Garaşsyzlygymyzyň şanly 33 ýyllygy mynasybetli şaşka boýunça geçirilen bäsleşigiň jemleri jemlenildi. Türkmenistanyň Şaşka merkeziniň, «Nebit-gaz» gazetiniň redaksiýasynyň hem-de «Ussatnews» elektron neşiriniň bilelikde geçiren bäsleşigi şu ýylyň fewral – sentýabr aýlary aralygynda dowam etdi.
Ýurdumyzyň ministrlikleriniň, pudak edaralarynyň işgärleriniň, ýokary okuw mekdepleriň talyplarynyň hem-de orta mekdepleriniň okuwçylarynyň gatnaşmagynda geçirilen bäsleşigiň meseleler toplumynyň Türkmenistanyň Milli şaşka merkeziniň agzasy, Balkan welaýatynyň ýöriteleşdirilen şaşka mekdebiniň tälimçi-mugallymy Maksat Durdyýew tarapyndan düzülendigini bellemek gerek.
