Bäherden etrabynyň sport mekdebinde 2009–2011-nji ýyllarda doglan ýetginjek oglanlaryň arasynda etrap bedenterbiýe we sport bölümi bilen Türkmenistanyň Magtymguly adyndaky Ýaşlar guramasynyň etrap Geňeşiniň bilelikde guramagynda boks boýunça etrabyň birinjiligi geçirildi.
Çekeleşikli geçen ýaryşda halypa tälimçi Orazgeldi Çaryýarowyň tälimçilik edýän toparynyň türgenleri birinji orna, Ýusup Şyhymgulyýewiň şägirtleri ikinji orna, Rejepmuhammet Hojamgulyýewiň tälim berýän türgenlerinden düzülen topar bolsa üçünji orna mynasyp boldular. Ýaryşda ýeňiji bolan türgenlere hormat hatlary we ýadygärlik sowgatlar dabaraly ýagdaýda gowşuryldy.
