Çagalyk ýyllaryndan başlap sport bilen meşgullanmagy ýola goýmak akyl we fiziki taýdan sagdyn ösmäge ýardam edýär. Esasan hem, toparlaýyn oýunlar has peýdaly bolup, oňyn täsirleri döredýär. Hünärmenler çagalaryň ösüşi bilen bagly geçiren soňky barlaglarynda toparlaýyn oýunlaryň çagalaryň sagdyn ösmegi üçin peýdalydygyny ýüze çykardylar. Toparlaýyn oýun oýnamagyň peýdaly taraplary:
Özüňe bolan ynamy artdyrýar. Öňünde maksat goýan toparyň bir bölegi bolmak, ýoldaşlaryň bilen bilelikde ýeňşe tarap hereket etmek özüňe bolan ynamy artdyrýar. Toparyň ýeňşine goşant goşmak, oýunda utuk gazanmak hormatyňy artdyryp, minnetdarlyk duýgusyny güýçlendirýär. Topar maksadyna ýetende özüňi has-da arkaýyn we ynamly duýýarsyň.