«Milan » «Interi » 6 oýundan soň ýeňdi

Sport
26 Sentýabr 2024
328

Italiýanyň çempionaty «Serie A»-da tapgyryň merkezi duşuşygynda, Milan derbisinde «Milan » köne bäsdeşi «Interi » myhmançylykda 2–1 hasabynda ýeňdi. 10-njy minutda Pulişiçiň goly bilen öňe geçen «Milan » 28-nji minutda Dimarkonyň goluna çäre tapyp bilmedi. Oýnuň 88-nji minutynda bolsa Matteo Gabbiýa «Milana » ýeňiş getiren oýunçy boldy. «Milan » 2022-nji ýyldan bäri, 6 oýundan soň «Interi » ilkinji gezek ýeňlişe sezewar etdi. Yzly- yzyna 3-nji golsuz deňme- deňlik «Serie A»-da «Ýuwentus » bilen «Napoliniň » arasyndaky oýunda hasap açylmady. Ilkinji 2 duşuşygynda 3-0 hasaplar bilen ýeňiş gazanan «Ýuwentusyň » soňky 3 oýny golsuz tamamlandy. Tälimçisini ugradan «Roma » Iwan Ýuriçiň ýolbaşçylygyndaky ilkinji oýunda 5-nji tapgyra liderlikde başlan «Udinezeni » Dowbyk, Dibala hem-de Baldanziniň gollary bilen 3–0 hasabynda ýeňdi. 5-nji tapgyrdan soň sanawyň lideri üýtgäp, «Torino » 11 utuk bilen 1-nji orunda barýar. «Barselonany» durzup bolanok Ispaniýanyň çempionatynda sanawyň lideri «Barselonany » durzup bolanok. Myhmançylykda «Wilýarrealy » 5-1 hasabynda ýeňen katalonlaryň gollarynyň 2-sini Lewandowski, 2-sini Rafinýa, beýlekisini- de Pablo Torre geçirdi. Lewandowskiniň 67-nji minutda penaltini salyp bilmän het-trigi tamamlap bilmedik oýnunda «Barselonanyň » derwezeçisi Ter Ştegen agyr şikes aldy we möwsümiň ahyryna çenli onuň toparyna kömegi degmez. Soňky çempion «Real Madrid » bolsa öz meýdançasynda «Espanýoldan » 4–1 hasabynda üstün çykdy. Myhmanlar Kurtuanyň awtogoly bilen öňe saýlansada, madridliler ýyldyz oýunçylarynyň – Karwahal, Rodrigo, Winisius hem-de Mbappeniň gollary esasynda ýeňşini baýram etdi. Fransiýada ýatdan çykmajak duşuşyk Fransiýanyň çempionatynda myhmançylykda «Reýms» bilen 1-1 deňme- deň oýnan PSŽ ilkinji utugyny ýitirdi. «Monakonyň » «Le Hawr» toparyny 3–1 hasap bilen ýeňen tapgyrynda «Marsel » tutuş oýnuň dowamynda diýen ýaly 1 oýunçy kem oýnan hem bolsa myhmançylykda «Liony » 3–2 hasabynda utmagy başardy. Duşuşygyň başynda (1–5-nji minutlarda) 2 sary kart alan Ballardini topary «Marseli » 1 oýunçy kem goýdy. 1-nji ýarymyň ahyrynda Lakazettiň penalti salyp bilmedik oýnunda «Lion » 53-nji minutda Çaleta- Saryň goly bilen hasaby açsa- da, «Marsel » Lirola (69) we Garsiýanyň (82) gollary esasynda 2-1 öňe saýlandy. «Lion » 90+3-nji minutda Şerkiniň goly bilen hasaby deňlese- de, 90+5-nji minutda tutuş duşuşygy 1 oýunçy kem oýnan «Marsel » topary Jonatan Rowuň goly bilen ýatdan çykmajak ýeňiş gazandy.

Beýleki habarlar