Şu ýylyň 26-njy noýabrynda Germaniýanyň öňki kansleri Angela Merkel tarapyndan ýazylan täze ýatlamalar kitaby satuwa çykarylar. Täze kitap «Azatlyk» diýlip atlandyrylyp, onuň daşynda syýasatçy zenanyň alyslara garap duran keşbi ýerleşdiriler. Kitap 30 ýurduň kitap dükanlarynda satlyga çykar.
Angela Merkeliň Kýoln şäheriniň «Kiepenheuer and Witsch» neşirýatynda çap ediljek 700 sahypalyk ýatlamalarynda 1954 — 2021-nji ýyllaryň aralygyndaky wakalar öz beýanyny tapýar. Merkele onuň kanselýariýasynyň öňki başlygy Beata Bauman awtordaşlyk edýär.
