Islendik nahary öz çeniňe görä bişirmek isripçiligiň öňüni almaga ýardam edýär. Gereginden artyk bişirmek hem naharyň isrip bolmagyna, hem-de saglyk bilen bagly ýaramaz ýagdaýlaryň ýüze çykmagyna sebäp bolup bilýär. Hünärmenler käbir iýmitleri azrak bişirmegi, şeýle hem gaýtadan gyzdyryp iýmezligi maslahat berýärler. Belläp geçmeli esasy zatlaryň biri hem, galan nahary mikrotolkun peçde gyzdyryp iýmek saglyk üçin zyýanly hasaplanýar. Geliň, gaýtadan gyzdyryp iýilmegi maslahat berilmeýän käbir iýmitler bilen tanyş bolalyň!
Ysmanak. Ysmanagyň düzüminde ýokary mukdarda nitrat bar. Bu maddanyň saglyk üçin zyýansyzdygyna garamazdan, gaýtadan gyzdyrylanda zäherlenip, gan damarlarynyň kislorod bilen üpjün edilmegine oňaýsyz täsirini ýetirip biler. Şol sebäpli ysmanagy, bu otdan taýýarlanan iýmitleri gaýtadan gyzdyryp iýmek maslahat berilmeýär.