Ýurdumyzyň ykdysadyýetiniň dürli pudaklarynda durmuşa geçirilýän giň gerimli özgertmeler Berkarar döwletimiziň bagtyýar raýatlarynyň asuda, abadan durmuşda ýaşamagyna gönükdirilendir.
Hormatly Prezidentimiz ýakynda Mary welaýatyna bolan iş saparynyň çäklerinde Aşgabat — Türkmenabat ýokary tizlikli awtomobil ýolunyň Tejen — Mary böleginiň açylyş dabarasyna gatnaşdy. Dabaranyň çäklerinde dünýä ölçeglerine laýyklykda gurlan ýokary tizlikli awtomobil ýolunyň Tejen — Mary bölegine halkara güwänamalarynyň bäşisi gowşuryldy.