Zähmet — Rehnet — Bagt. Bu üç gudrat Türkmenistanyň Gahrymany, halypa şahyr Gözel Şagulyýewanyň dünýäsinde jemlenen. Gözel halypamyzyň şygyrlar bossanyna seýil edenler duýguly dünýäniň inçeligini, näzikligini, nepisligini duýýarlar. Oňa ýaşamak, ýazmak, döretmek wagt geçirmek däl-de, wagtyň içinden geçip, Watanyň, il-halkyň, Gahryman Arkadagymyzyň ýüreginde ýer etmek bagty nesip etdi.
«Ýüregimiň ýagyna, ömrümiň ýazyna, bagtymyň bagyna deňän Diýarym! Senden öňe geçjek duýgy ýokdur. Özüň bilen doludyr dünýäm. Dagyňa — düzüňe, serginli sähraňa döneýin! Gyzgynyň ýüregimdedir, gujuryň küregimdedir. Ýyllaryňda ýüzendirin, düzleriňde gezendirin, sözi bagra ezendirin, ygraryňa gelendirin. Dünýe içre barlygyň, bakylygyň bilen şanly Garaşsyzlygymyzyň 30 ýyllygy bilen, döwletli-döwrana ýetiren söwer Ogluň — merdana Prezidentiň bilen, bir başa bakan bagtyýar, agzybir il!». Bu sözler Gözel halypanyň sözleri. ýakynda ak şäherimiz Aşgabadyň 140 ýyllyk baýramynda Gahryman zenan şahyrymyzyň «Ruhubelent» ordeni bilen sylaglanmagy türkmen edebiýatyna, şygryýetine berlen sylagdyr.
