"Garagum" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-83, 39-96-05, 39-96-07
Email: garagum_tm@sanly.tm

Gazeti PDF görnüşinde ýükläp almak

Habarlar

Türkmenistanyň daşary syýasaty we baky Bitaraplyk

Ýurdumyzyň hem dünýäniň syýasy, ykdysady, ulag-aragatnaşyk we medeni durmuşynda möhüm yz goýan, şeýle-de döwlet berkararlygynyň berkemegi, ykdysady durnuklylygyň gazanylmagy hem-de jemgyýetçilik durmuşynyň ösmegi üçin ählumumylaşmagyň üýtgewsiz şert bolup durýandygyny subut eden 2020-nji ýyl taryha altyn harplar bilen ýazylar. Bu gün uly arzuw, üýtgewsiz umyt bilen garşylanan Täze, 2021-nji ýylyň — «Türkmenistan — parahatçylygyň we ynanyşmagyň Watany» ýylynyň ilkinji günleri. Bu gün Türkmenistan we onuň agzybir halky hormatly Prezidentimiziň parasatly baştutanlygynda indiki maksatlara, ýeneki sepgitlere, şöhratly ýeňişlere ýetmek üçin uly umyt bilen Täze ýylyň nurana gününe oýandy. 2020-nji ýyl ählumumy kynçylyklaryna, dünýädäki ykdysady çökgünlige garamazdan, Türkmenistan üçin ähmiýetli ýyllaryň biri boldy. Çünki bu ýyl ata Watanymyz baky Bitaraplygynyň şanly 25 ýyllygyny giňden belläp, halkara çäreleriň ençemesini geçirdi we dünýäde parahatçylygyň, asudalygyň, dost-doganlygyň rowaçlanmagy üçin Birleşen Milletler Guramasynyň beýik münberinden ençeme başlangyçlary öňe sürdi.

4 Ýanwar 2021

Bitaraplyk

Döwletli döwranymyz

Agzybir, merdana halkymyzyň tutanýerli we yhlasly zähmeti bilen ata Watanymyz çalt depginde ösýär, özgerýär. Ýurdumyzyň syýasy, ykdysady we medeni-durmuş ugurlarynda gazanýan üstünlikleri bolsa, milli Liderimiz tarapyndan kabul edilýän maksatnamalaryň üstünlikli durmuşa geçirilýändigi bilen aýrylmaz baglanyşyklydyr. Tamamlanan, 2020-nji ýylda ýetilen sepgitler ata Watanymyzyň täze belentlikleriň ýoly bilen aýdyň geljege tarap ynamly öňe barýandygyna, ýurdumyzyň halkara derejesinde tutýan ornunyň barha ýokarlanýandygyna şaýatlyk etdi. Baky Bitaraplygymyzyň şanly 25 ýyllygynyň uludan toýlanmagy, ýurdumyzyň dünýäde iki gezek ykrar edilen hem-de BMG-niň degişli Kararnamalary bilen berkidilen bu halkara hukuk ýagdaýynyň şanyna baý many-mazmunly, örän ähmiýetli çäreleriň geçirilmegi tamamlanan ýylyň täze taryhymyzy has-da şöhratlandyran wakalaryna öwrüldi. Sözüň doly manysynda bellesek, «Türkmenistan — Bitaraplygyň mekany» ýyly ýurdumyzyň durmuşynda dürli syýasy, ykdysady, medeni wakalara beslenip, Garaşsyz, hemişelik Bitarap döwletimiz üçin baýramçylyk ýylyna öwrülmek bilen, türkmen halkynyň taryhy ýyl ýazgysynyň şanly sahypasy hökmünde taryha girdi.

4 Ýanwar 2021

Bitaraplyk

Täze ýylyň şatlygy

«Türkmenistan — parahatçylygyň we ynanyşmagyň Watany» ýyly welaýatymyzda aýratyn uly ruhubelentlik we joşgun bilen garşylandy. Täze ýylyň ilkinji gününiň baýramçylyk ruhy ýylyň şygaryndan göwni galkynan bagtyýar ildeşlerimiziň ýüzündäki şatlygyndan we begenç alamatlaryndan göründi. Täze, 2021-nji ýylyň ilkinji gününde welaýatymyzda egsilmez joşguna utgaşan dabaralar geçirildi. Şolaryň esasylarynyň biri-de welaýat häkimliginiň golaýyndaky Mukaddeslik meýdançasynda ýaýbaňlandyryldy. Bu ajaýyp ýerde Täze ýyl baýramçylygy mynasybetli Döwlet baýdagymyzyň belende galdyrylyş dabarasy boldy.

4 Ýanwar 2021

Bitaraplyk

Beýik üstünliklere ruhlandyrdy

Hormatly Prezidentimiziň baştutanlygynda Bitarap Watanymyz gözümiziň alnynda ösýär we özgerýär. Ýurdumyzyň ähli ugurlarda gazanýan ägirt uly üstünlikleri, ýetýän belent sepgitleri milli ykdysadyýetimiziň has-da kuwwatlanmagyna, halkymyzyň ýaşaýyş-durmuş şertleriniň ýokarlanmagyna itergi berýär. Diýarymyzyň şeýle ösüş-özgertmelerine tamamlanan, 2020-nji ýylyň dowamynda turuwbaşdan şaýat bolduk. «Türkmenistan — Bitaraplygyň mekany» şygary astynda geçirilen ýylda dürli çärelere, aýdym-sazly dabaralara, «tegelek stoluň» başyndaky söhbetdeşliklere, duşuşyklardyr maslahatlara gatnaşdyk. Bu zatlar bize Täze, 2021-nji ýyla uly ruhubelentlik bilen gadam basmaga hyjuw berdi. Garşylanan ýylyň «Türkmenistan — parahatçylygyň we ynanyşmagyň Watany» diýlip atlandyrylmagy kalbymyzy has-da joşa getirip, toý şatlygymyzy goşalandyrdy. Bu ajaýyp şygar ulus-ilimizi Gahryman Arkadagymyzyň daşyna has-da berk jebisleşip, netijeli zähmet çekmäge, döretmäge we gurmaga ruhlandyrdy. Ata Watanymyzda parahatçylyk, asudalyk, abadanlyk höküm sürýär. Döwrebap şertlerde zähmet çekmäge, bilim almaga, hünär öwrenmäge, kämillige ýetmäge ähli şertler üpjün edilýär. Şeýle bolansoň, halkymyz durmuş eşretleriniň hözirini görüp bagtyýarlykda ýaşaýar. Bu ajaýyp mümkinçiliklerdir şertler, amatlyklar Gahryman Arkadagymyzyň taýsyz tagallalarynyň netijesidir. Muňa oňat düşünmek bilen, gadam basylan «Türkmenistan — parahatç

4 Ýanwar 2021

Bitaraplyk

Pähim-paýhasyň çeşmesi

Milli Liderimiziň belleýşi ýaly, islendik halkyň medeniýetinde öz beýanyny tapýan möhüm ähmiýetli umumadamzat ýörelgeleri türkmenleriň däp-dessurlarynda aýdyň beýanyny tapdy. Halkymyza asyllylyk, edep-ekramlylyk, myhmansöýerlik, dostanalyk, bitewülik we agzybirlik ýaly ýörelgeler mahsusdyr. Ynsany gurşap alan dünýä, tebigat bilen özara gatnaşyklary rowaýatlardan hem-de tymsallardan alnan öwüt-ündew mysallary arkaly düşündirilýär. Olar nesilleriň durmuş pähim-paýhasyny hem-de köpasyrlyk tejribesini özüne birleşdirýär. Halk döredijiliginiň, şol sanda ata-babalarymyz tarapyndan döredilen nakyllaryň hem-de parasatly sözleriň, döredijilik taýdan ussatlyk bilen ulanylmagy Gahryman Arkadagymyzyň edebi eserleriniň ähmiýetini has-da artdyrýar, olaryň many-mazmunyny baýlaşdyrýar. Milli Liderimiziň taryhy maglumatlara esaslanýan «Türkmenistan — Bitaraplygyň mekany» atly täze kitabynda Diýarymyzyň iň täze taryhynyň möhüm wakalary beýan edilýär hem-de hemişelik Bitaraplyk hukuk ýagdaýynyň ösüşiniň tapgyrlaryna düýpli seljerme berilýär. Hormatly Prezidentimiz ylmy çemeleşme esasynda Berkarar döwletimiziň bagtyýarlyk döwründe ýurdumyzyň daşary syýasat strategiýasyny durmuşa geçirmekde hemişelik Bitaraplyk hukuk ýagdaýynyň ähmiýeti baradaky garaýyşlaryny aýdýar.

4 Ýanwar 2021

Bitaraplyk

Berekede beslenen ýyl

Kerwen gurap gelýän ýyllar döwleti bilen gelýär. Tamamlanan 2020-nji ýylymyz — “Türkmenistan — Bitaraplygyň mekany” ýyly sahawata, rysgal-berekede, toýdur baýramlara, şanly wakalara beslendi. 2020-nji ýyl ata Watanymyzyň taryhyna, ýurduň ýylýazgysyna şanly wakalar bilen ýazyldy. Geçen ýylda hormatly Prezidentimiziň parasatly baştutanlygynda beýik tutumly işler amal edildi. Asudalygyň, parahatçylygyň, baky Bitaraplygyň ýörelgesine eýerýän eziz Diýarymyzda toýlarymyz toýlara, baýramlarymyz baýramlara ulaşdy. Dünýäde iki gezek ykrar edilen baky Bitaraplygymyzyň şanly 25 ýyllyk toýy toýlandy. Ähli pudaklarda uly üstünlikler gazanylyp, belent sepgitlere ýetildi. Türkmenistan ykdysady, syýasy we medeni taýdan gülläp ösýän ýurt hökmünde dünýä äşgär edildi. Ýurdy ösdürmekde kabul edilen maksatnamalar abraý bilen berjaý edilýär. Merdana halkymyza şanly wakalary getiren geçen ýylymyz şatlykly, rysgal-bereketli, iň bir düşümli, ýatda galyjy ýyllaryň biri boldy. Gahryman Arkadagymyzyň parasatly baştutanlygynda ähli ulgamlarda amal edilen beýik işler buýsanç bilen bellärliklidir. Mähriban Watanymyzyň berkararlygyny pugtalandyrmakda maksada okgunly beýik işler durmuşa geçirildi. Berkarar döwletimiziň bagtyýarlyk döwründe ýurdumyzy ykdysady, syýasy we medeni taýdan ösdürmekde, halkymyzyň ýaşaýyş-durmuş derejesini düýpgöter gowulandyrmakda Gahryman Arkadagymyzyň alyp barýan döwletli işleri uly

4 Ýanwar 2021

Bitaraplyk

Parahatçylygyň aýdyň ýoly

Berkarar döwletimiziň bagtyýarlyk döwründe Gahryman Arkadagymyzyň taýsyz tagallalary bilen taryhyň gatyna altyn harplar bilen ýazylan «Türkmenistan — Bitaraplygyň mekany» ýyly ösüş-özgerişliklere, şanly günlere beslenip geçdi. Garaşsyz, hemişelik Bitarap Türkmenistan döwletimizde Täze — 2021-nji ýyl uly şatlyk-şowhun, agzybirlik, joşgun bilen ýokary derejede garşy alyndy. Hormatly Prezidentimiz Gurbanguly Berdimuhamedowyň türkmen halkyna täze ýyl gutlagynda şeýle bellenýär: «Täze ýylymyz il-ýurt bähbitli uly üstünlikleriň, parahatçylygyň hem-de ynanyşmagyň ýyly bolar. Biz ata Watanymyza belent buýsanjymyz, geljege berk ynamymyz, aýdyň maksatlarymyz bilen has uly sepgitlere ýeteris». 2020-nji ýyl ýurdumyz üçin şanly taryhy seneleriň, halkara derejesinde uly at-abraýyň, hoşniýetli gatnaşyklaryň, iri tutumly maksatlaryň, beýik sepgitleriň ýyly boldy. 2020-nji ýylyň 7-nji dekabrynda BMG-niň Baş Assambleýasynyň 75-nji mejlisinde Türkmenistanyň başlangyjy boýunça «Halkara parahatçylygy, howpsuzlygy saklamakda we pugtalandyrmakda hem-de durnukly ösüş işinde bitaraplyk syýasatynyň orny we ähmiýeti» atly kabul edilen Kararnama ýurdumyzyň belent halkara abraýyny görkezdi. BMG-ä agza döwletleriň 34-siniň awtordaşlygynda kabul edilen bu resminama Gahryman Arkadagymyzyň Bitaraplyk syýasatynyň dünýä ýüzünde uly goldawa eýe bolýandygyny äşgär edýär.

3 Ýanwar 2021

Bitaraplyk

Türkmenistanyň Prezidenti Gurbanguly Berdimuhamedowyň türkmen halkyna Täze ýyl gutlagy

Mähriban halkym!Eziz watandaşlar! «Türkmenistan — Bitaraplygyň mekany» diýlip yglan edilen 2020-nji ýyl tamamlanyp barýar. Biz az salymdan üstünliklere beslenen bu ýyl bilen hoşlaşyp, Täze — 2021-nji ýyly uly şatlyk bilen garşylarys.

3 Ýanwar 2021

Bitaraplyk

Türk­me­nis­ta­nyň Mej­li­si­niň ka­ra­ry

2021-nji ýyly «Türkmenistan — parahatçylygyň we ynanyşmagyň Watany» diýip yglan etmek hakynda Çuňňur hormatlanylýan Türkmenistanyň Prezidenti Gurbanguly Berdimuhamedowyň başlangyjy bilen yglan edilen «Türkmenistan — Bitaraplygyň mekany» ýyly ýurdumyz üçin taryhy ähmiýetli ýyl boldy. Türkmenistanyň hemişelik Bitaraplygynyň şanly 25 ýyllygynyň giňden bellenilip geçilmegi ýurdumyzyň gazanan ägirt uly üstünliklerini, ýeten sepgitlerini dünýä jemgyýetçiligine ýetirmäge mümkinçilik berdi.

3 Ýanwar 2021

Bitaraplyk

Arkalydyr, goldawlydyr daýhanlar

Täze ýylyň ilkinji, ak gara bürenen günleri!«Türkmenistan — parahatçylygyň we ynanyşmagyň Watany» ýyly!Arkadag Prezidentimiziň döwranly eýýamy, taryhy zamanasy!Uly maksatlarymyz, giň gerimli tutumlarymyz bilen Täze ýyla gadam basdyk. Bu gün mukaddes Garaşsyzlygymyzyň 30 ýyllyk toýunyň toýlanjak ýylynyň ilkinji duşenbesi. Iş stolumda ýurdumyzyň ösüşini dabaralandyrýan täze-täze makalalary ýazaýyn diýip, pikire çümüp otyryn. Milli Liderimiziň halkymyz üçin amala aşyrýan beýik işleri göz öňümde birin-birin janlanýar...

3 Ýanwar 2021

Bitaraplyk

Ýurdumyzyň taryhynda müdimi galjak ýyl

30-njy dekabrda hormatly Prezidentimiz Gurbanguly Berdimuhamedow Täze ýylyň öňüsyrasynda Ruhyýet köşgünde Ministrler Kabinetiniň we Döwlet howpsuzlyk geňeşiniň 2020-nji ýyl üçin bilelikdäki soňky mejlisini geçirdi. Şeýle hem mejlise Aşgabat şäheriniň we welaýatlaryň häkimleri çagyryldy. Ilki bilen, Mejlisiň Başlygy G.Mämmedowa söz berildi. Ol döwlet Baştutanymyzyň geljek ýylyň şygaryny we nyşanyny kesgitlemek boýunça öňde goýan wezipeleriniň ýerine ýetirilişi barada maglumat berdi. 2021-nji ýyly “Türkmenistan — parahatçylygyň we ynanyşmagyň Watany” diýip yglan etmek hakyndaky teklip öňe sürüldi hem-de Täze ýylyň nyşanynyň taslamasy milli Liderimiziň garamagyna hödürlenildi.

2 Ýanwar 2021

Bitaraplyk

Möhüm wakalar

1-nji sentýabrda — Bilimler we talyp ýaşlar gününde hormatly Prezidentimiz Gurbanguly Berdimuhamedowyň gatnaşmagynda Sport we ýaşlar syýasaty ministrliginiň edara binasy hem-de Türkmen döwlet bedenterbiýe we sport institutynyň sportuň olimpiýa görnüşleri fakultetiniň binalar toplumynyň açylyş dabarasy boldy. Dabaranyň çäginde döwlet Baştutanymyz futzal boýunça türgenler bilen söhbetdeş bolup, olaryň Watanymyzyň sport abraýyny artdyrmaga mynasyp goşant goşjakdyklaryna ynam bildirdi. Soňra hormatly Prezidentimiz Sport we ýaşlar syýasaty ministrliginiň täze edara binasyna bardy we şol ýerde toý bagyny kesdi. Sagdyn durmuş ýörelgeleriniň işjeň tarapdary we wagyz edijisi bolan hormatly Prezidentimiz Gurbanguly Berdimuhamedowyň aladalary netijesinde, Türkmenistanda köpçülikleýin bedenterbiýe-sagaldyş hereketiniň hem-de sportda ýokary gazanylanlaryň ösdürilmegi döwlet syýasatynyň ileri tutulýan möhüm ugurlarynyň birine öwrüldi. Şeýle-de şol gün Aşgabatda 21-nji ýöriteleşdirilen terbiýeçilik-okuw mekdebiniň açylyş dabarasy boldy. Täze okuw binasynyň toplumyna 720 okuwçy orunlyk mekdep hem-de 320 körpä niýetlenen taýýarlaýyş topary girýär. Ýöriteleşdirilen toplumda innowasion taýdan okatmagyň konsepsiýasyna laýyklykda, taýýarlaýyş toparyndan başlap, esasy dersler bilen bir hatarda türkmen, iňlis we rus dilleri çuňlaşdyrylyp öwrediler, zerur bolan ýagdaýynda bolsa beýleki daşary

2 Ýanwar 2021

Bitaraplyk

Bitarap Watanym — buýsanjym

Mil­li Li­de­ri­mi­ziň ata Wa­ta­ny­my­zyň he­mi­şe­lik Bi­ta­rap­lyk de­re­je­siniň esa­syn­da ýur­du­my­zyň da­şa­ry sy­ýa­sa­ty­nyň iň bir äh­mi­ýet­li ýö­rel­ge­le­ri­ni düz­mek­de we ony dur­mu­şa ge­çir­mek­de döw­le­ti do­lan­dyr­ma­gyň pa­ra­sat­ly ýö­rel­ge­le­ri­ne da­ýan­ma­gy, ýo­ka­ry yn­san­per­wer­li­gi adat edin­me­gi, dün­ýä­niň her bir ýur­dy bi­len deň de­re­je­dä­ki dost­luk-do­gan­lyk gat­na­şyk­la­ry­nyň saz­la­şyk­ly ýo­la go­ýul­ma­gy­ny mak­sat tu­tun­ma­gy döw­le­ti­mi­ziň da­şa­ry sy­ýa­sa­ty­nyň üs­tün­lik­li ama­la aşy­ryl­ma­gy­ny ke­pil­len­dir­ýär. Ata Wa­ta­ny­myz­da goň­şy ýurt­lar, dost­luk­ly halk­lar bi­len ama­la aşy­ryl­ýan ägirt uly tas­la­ma­lar ýur­du­myz­da halk­la­ryň ara­syn­da­ky dost-do­gan­ly­gyň has-da ber­ke­me­gi­ne, me­de­ni gat­na­şyk­la­ryň ös­me­gi­ne, esa­san hem, pa­ra­hat­çy­ly­gyň we asu­da­ly­gyň üp­jün edil­me­gi­ne uly üns be­ril­ýän­di­gi­ne aý­dyň şa­ýat­lyk ed­ýär. Hor­mat­ly Pre­zi­den­ti­mi­ziň hal­ky­my­zyň mil­li buý­san­jy­na öw­rü­len he­mi­şe­lik Bi­ta­rap­lyk de­re­je­si­ne ba­gyş­la­nan «Bi­ta­rap Türk­me­nis­tan» at­ly ki­ta­byn­da he­mi­şe­lik Bi­ta­rap­lyk de­re­je­si­niň düýp maz­mu­ny giň­den açy­lyp gör­ke­zil­ýär. Hor­mat­ly Pre­zi­den­ti­mi­ziň: «Türk­me­nis­ta­nyň Bi­ta­rap­ly­gy — bu bi­ziň mi­ze­mez gym­mat­ly­gy­myz­dyr, dur­mu­şy­my­zyň aý­ryl­maz bö­le­gi­dir, bi­ziň baş mak­sa­dy­myz­dyr. B

2 Ýanwar 2021

Bitaraplyk

Belent bagtymyzyň binýady

Bitaraplyk aýgytly ösüşlere sary alyp barýan bagtyýarlyk ýoludyr. Bitaraplyk ata-babalarymyzyň arzuwlan ajap bagtynyň özenidir. Bu dereje türkmen milletini dünýä ýüzünde belent ada, mertebä eýe etdi. Ykballarymyza şugla çaýan Bitaraplyk göterilen göwnümiziň söýesidir, geljegiň ýagşy günleriniň şamçyragydyr. Türkmen Bitaraplygy dünýäniň beýleki döwletleriniň arasynda görnüşi we mazmuny boýunça oňyn Bitaraplykdyr. Bitaraplyk ýörelgeleri biziň mizemez jemgyýetimiziň berk binýady hökmünde öz syýasy gymmatyny has-da berkidýär. Tutuş dünýä Türkmenistana hemişelik Bitarap döwlet hökmünde uly gyzyklanma bildirýär. Hormatly Prezidentimiziň öňe sürýän hoşniýetli syýasatlaryndan gözbaş alýan Bitaraplygymyz parahatçylyksöýüjilikli, hoşmeýilli we ynsanperwer mazmuna ýugrulandyr.

2 Ýanwar 2021

Bitaraplyk

Türkmenistanlylar 2021-nji ýyly garşyladylar

Türkmenistanlylar tutuş dünýä iň gowy geljegi sowgat edip, gadam uran Täze ýyly hoş niýetler we ajaýyp umytlar bilen garşyladylar. Ýurdumyzyň Baş arçasy oturdylan «Älem» medeni-dynç alyş merkeziniň öňündäki meýdança esasy Täze ýyl dabaralarynyň geçirilýän merkezine öwrüldi. Dabarany alypbaryjylar watandaşlarymyzyň ählisiniň adyndan hormatly Prezidentimiz Gurbanguly Berdimuhamedowy Täze ýyl — «Türkmenistan — parahatçylygyň we ynanyşmagyň Watany» ýyly bilen tüýs ýürekden gutladylar. Soňra türkmen paýtagty bilen ýurdumyzyň ähli welaýatlarynyň merkezlerini baglanyşdyrýan däp bolan baýramçylyk teleköprüsiniň başlanýandygy yglan edildi. Göni ýaýlym ýurdumyzyň dürli sebitleriniň we Aşgabadyň ýaşaýjylaryny birleşdirdi.

1 Ýanwar 2021

Bitaraplyk

Welaýatymyzda Täze ýylda doglan ilkinji çaga

Her gün ýurdumyzyň çar künjünde köp çaga dogulýar, ýöne Täze ýyl gijesinde dogulmak çaga we onuň maşgalasy üçin uly mana eýe. Welaýatymyzda «Türkmenistan — parahatçylygyň we ynanyşmagyň Watany» ýylynyň ilkinji gününde  — 1-nji ýanwarda S.A.Nyýazow adyndaky etrabyň Gülüstan geňeşliginiň ýaşaýjylary Babamyrat Kurýazow bilen Totyjan Haýitbaýewanyň maşgalasynda gyzjagaz dünýä indi. Welaýat Enäniň we çaganyň saglygyny goraýyş merkeziniň lukmanlarynyň habar bermeklerine görä, çaganyň ýagdaýy kanagatlanarly, gyzjagazyň agramy 4 kilogram 100 gram, boýy 52 santimetr. Maşgalanyň bäşinji çagasy bolan bu gyzjagaza milli däp-dessurlarymyza esaslanyp, maşgala geňeşiniň gelen karary bilen Enehan adyny dakypdyrlar.

1 Ýanwar 2021

Bitaraplyk

Arkadagly gül Diýara gadamyň düşsün, Täze ýyl!

Welaýatymyzda Täze ýyl baýramy uly dabaralara beslendi Täze ýyly garşylamak dabarasy welaýatymyzda şatlyk-şowhuna, uly ruhubelentlige beslendi. Bagtyýar halkymyzyň kalbynda ýakymly ýatlamalary, taryhyň sahypalarynda şanly wakalary bilen öçmejek yz goýan 2020-nji ýyl bilen bütin dünýäni parahatçylyga we özara ynanyşmaga, dost-doganlyga çagyrýan 2021-nji ýylyň sepgidindäki baýramçylyk dabarasy özboluşly many-mazmuna eýe boldy. Daşoguz şäheriniň Ruhyýet köşgüniň öňündäki meýdança — welaýatyň baş arçasynyň ýanyna il sylagly ýaşulular, mährem eneler, bagtyýar çagalar, syýasy-jemgyýetçilik guramalarynyň wekilleri, welaýatyň edara-kärhanalarynyň ýolbaşçylary, medeniýet we sungat işgärleri ýygnandylar.

1 Ýanwar 2021

Bitaraplyk

Hoş geldiň, «Türkmenistan — parahatçylygyň we ynanyşmagyň watany» ýyly!

Bagtyýarlyk eýýamynda Gahryman Arkadagymyzyň parasatly ýolbaşçylygynda toýdan-toýa, belent sepgitlere barýan bagtyýar il-günümiz özi bilen egsilmez şatlyk hem-de ýokary ruhubelentlik getiren Täze ýyl baýramçylygyny dabaraly ýagdaýda belläp geçmek bilen, «Türkmenistan — parahatçylygyň we ynanyşmagyň Watany» ýylyna gadam basdy. Mälim bolşy ýaly, eşretli zamanamyzda parasatly döwlet Baştutanymyzyň başlangyçlary esasynda her bir täze ýyly özboluşly atlar bilen atlandyrmak ýurdumyzda indi asylly däbe öwrüldi. Täze gadam basylan 2021-nji ýylymyzy «Halkara parahatçylyk we ynanyşmak ýyly» diýip yglan etmek barada milli Liderimiziň başlangyjynyň Birleşen Milletler Guramasy tarapyndan goldanylmagy bolsa her bir türkmenistanlynyň başyny göge ýetiren buýsançly waka boldy. Munuň özi bu abraýly guramanyň Baş Assambleýasynyň belent münberinden Ýer ýüzünde ählumumy parahatçylygyň hatyrasyna, azyk howpsuzlygy, ekologiýa abadançylygy we dünýä döwletleriniň arasynda özara ynanyşmak arkaly deňhukukly dost-doganlyk hem-de özara bähbitli ykdysady gatnaşyklary ösdürmek ugrunda yzygiderli çykyş edip gelýän hormatly Prezidentimiziň öňe sürýän umumadamzat ähmiýetli döwletli başlangyçlarynyň nobatdaky dabaralanmasydyr. Şonuň üçin hem täze gadam basylan ýylymyzyň buýsançly şygaryna laýyklykda, dünýäde parahatçylygy pugtalandyrmak hem-de özara ynanyşmak arkaly dünýä ýurtlarynyň arasynda ysnyşykly ykd

1 Ýanwar 2021

Bitaraplyk

Bitaraplygyň türkmen nusgasy dörediji ýaşlaryň gözi bilen

Iki ýylyň sepgidinde — 2020-nji ýylyň 31-nji dekabrynda ýurdumyzyň Daşary işler ministrliginiň edara binasynda Türkmenistanyň baky Bitaraplygynyň şanly 25 ýyllygy mynasybetli Türkmenistanyň Daşary işler ministrligi we «Nesil» gazetiniň redaksiýasy tarapyndan ýurdumyzyň döredijilik bilen meşgullanýan ýaşlarynyň arasynda yglan edilen «Baky Bitarap Türkmenistan — meniň Watanym» atly döredijilik bäsleşiginiň ýeňijilerini sylaglamak dabarasy geçirildi. Oňa Daşary işler ministrliginiň we «Nesil» gazetiniň redaksiýasynyň ýolbaşçylary, bäsleşigiň ýeňijileri hem-de köpçülikleýin habar beriş serişdeleriniň wekilleri gatnaşdylar. Hormatly Prezidentimiz: «Zehinli adamlar Watanymyzyň ezizleridir. Zehini açmak bolsa eziz Diýarymyzda durmuşa geçirilýän döwletli işlerde birjik-de ünsden düşürilmeýän wezipedir» diýip nygtaýar. Türkmenistanyň Daşary işler ministrliginiň we «Nesil» gazetiniň redaksiýasynyň bilelikde yglan eden «Baky Bitarap Türkmenistan — meniň Watanym» atly döredijilik bäsleşigi hem ýurdumyzyň ýaşlaryny döredijilige höweslendirmek, olaryň zehinlerini açmak maksady bilen guraldy. Düzgünnama laýyklykda, 35 ýaşa çenli bolan ýurdumyzyň döredijilik bilen meşgullanýan ýaşlary, ýaş žurnalistler, ýokary okuw mekdepleriniň talyplarydyr mugallymlary bäsleşige işjeň gatnaşdylar. Şunlukda, türkmen Bitaraplygynyň ähmiýetini hertaraplaýyn açyp görkezýän publisistik makalalardyr oçerkl

1 Ýanwar 2021

Bitaraplyk

Resmi habarlar gysga setirlerde

30-njy dekabrda Türkmenistanyň Prezidenti Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Söhbetdeşler ikitaraplaýyn söwda-ykdysady gatnaşyklaryň depginli ösýändigini bellediler. Syýasy partiýalaryň hem-de kanun çykaryjy edaralaryň arasyndaky özara gatnaşyklary işjeňleşdirmäge, mundan beýläk göni aragatnaşyklary hem-de alyşmalary höweslendirmäge taýýarlyk beýan edildi.

1 Ýanwar 2021

Bitaraplyk