Türkmenistanyň Dokma senagaty ministrliginiň Gyzylarbat etrabynyň merkezinde ýerleşýän «Balkandokma» ýapyk görnüşli paýdarlar jemgyýetinde «Pähim-paýhas ummany Magtymguly Pyragy» ýylyny ýokary üstünliklere beslemek ugrunda netijeli zähmet çekilýär.
Döwrebap kärhanada şu ýylyň geçen döwründe 2 müň 620 tonna ýokary hilli ýüplükler taýýarlanylyp, sarp edijilere ýetirildi. Bu döwürde öndürilen ýüplükleriň pul hasabyndaky möçberi 90 million manatdan geçdi. Munuň özi önümçiligiň ösüş depgininiň 2,5 esse ýokarlanandygyny aňladýar.
