Bu zehinli gyzjagazy şeýle diýip atlandyrsagam bolar. Ony siz hem tanaýansyňyz. Sebäbi ol ýakynda ýatdan hasaplamagyň ussady hökmünde uly meşhurlyk gazandy. Has takygy, «Russiýa 1» teleýaýlymynda guralýan «Täsin adamlar» («Удивительные люди») atly bäsleşikli gepleşige gatnaşan ilkinji ildeşimiz bolup, tiz sanamak ukyby bilen eminleri hem-de tomaşaçylary haýran galdyrdy. Biz hem bu üýtgeşik başarnykly gyzjagaz — Aşgabat şäherindäki ýöriteleşdirilen 87-nji orta mekdebiň 7-nji synpyny tamamlan Liwanur Berdiýewa bilen söhbetdeş bolup, onuň gyzykly gürrüňlerini okyjylarymyza ýetirmegi makul bildik.
— Liwanur, ilki bilen, gyzyklanýan ugruňyz — anzan mega mental arifmetikanyň aýratynlygy hakda gürrüň beräýseňiz?!
