Gökdere jülgesindäki “Bagtyýar nesiller” çagalar dynç alyş-sagaldyş merkezinde çagalaryň tomusky dynç alyş möwsüminiň ikinji tapgyry başlandy. Bu tapgyrda welaýatymyzyň dürli ýerlerinden bolan çagalaryň onlarçasy merkezde dabaraly ýagdaýda garşylandy.
Tapgyryň dowamynda çagalaryň arasynda baý many-mazmunly çäreleri guramak meýilleşdirildi. Jemgyýetçilik guramalary tarapyndan guraljak sport-sagaldyş, medeni-dynç alyş çäreleriniň, döredijilik bäsleşikleriniň we beýleki täsirli çäreleriň çagalarda ýatdan çykmajak duýgulary döretjekdigi şübhesizdir. Türkmenistanyň Magtymguly adyndaky Ýaşlar guramasynyň Gökdepe etrap Geňeşi tarapyndan hem gyzykly bäsleşikler guralyp, olaryň netijeliligi gazanylar.
