Aşgabat şäherindäki «Arkaç» söwda-dynç alyş merkezinde Türkiýäniň meşhur «CZN Burak Gurme» restoranlar zynjyrynyň şahamçasy açyldy. Şahamçanyň açylyş dabarasyna restoranlar zynjyryny esaslandyryjy, tutuş dünýäde «CZN Burak» ady bilen meşhur bolan türkiýeli aşpez Burak Özdemiriň özi gatnaşdy. Açylyş dabarasyna paýtagtymyzyň ýaşaýjylarynyň we myhmanlarynyň ençemesi gatnaşdy. Dabaranyň çäklerinde ildeşlerimiz üçin «CZN Burak Gurme» restoranlar zynjyry tarapyndan dürli täsirli çäreler guraldy. Türkiýeli meşhur aşpez Burak Özdemiriň hut özüniň türkmen milli lybasynda gelenlere hödür-kerem etmegi has-da täsirli boldy.
Ýeri gelende bellesek, şu wagta çenli «CZN Burak Gurme» restoranlar zynjyry Türkiýe, BAE, Bahreýn, Iordaniýa, Katar, Müsür, Täjigistan, Özbegistan we Beýik Britaniýa ýaly ýurtlarda hereket edýärdi. Indi olaryň hataryna Türkmenistan hem goşuldy.
