrapdaky 46-njy orta mekdebiň kitaphanasynda geçen duşuşyk has-da täsirli boldy. Onda Gahryman Arkadagymyzyň şu şanly günlerde halkymyza sowgat eden “Hakyda göwheri” atly kitabynyň baý many-mazmunyna we terbiýeçilik ähmiýetine üns çekildi. Çykyş edenler bu kitapda şöhratly taryhymyzyň, beýik akyldar şahyrymyz Magtymguly Pyragynyň döreden eserleriniň adamzat gymmatlyklaryna ýetiren täsiriniň, milli medeniýetimiziň, baý mirasymyzyň çeper dilde, anyk maglumatlar esasynda giňişleýin beýanyny tapýandygyny buýsanç bilen nygtadylar.

16 Dekabr 2024

Türkmenistanyň Täze ýyl Baş arçasy yşyklaryny ýakdy

Aşgabat, 15-nji dekabr (TDH). Şu gün ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy. Baş arçanyň yşyklaryny ýakmak dabarasy her ýyl «Älem» medeni-dynç alyş merkeziniň öňündäki meýdançada geçirilýär. Bu ýerde asylly däbe görä, giň gerimli dabaralar ýaýbaňlandyrylýar. Sekizburçly ýyldyz we «2025» ýazgy bilen bezelen, köp sanly kümüşsöw garjagazlarda, dürli öwüşgindäki yşyklarda ýalkym saçýan Baş arçanyň beýikligi 44 metre, ini bolsa 16 metre deňdir.

16 Dekabr 2024

‹
1
2
...
14
15
16
17
18
19
20
...
1408
1409
›