(Hekaýa)
Baharyň gelmegi bilen bagbanyň işleri hem has-da köpelýär. Muhammet aga-da ýaz aladaly bagban hökmünde her günde diýen ýaly bagynyň ownuk-uşak işleri bilen başagaýdy. Günorta arakesmesinde bagyň içindäki sekide oturyp, çaý içerdi, naharlanardy. Öýüniň gabadyndaky bir gektara golaý meýdany bag ekmek üçin kärendesine alan Muhammet aga her ýylda täze baglaryň hem birnäçesini oturdyp, olara ýeterlik ideg ederdi.
