"Aşgabat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-24, 39-95-24, 39-96-24
Email: asgabat-gazeti@sanly.tm

Gazeti PDF görnüşinde ýükläp almak

Habarlar

Aýdyň geljegiň nury

Türkmenistanyň at gazanan arhitektory hormatly Prezidentimiz Gurbanguly Berdimuhamedowyň egsilmez yhlasy, öňdengörüjiligi hem-de çuň paýhasy bilen gözel paýtagtymyz gysga wagtyň içinde dünýäniň iň gözel şäherleriniň birine öwrüldi. Merkezi Aziýanyň merjeni hökmünde tanalýan baş şäherimiziň gözel künjekleri, seýilgähleridir ak mermere beslenen binalary, medeni-durmuş maksatly desgalary täsinligi, ajaýyp binagärligi bilen haýrana goýýar. Merjen şäherimiz Aşgabadyň özboluşly binagärliginiň, dünýä ülňülerine kybap gelýän giň we ýagty köçeleriniň, bagy-bossana beslenen seýilgähleriniň, täsin suw çüwdürimleriniň we jemgyýetçilik-medeni zolaklarynyň gysga döwrüň içinde kemala getirilmeginiň özeninde hormatly Arkadagymyzyň yhlasynyň, Watana bolan belent söýgüsiniň durandygy hemmämize mälimdir. Gözel paýtagtymyzyň ajaýyp keşbini synlamak, onuň gaýtalanmajak binagärlik aýratynlygy bilen tanyşmak maksady bilen ýurdumyza gelýän jahankeşdeleriň, daşary ýurtly myhmanlaryň sany ýyl-ýyldan artýar. Hormatly Prezidentimiziň asylly başlangyçlary bilen paýtagtymyzyň durky düýpgöter özgerip, sanlyja ýylyň içinde dünýäniň iň gözel şäherleriniň arasynda mynasyp orun eýeledi. Galyberse-de, gözelligiň taýsyz nusgasy bolan paýtagtymyz Ginnesiň Bütindünýä rekordlar kitabynda hem mynasyp orun aldy. 2013-nji ýylyň 25-nji maýynda Aşgabat ak mermer bilen örtülen binalaryň jemlenen şäheri hökmünde Ginnesiň Bü

13 Ýanwar 2021

Jemgyýet

Hemişelik Bitaraplyk — ösüşleriň şamçyragy

Berkarar döwletimiziň bagtyýarlyk döwründe ýurdumyzyň hemişelik Bitaraplyk hukuk ýagdaýy häzirki wagtda sözüň doly manysynda bagtyýar halkymyzyň abadan, asuda ýaşaýşynyň ygtybarly binýady bolmak bilen Ýer ýüzünde dabaralanýan syýasat ugry bolup durýar. Paýtagtymyzyň özgerýän, günsaýyn gözelleşýän, abadanlaşýan keşbi hormatly Prezidentimiziň alyp barýan hemişelik Bitaraplyk hukuk ýagdaýyna esaslanýan parasatly, öňdengörüjilikli içeri we daşary syýasatynyň netijeleridir.

13 Ýanwar 2021

Bitaraplyk

Ylma we tehnika daýanyp

Hormatly Prezidentimiziň taýsyz tagallalary netijesinde ýurdumyzda milli ykdysadyýetimizi diwersifikasiýalaşdyrmak, elektron senagatyny ösdürmek, maglumat-aragatnaşyk tehnologiýalarynyň täze gazananlaryna esaslanýan innowasion, ýokary tehnologiýaly, bäsdeşlige ukyply sanly ykdysadyýeti ösdürmek babatdaky alnyp barylýan işler üstünlikli amala aşyrylýar. Ýurdumyzyň halk hojalygynyň ähli ugurlary bilen bir hatarda, ylym ulgamynda hem täze tehnologiýalar işjeň durmuşa ornaşdyrylýar, degişli işler ýola goýulýar. Hormatly Arkadagymyz ýurdumyzyň ylmy-tehnologiýa taýdan ösüşine, ylmy ösdürmäge aýratyn ähmiýet berýär. «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» we «Türkmenistanda ylym ulgamyny 2020 — 2025-nji ýyllarda sanly ulgama geçirmegiň Maksatnamasyna» laýyklykda sanly tehnologiýalary ulanmak bilen ylmy, ylmy-barlaglaryň we tehniki işläp taýýarlamalaryň netijeliligini ýokarlandyrmak, olary jemgyýetiň we döwletiň durmuşynyň wajyp meselelerini çözmäge gönükdirmek boýunça giň gerimli işler üstünlikli durmuşa geçirilýär. Dünýä tejribesinden hem belli bolşy ýaly, iş bilen üpjünçilik, önümçilik, sarp ediş üçburçlygyna netijeli täsirini ýetirýän sanly ulgam häzirki wagtda ýurdumyzyň ähli önümçilik pudaklaryny öz içine alýar. Şunda sanly tehnologiýalara daýanýan ylmy-barlag işleri ylmy synaglaryň we seljermeleriň barşynda anyk netijeleri ýüze çyka

13 Ýanwar 2021

Bilim

Zähmetsöýerlik - bagtyň gözbaşy

Zähmet adamyň öz-özüni ykrar etmegidir, ýaşaýşa bolan söýgüsiniň gözbaşydyr. Halal we päk zähmet baýlygyň çeşmesidir, bagta ýetmegiň iň ygtybarly ýoludyr. Hut şonuň üçin-de çagalarda zähmetsöýerligi terbiýelemek maşgalanyň we okuw-terbiýeçilik edaralarynyň esasy wezipesidir, jemgyýetçiligiň öňündäki borjudyr. Zähmetsöýerligi terbiýelemegiň usullary we ýollary saýlanylanda kämil şahsyýetiň göreldesini, nusgalyk zähmet ýoluny öwrenmek hem-de wagyz etmek maksadalaýyk we netijeli bolar. Çünki perzent ýalan-ýaşryk öwüde däl-de, göreldä mätäçdir. Şonuň üçin-de terbiýäniň ýagşysy-da göreldedir. Diňe göreldeli maşgalada kemally perzent, görnükli şahsyýet ýetişýär. Hormatly Prezidentimiziň kyblasy Mälikguly aganyň zähmet ýoly bilen tanşanymyzda zähmetsöýerligiň, ynsanperwerligiň belent nusgasyny görkezen bu beýik ynsanyň durmuş ýolunyň ýaş türkmenistanlylar üçin hakyky watançylygyň, zähmetsöýerligiň, edermenligiň, gaýduwsyzlygyň, pederlerimiziň wesýetlerine wepalylygyň, maksadaokgunlylygyň, halallygyň, jogapkärçiligiň kämil nusgalyk ýoludygyna göz ýetirýäris. Mälikguly Berdimuhamedowyň uzak ýyllaryň dowamynda birkemsiz çeken tutanýerli zähmeti, ýaşlary zähmetsöýerlik, Watana wepalylyk ruhunda terbiýelemek ugrunda bitiren aýratyn uly hyzmatlary, belent adamkärçiligi bilen halkymyza görelde bolup, ýurdumyzda uly abraýa eýe bolýar. Hormatly Prezidentimiziň kakasy Mälikguly aganyň gulluk e

13 Ýanwar 2021

Miras

Saglyk - baş baýlyk

Hormatly Prezidentimiz Gurbanguly Berdimuhamedowyň «Döwlet adam üçindir!» diýen baş ýörelgesi halkymyzyň ykbalynda möhüm ähmiýete eýe boldy. «Saglyk» Döwlet maksatnamasynyň esasynda ilatyň jan saglygy baradaky aladanyň döwlet syýasaty derejesine göterilmegi bu ugurda oňyn netijeleriň gazanylmagyny şertlendirdi. Saglygy goraýyş ulgamynyň işgärlerine yhlasly zähmet çekmäge itergi berdi. Häzirki wagtda bu ugurdaky wezipeleri üstünlikli ýerine ýetirmek maksady bilen ýurdumyzyň saglygy goraýyş edaralarynyň ählisinde, şol sanda, şypahana ulgamynda hem giň gerimli işler alnyp barylýar. Bu ugurda bolsa «Saglyk» Döwlet maksatnamasy saglygy goraýyş işgärleriniň ýol görkezijisi bolup hyzmat edýär. Sanlyja ýyllaryň içinde dünýä derejesinde enjamlaşdyrylyp ulanylmaga berlen hassahanalaryň we saglyk merkezleriň, köpsanly sagaldyş-dynç alyş öýleriň, sport desgalaryň, şypahanalaryň, türkmen topragynyň müň bir derde derman ösümliklerinden derman serişdelerini öndürýän kärhanalaryň, anyklaýyş-bejeriş edaralaryň onlarçasynyň gurlup ulanylmaga berilmegi saglygy goraýyş ulgamyny uly ösüşlere eýe etdi. Hormatly Prezidentimiz Gurbanguly Berdimuhamedow golaýda geçiren ýurdumyzyň Ministrler Kabinetiniň mejlisinde buýan köküniň adamyň saglygyna edýän netijeli täsiri dogrusynda aýratyn nygtady. Il arasynda «süýji buýan» ady bilen belli bolan bu dermanlyk ösümligiň ýurdumyzda 4 görnüşi, dünýäde bolsa 15 g

13 Ýanwar 2021

Saglyk

Meledor (Hekaýa)

Mollagara: — Bu özbaşyna bir waka. Nesip bolsa, bir gabatlaşamda, arkaýynlykda bu wakany gürrüň bererin. Ol ýöne bir waka-da däl, durmuşyň ynsana beren sapagy, tebigatyň keramaty. Akyl oňa haýran. Diňleseň, ynsanyň ýüzýyllyklaryň dowamynda ýolbars bilen näme üçin dostlaşyp bilmänine hem gümanda bolmarsyň. Taýçanagam Meledoruň neslinden, bilýänsiň-le, muňa häzir diňe atşynaslar däl, uly il gynanýar. Taýçanaga meşhur nesilbaşysynyň hormatyna «Meledor» diýip at hem dakan ekenler.

13 Ýanwar 2021

Edebiýat

Arassaçylyk düzgünlerini berjaý edeliň!

Ýaşaýan, işleýän otagyňyzda üzärligi tütetmeli, otagyň içini, mebelleri, gapy tutawaçlaryny, pollary ýörite arassalaýjy serişdeler bilen arassalap durmaly. Şeýle hem, nahar iýilýän gap-gaçlary ulanmazdan öň we soň akar suwda gowy arassalamak, ýuwmak maslahat berilýär. Durmuşda arassaçylyk düzgünleriniň şertlerine biperwaý seredilmegi adamyň saglyk ýagdaýynyň we işe ukyplylygynyň pese düşmegine getirýär. Elbetde, munuň ilki bilen, öz saglygyňa, soňra daş-töweregiňizdäki adamlaryň saglygyna ýaramaz täsirini ýetirýändigini unutmaň. Şahsy arassaçylyk düzgünlerini dogry berjaý etmeklik uzak hem sagdyn ýaşamaklygyňyza şert döredýär.

13 Ýanwar 2021

Saglyk

«Buz eýýamy»

Gyş paslynyň dowam edýän günlerinde mawy ekranlarda hem bu pasyl bilen bagly filmler ýaýlyma berilýär. Bu, esasan hem, multfilmlerde şeýle. «Walt Disney», «Blue Sky», «Pixar» ýaly animasiýa filmlerini döreden studiýalar gyş pasly bilen bagly birnäçe multfilmleri çagalara hödürleýär. Ynha, şolaryň hatarynda «Blue Sky» studiýasy tarapyndan döredilen «Buz eýýamy» multfilmi hem körpeleriň köňül küýsegine öwrüldi. Mähriban çagalar! «Buz eýýamy» multfilmi size tanyş bolsa gerek. Çünki bu multfilm indi ýigrimi ýyla golaý wagt bäri mawy ekranyň üsti bilen dünýäniň dürli künjegindäki çagalara ýetirilýär. Gülküli wakalary özünde jemleýän bu multfilm 2002-nji ýylyň mart aýynyň 15-ine ilkinji gezek ýaýlyma berilýär. Dowamlylygy 81 minuda barabar bolan bu multfilm ilki iňlis dilinde görkezilýär. Wagtyň geçmegi bilen «Buz eýýamy» multfilmi dürli dillere terjime edilýär. Onuň ilkinji bölümi kino synçylaryň öwgüsine mynasyp bolýar. Bu bolsa, režissýorlarda multfilmiň nobatdaky bölümlerini döretmäge uly hyjuw berýär. «Buz eýýamy» multfilmi kino äleminiň iň abraýly sylaglarynyň biri bolan 75-nji Oskar baýragyna mynasyp bolýar. Mundan başga-da, multfilme birnäçe abraýly baýraklar gowşurylýar. «Buz eýýamy» multfilminiň ilkinji bölümi körpeler tarapyndan gyzgyn garşylanýar. Multfilm 5 bölümden ybaratdyr. Animasiýa döredijileri multfilmiň 6-njy bölümini 2022-nji ýylda körpelere ýetirmegi maksat edi

13 Ýanwar 2021

Medeniýet

Yhlasa — myrat

Golaýda paýtagtymyzda hem-de welaýatlarda Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan Gulbaba adyndaky Çagalar baýragynyň gowşurylyş dabaralary geçirildi. Bu baýrak çagalara 1992-nji ýyldan bäri gowşurylyp gelinýär. Şu ýyl bu baýraga çagalaryň 64-si, çagalar döredijilik toparlarynyň 2-si mynasyp boldy. Türkmenistanyň Jemgyýetçilik guramalarynyň merkezi binasynda we welaýat merkezlerinde guralan dabaralar ýokary ruhubelentlikde geçirildi. Dabaralarda Gulbaba adyndaky Çagalar baýragynyň eýesi bolan körpelere şahadatnamalar, ýadygärlik sowgatlar gowşuryldy. Mähriban çagalar! Şu ýyl Gulbaba adyndaky Çagalar baýragynyň eýesi bolmagy başaran deň-duşuňyzyň biri-de, Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 74-nji «Bagtyýar nesiller» orta mekdebiniň 9-njy synp okuwçysy Merdan Çuriýewdir. Ol mekdebe ilki gadam basan gününden başlap, Aşgabat şäheriniň Çagalar we ýetginjekler köşgüniň «Galkynyş» çeper okaýyş gurnagyna gatnaýar. Özüniň ukyp-başarnygy, erjelligi bilen deň-duşlaryndan tapawutlanýan Merdan geljekde medeniýet we sungat işgäri bolmagy maksat edinýär. Şeýle hem, ol türkmen hem-de daşary ýurt edebiýaty bilen içgin gyzyklanýar. Mundan başga-da, Merdan daşary ýurt dillerini, ýagny, rus, iňlis, nemes dillerini hem içgin özleşdirýär. Sapaklaryndan soňra ol sportuň dürli görnüşleri, esasan-da, futbol, basketbol,

13 Ýanwar 2021

Bilim

Oýlan, pikirlen!

1. Myradyň ýantorbasynda 36 sany galam bar. Onuň üçden bir bölegini dosty Maksada berdi. Myratda näçe galam galdy? 2. Garynja günüň dowamynda 3 sany bugdaý dänesini daşaýar. Eger-de garynja 15 gün işlese, ol näçe bugdaý dänesini daşar?

13 Ýanwar 2021

Bilim

Muny bilmek gyzykly

■ Çaganyň ilkinji görýän reňki gyzyldyr. ■ Ak reňk päkligi we arassalygy aňladýar. Şeýle hem, ak reňk yzygiderliligi we durnuklylygy aňladýar. Köplenç ak reňkli eşigiň geýilmegi hem şular bilen baglydyr.

13 Ýanwar 2021

Jemgyýet

Bedene

Her bir janly-jandara özboluşly häsiýet, gözellik mahsus. Bu guşlar babatynda hem şeýle. Guşlaryň guýrugy olaryň esasy bezegi hasaplanýar. Tawus guşunyň guýrugynyň owadanlygy hem aýdanlarymyza aýdyň şaýatlyk edýär. Guýruksyz guş diýlende ilki bilen bedene göz öňümize gelýär. Eziz çagalar! Geliň, bedene guşy barada käbir maglumatlar bilen tanyş bolalyň. Bedeneleriň guýrugy bolmasa-da özboluşly owadan guşdur. Biz munuň şeýledigine, olary synlanymyzda aýdyň göz ýetirýäris. Goňur reňkli, çal tegmilli guşlar özüniň ajaýyplygy bilen tapawutlanýar. Gyş paslynyň geçip, ýazyň gelmegi bilen bedeneleriň döşlerinde ak tegmiljikler peýda bolýar. Bedeneleriň täsin häsiýetleri bar. Olar hiç wagt höwürtge ýasanmaýarlar. Bedeneler ot-çöpleriň, daşlaryň arasynda höwürtgeleýärler. Olaryň ýumurtgasy daşa meňzeşligi bilen tapawutlanýar. Bedeneleriň ortaça boýy 20 santimetre, agramy 145 grama barabar bolýar. Bedene jüýjeleri doglan gününden başlap özbaşdak hereket etmäge ukyplydyr. Bedeneler diňe bir ýabany däl-de, öý şertlerinde hem ýaşaýar.

13 Ýanwar 2021

Haýwanat dünýäsi

Beýik baýramçylygyň şanyna

«Türkmenistan — parahatçylygyň we ynanyşmagyň Watany» diýlip yglan edilen 2021-nji ýylda mähriban halkymyzyň täze taryhynyň senenamasyna altyn harplar bilen ýazylýan ajaýyp sene — ýurdumyzyň Garaşsyzlygynyň 30 ýyllygy bellenilip geçiler. Şu mynasybetli eziz Diýarymyzda häzirden giň gerimli taýýarlyk işleri alnyp barylýar. Beýik baýramçylygyň hormatyna Watanymyzda dünýä ýaň saljak çäreler hem-de dabaralar geçiriler. Bular barada Ministrler Kabinetiniň geçen hepdäniň anna güni sanly wideoaragatnaşyk arkaly geçirilen şu ýyldaky ilkinji mejlisinde hem aýratyn durlup geçildi. Mejlisiň barşynda, hususan-da, «Türkmenistan — parahatçylygyň we ynanyşmagyň Watany» diýlip yglan edilen ýylda belleniljek milli baýramçylyklara we şanly senelere bagyşlanan medeni çäreleri taýýarlamak boýunça geçirilýän işler barada hasabat berildi.

11 Ýanwar 2021

Garaşsyzlyk

Gatnaşyklar berkidilýär

Garaşsyz, hemişelik Bitarap Türkmenistan bilen dürli ugurlarda gatnaşyklary has-da pugtalandyrmaga gyzyklanma bildirýän döwletleriň hem-de abraýly halkara guramalaryň sany barha artýar. Munuň özi, ilkinji nobatda, hormatly Prezidentimiz Gurbanguly Berdimuhamedowyň parasatly baştutanlygynda üstünlikli durmuşa geçirilýän «Açyk gapylar» syýasaty, ýurdumyzda amala aşyrylýan giň möçberli özgertmeler bilen şertlendirilendir. Ine, geçen anna güni hem Maliýe we ykdysadyýet ministrliginde Ýewropanyň täzeleniş we ösüş bankynyň (ÝTÖB) Türkmenistandaky wekili bilen iş duşuşygy geçirildi. Onda Türkmenistan bilen ÝÖTB-niň arasyndaky hyzmatdaşlygy, şol sanda netijeli gatnaşyklaryň oňyn tejribesi toplanylan karz bermek we maýa goýum ulgamynda hyzmatdaşlygy işjeňleşdirmegiň meseleleri ara alnyp maslahatlaşyldy.

11 Ýanwar 2021

Garaşsyzlyk

Parahatçylyk we hyzmatdaşlyk syýasatynyň dabaralanmagy

Milli Liderimiziň ekologiýa ulgamyndaky başlangyçlary jahana dolýar Mälim bolşy ýaly, Aral meselesi häzirki wagtda hem dünýä bileleşiginiň üns merkezinde durýar. Ekologiýa heläkçiliginiň netijeleri Aral deňziniň ýakasynda, şeýle hem goňşy çäkde ýaşaýan millionlarça adamyň durmuş şertlerine täsir etdi. Dünýäde howanyň ählumumy üýtgemegi ýagdaýy has-da çylşyrymlaşdyrýar.

11 Ýanwar 2021

Ekologiýa

Watan waspy dillerde

Golaýda Türkmenistanyň Oguz han adyndaky Inžener-tehnologiýalar uniwersitetinde bu ýokary okuw mekdebiniň Magtymguly adyndaky ilkinji Ýaşlar guramasynyň, Bagtyýarlyk etrap häkimliginiň, TDP-niň Bagtyýarlyk etrap komitetiniň, Magtymguly adyndaky Ýaşlar guramasynyň Bagtyýarlyk etrap Geňeşiniň bilelikde guramagynda 2021-nji ýylyň «Türkmenistan — parahatçylygyň we ynanyşmagyň Watany» ýyly diýip atlandyrylmagy mynasybetli aýdym-sazly dabara geçirildi. Dabarada çykyş edenler Birleşen Milletler Guramasynyň Baş Assambleýasynyň 73-nji mejlisinde 2021-nji ýyl — «Halkara parahatçylyk we ynanyşmak ýyly» baradaky Kararnamanyň kabul edilmeginiň hemişelik Bitarap Türkmenistanyň abraýyny has-da artdyrýan taryhy waka öwrülendigini uly buýsanç bilen belläp geçdiler. Çykyş edenler milli Liderimiziň bütin dünýäde parahatçylyk medeniýetini we ynanyşmagy dikeltmek ugrundaky tagallalarynyň bu günki gün Ýer ýüzünde dabaralanýandygyny, rowaçlyklara beslenýändigini buýsanç bilen bellediler. Şeýle hem, olar Garaşsyzlygymyzyň 30 ýyllyk ýubileý dabaralaryny mynasyp zähmet sowgatlary bilen garşylajakdyklaryna ünsi çekip, Türkmenistanyň Mejlisiniň 2021-nji ýyly «Türkmenistan — parahatçylygyň we ynanyşmagyň Watany» diýip yglan etmek baradaky Kararynyň ähli türkmenistanlyny begendiren şatlykly waka öwrülendigini aýratyn bellediler.

11 Ýanwar 2021

Jemgyýet

Baky abadançylygyň mekany

Müňýyllyklara uzaýan taryhyň dowamynda parahatçylygy, abadançylygy ähli zatdan ýokarda goýan mähriban halkymyz arassa asmanyň astynda agzybir il bolup, millet bolup ýaşamagy bagtyň başy saýypdyr. Pederlerimiziň arzuwlan häzirki bagtyýar zamanynda hormatly Prezidentimiziň öňdengörüjilikli baştutanlygynda parahatçylygy, dostlugy dünýä ýaýýan baky Bitarap Türkmenistanyň halkara abraýy gün-günden artýar. Hemişelik Bitarap ýurt hökmünde Birleşen Milletler Guramasyna agza döwletler tarapyndan iki gezek 1995-nji we 2015-nji ýyllarda biragyzdan ykrar edilen Türkmenistan halkara hukuk ýagdaýyndan ugur alyp, sebitde we dünýäde adamzadyň ýagty geljegine gönükdirilen asylly başlangyçlary öňe sürýär we bu babatda giň goldawa mynasyp bolýar. Häzirki wagtda ýurdumyzyň baş şäherinde dürli maksatly desgalaryň onlarçasynyň gurluşygy batly depginlerde alnyp barylýar. Hormatly Prezidentimiziň başlangyjy bilen bu babatda giň gerimli taslamalaryň ýene-de ençemesini amala aşyrmak göz öňünde tutulýandygy bolsa mähriban halkymyzyň guwanjyny goşalandyrýar.

11 Ýanwar 2021

Bitaraplyk

Gül-gülüstan Aşgabat

Gyş paslynda ümür-dumanly bulutlardan gar tozgalarynyň ýagyp durmagyny aklyga, päklige deňeýän ildeşlerimiz «Ak zat alnyňa ýagşy» diýip umyt-arzuwlar bilen ýüzlerine sylýarlar. Şu günler öz işiniň ussady bolan gül we bag ösdürip ýetişdirýän bagbanlaryň halal zähmetiniň miwesi bolan gyş gülleri has-da terlenip, paýtagtymyza täsin öwüşgin çaýýar. Daş-töweregimiziň bagy-bossanlyga bürenmegi diňe bir ajaýyp gözellikleri döretmek bilen çäklenmän, her bir ynsanyň arassa howadan dem almagy üçin hem örän peýdaly. Gyş paslynyň ilkinji günlerinde döreýän tebigy gözellikler ynsana uly güýç berýär, ony täze ýeňişlere, üstünliklere ruhlandyrýar. Täze gurlup ulanylmaga berlen täsin öwüşginli desgalary bilen mähriban paýtagtymyz has-da gözel görke eýe boldy. Dünýä ülňülerine gabat gelýän, biri-birinden owadan, iki gyrasy hoştap ysly ter güllerdir şabram şelpeli baglar bilen jäheklenen köçeleri, şaýollary, seýilgähleri, läle-reýhana beslenýän ýurdumyzyň baş şäheriniň gyş gözelligini görmäge göz gerek. Milli Liderimiziň durmuşa geçirýän şähergurluşyk maksatnamalarynyň çäklerinde ýurdumyzyň baş şäherini ösdürmegiň 16-njy tapgyrynyň çäklerinde gurlan ýaşaýyş jaýlarynyň, durmuş-medeni maksatly iri desgalar toplumynyň, şol sanda Türkmenistanyň Içeri işler ministrliginiň Mälikguly Berdimuhamedow adyndaky ýaşaýyş jaý toplumynyň ulanylmaga berilmegi ýatdan çykmajak şanly pursatlara öwrüldi. Ýaşamak ü

11 Ýanwar 2021

Jemgyýet

Gözelligiň dürdänesi

Gahryman Arkadagymyzyň parasatly baştutanlygynda ata Watanymyzyň baş şäheri Aşgabat bu gün ak mermerli binalaryň, sapaly seýilgähleriň we şirin mukamly suw çüwdürimleriniň mekanyna öwrüldi. Onuň nurana keşbi her bir türkmenistanlynyň buýsanjyny artdyrýar. Aşgabat şäherinde ak mermerden bina edilýän her bir desganyň gurluşygynda mähriban halkymyzyň asuda ýaşaýşyny, döredijilikli zähmet çekmegini, medeniýetli dynç alşyny üpjün etmekden gözbaş alynýar. Häzirki wagtda paýtagtymyzyň çäginde döwrebap, bagtyýar ýaşaýyş üçin ähli zerur şertler döredilen döwrebap ýaşaýyş toplumlarynyň, medeni-jemgyýetçilik desgalarynyň ençemesi gurlup ulanylmaga berildi. Olaryň hatarynda Parahat 7 ýaşaýyş toplumyny, paýtagtymyzy ösdürmegiň 16-njy tapgyrynyň çäklerinde gurlan binalary ýatlamak aýratyn ýakymlydyr. Bu desgalaryň ýanaşyk ýerleri talabalaýyk abadanlaşdyrylyp, häzirki zaman söwda merkezleri, sport we çagalara niýetlenen oýun meýdançalary guruldy. Bularyň ählisi, bagtyýar raýatlarymyzyň medeniýetli ýaşaýşynyň ýokary derejesini üpjün etmekde örän möhüm ähmiýete eýedir. Berkarar döwletimiziň bagtyýarlyk döwründe, dowam edýän «Türkmenistan — parahatçylygyň we ynanyşmagyň Watany» ýylynda hem paýtagtymyzy hemmetaraplaýyn ösdürmek işleri batly depginler bilen dowam edýär. Häzirki wagtda Aşgabat şäheri dünýäniň ösen we ýaşamak üçin has amatly şäherleriň hataryndaky ornuny barha pugtalandyrýar. Goý, ý

11 Ýanwar 2021

Jemgyýet

Medeniýet halkyň kalby

Hormatly Prezidentimiziň taýsyz tagallasy bilen ýurdumyzda milli medeniýetimizi, sungatymyzy ösdürmek barada düýpli özgertmeler durmuşa geçirilýär. Hormatly Arkadagymyz milli medeniýetimizi, taryhymyzy, ylmy we bilimi, dünýäniň birnäçe döwletleri bilen medeni gatnaşyklary ösdürmäge aýratyn ähmiýet berýär. ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilen milli tans sungatymyzyň «Küştdepdi» görnüşi halkymyzyň medeni durmuşyny, hal-ýagdaýyny, zenanlarymyzyň arzuw-isleglerini, kalbynyň owazyny beýan etmek bilen, mukamlaryň hem hereketleriň täsin sazlaşygyny beýan edýär.

11 Ýanwar 2021

Medeniýet