"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Watana wepalylygyň buýsanç aýdymy

Ömürleriň badalgasy, barlygymyzyň binýady, müdimiligiň mesgeni bu Watandyr. Watan beýiklikleriň baş ölçegi. Ýogsam pederlerimiz hem bu düşünjäni keramat saýyp, onuň üçin gara başlaryny orta goýup, özlerine berlen iň gymmatly baýlygy — ömürlerini töwekgellige salmazdylar. Elbetde, türkmen ýigidi gerek bolsa şirin janyny ähli zatdan gymmatly keramata bagyş edip biljek merdanadyr. Hawa, Watan, ýurt, toprak barada ýazylanlaryň we onuň waspyna düzülen şygyrlaryň sany-sajagy, belli hasaby ýok. Belli bahasy bolmadyk, hasapsyz gymmatlygy söýmek, ony gözüň göreji deýin goramak bu günki nesilleriň mukaddes borjudyr. Geçmişde ata-babalarymyz mukaddes Watanyň goragyny özleriniň gerçek ýigitlerine, merdana perzentlerine ynanypdyrlar.

27 Ýanwar 2021

Jemgyýet

Pederleriň ýoly ýaşaýyş-durmuşda bize baky şamçyrag

Islendik ynsanyň durmuş ýoly onuň saýlap-seçen käri bilen kesgitlenilýär. Watan goragy deýin mukaddes käri ömrüne hemra edinen, eziz Diýarymyza, hormatly Belent Serkerdebaşymyza ak ýürekden gulluk edip, harby borjy birkemsiz berjaý edýän harby gullukçylaryň durmuş ýollary bolsa, nesillere ýörelge bolup, baky ýaşaýar. Olaryň mynasyp berjaý eden harby borçlary, göreldeli gulluklary, görkezen edermenlikleri Watan goragçylarynyň täze neslini kemala getirmekde diýseň möhüm ähmiýete eýedir. Çünki hemmämize mälimdir, pedagogikada terbiýe bermegiň tärleriniň, usullarynyň arasynda iň täsirlisi hem ýörgünlisi — görelde görkezmek. Sebäbi adam, köplenç, özgäniň hereketini gaýtalaýar, onuň oňat häsiýetlerini özünde ornaşdyrmagyň hyýalynda bolýar. Şu nukdaýnazardan, ýurdumyzyň Ýaragly Güýçleriniň şahsy düzüminiň arasynda harby gullugyň weteranlary, merdana Watan goragçylary bilen duşuşyklary, olary sarpalamak bilen bagly çäreler yzygiderli guralýar. Öz ömrüni ata Watanymyzyň mukaddes goragyna bagyşlan halypa harby gullukçylar bolsa sanardan juda kän. Olaryň arasyndan harby gullugyň ätiýaçdaky polkownigi Myrat Hüseýinowyň, harby gullugyň ätiýaçdaky podpolkownigi Meretgeldi Kakajykowyň atlaryny aýratyn bellemelidiris.

27 Ýanwar 2021

Miras

Bäsleşikleriň jemi jemlenildi

Ýakynda Türkmenistanyň Döwlet serhet gullugynyň harby gullukçylarynyň arasynda «Ýylyň terbiýeçisi» we «Ýylyň psihology» atly bäsleşikleriň jemi jemlenildi. Harby bölümleriň serkerdeleriniň işjeň gatnaşan bu bäsleşikleri Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde geçirildi. Onuň baş maksady, terbiýeçi hem-de psiholog serkerdeleriň hünär derejesini ýokarlandyrmak, şahsy düzüm bilen işleşmegi içgin öwrenmegi gazanmak, olaryň arasynda terbiýeçilik işleriniň geçirilişini kämilleşdirmek, şeýle hem hünärine ukyply, ezber serkerdeleri ýüze çykarmak, tapawutlanan harby gullukçylara mynasyp baha bermekden ybaratdyr. Ýokary ruhubelentlikde geçirilen bäsleşiklerde serkerdeler harby bölümlerinde ýylyň dowamynda alyp baran işleriniň jemi boýunça harby düzgün-tertibiň ýagdaýy, geçirilen terbiýeçilik, wagyz-nesihat hem-de ahlak-psihologik çäreleriň netijeleri, köpçülikleýin çärelerini geçirýän otaglarynyň ýagdaýy, şeýle-de paýlanyp berlen mowzuklar boýunça taýýarlan referatlaryny aragatnaşyk tory arkaly hödürlediler. Hödürlenen işler, ýazylan referatlar eminler topary tarapyndan seljerilip, ýeňijiler kesgitlenildi. Ýeňiji bolan serkerdelere Türkmenistanyň Döwlet serhet gullugy hem-de Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan Hormat hatlary we gymmatbahaly sowgatlar gowşuryldy.

27 Ýanwar 2021

Jemgyýet

Watana sungatdan serpaýyn ýapan, harby gulluk bilen mertebe tapan

Hünäri boýunça inžener geodeziýaçy bolsa-da, harby ulgamda işlemegi özüne mertebe bilen serhetçi serkerde 1976-njy ýylyň 21-nji noýabrynda gadymy Tejen topragynda dünýä inýär. Bu gün oňa Serhet goşunlarynyň ähli şahsy düzümi uly hormat bilen «Ýoldaş polkownik!» diýip ýüzlenýär. ...Maşgalada on çaganyň içinde ösüp-ulalan, edil beýleki oba oglanlary ýaly, malyň yzynda çörňeşip, daýhançylyk işinde taplanan, ata-enäniň terbiýe mekdebinde terbiýelenen Çarymyrat ýigit çykanda Aşgabada ýokary bilim almaga gelýär. Ýokary okuw mekdebinde bilime teşne ýigit ugurtapyjylygy bilen mugallymlaryna özüni aldyrmagy başarýar. Ol şol döwürlerde hem aýdym-sazly dabaralara, döredijilik bäsleşiklerine we ýörite gurnaklara gatnaşýar. Okumyşlygy bolsa, geljekki şahyr ýigidi gündogar we dünýä edebiýaty bilen ýakyndan tanyşmaga itergi berýär. Heniz talyplyk ýyllarynda sungatyň inçe ýoluna düşen Çarymyrat kämilligiň mertebeli menzillerini nazarlaýar.

27 Ýanwar 2021

Jemgyýet

Watana wepaly merdana nesil

Berkarar döwletimiziň bagtyýarlyk döwründe eziz Diýarymyz «Türkmenistan — parahatçylygyň we ynanyşmagyň Watany» ýylynda bedew bady bilen täze sepgitlere ugur aldy. Geçen 2020-nji ýyl hem taryhy wakalara baý ýyllaryň biri boldy. Bilşimiz ýaly, Russiýa Federasiýasynyň paýtagty Moskwa şäherindäki «Gyzyl meýdançada» merdana türkmen ýigitleri Türkmenistanyň Döwlet baýdagy hem-de hormatly Prezidentimiziň atasy, ussat mugallym, watançy esger ilhalar ynsan Berdimuhamet Annaýewiň gulluk eden 206-njy atyjylyk diwiziýasynyň 748-nji atyjylyk polkunyň söweşjeň baýdagy bilen Beýik Ýeňşiň 75 ýyllyk şanly baýramy mynasybetli guralan dabaraly ýörişe gatnaşdylar. Bu ýörişden dabaraly ýagdaýda geçen Watan goragçylary ildeşlerimiziň merdana watan gerçeklerine bolan buýsanç duýgularyny goşalandyrdy. Çünki Watanymyzyň bagtyýarlygy, biziň manyly ýaşaýşymyzdyr. Mähriban Watany bagtyýar etmek bolsa, onuň merdana ogullarynyň gerdenine düşýär. Ýaş nesillere watançylyk terbiýesini bermekde hormatly Prezidentimiziň görkezýän göreldeleri aýratyn bellenilmäge mynasypdyr. Hormatly Belent Serkerdebaşymyzyň halkyna sowgat eden kitaplarynyň ählisi terbiýeçilik temasynda bolup, olar harby gullukçylaryň gündelik durmuşynda ulanýan gollanmalaryna öwrüldi. Gahryman Arkadagymyzyň: «Ömrüň manysy — Watanyň rowaçlygynda» diýip belleýşi ýaly, Garaşsyz, hemişelik Bitarap Watanymyzyň rowaçly ýollara beslenip, täze ýeňişle

27 Ýanwar 2021

Jemgyýet

Watan goragy – mukaddes borç

«Türkmenistan — parahatçylygyň we ynanyşmagyň Watany» ýylynda Watan goragçylarynyň güni mynasybetli ýurdumyzyň ähli künjeklerinde, harby we hukuk goraýjy edaralarynda, şeýle-de orta mekdepleriň ýokary synplarynda okaýan okuwçy oglanlaryň arasynda maslahatlar, wagyz-nesihat duşuşyklary, aýdym-sazly baýramçylyk dabaralary giňden ýaýbaňlandyryldy. Şeýle çäreleriň biri hem Babadaýhan etrabynyň 17-nji orta mekdebinde bilim alýan ýokary synp okuwçy oglanlaryň arasynda «Watan goragy — mukaddes borç» atly şygar astynda geçirilen wagyz-nesihat duşuşygydyr. Bu wagyz-nesihat duşuşygyna TMÝG-niň etrap geňeşiniň, etrap bilim bölüminiň, etrap harby wekilliginiň we jemgyýetçilik guramalarynyň wekilleri gatnaşdylar. Uly ruhubelentlige beslenen wagyz-nesihat duşuşygynda çykyş edenler ýaşlarymyzyň watançylyk ruhunda terbiýelenmeklerini gazanmak maksady bilen, Watan goragynyň mukaddesligi, türkmen halkynyň geçmişde ençeme beýik-beýik döwletleri döredip, dünýä ýüzüne ýaň salan halkdygy barada giňişleýin söhbet etdiler. Şeýle-de duşuşygyň dowamynda hormatly Prezidentimiziň pähim-parasatly baştutanlygynda binýat edilen Berkarar döwletimiziň bagtyýarlyk döwründe eziz Diýarymyzyň röwşen geljegi, ýagty ertirlerimiziň daýanjy bolan ýaş nesillerimizi ahlak, watançylyk, ynsanperwerlik ruhunda terbiýelemäge aýratyn uly üns berilýändigi, bu babatda mähriban Arkadagymyzyň atalyk kitaplarynyň ýaşlarymyz üçin

27 Ýanwar 2021

Garaşsyzlyk

«Iň göreldeli serhet gala»

Ýakynda şeýle at bilen Watan goragçylarynyň güni mynasybetli Türkmenistanyň Döwlet serhet gullugynyň ähli serhet galalarynyň arasynda yglan edilen bäsleşigiň jemi jemlenildi. Şeýlelikde, eminler toparynyň gelen netijesi boýunça «Iň göreldeli serhet gala» adyna podpolkownik Azat Almazowyň serkerdelik edýän serhet birikmesine degişli bolan uly leýtenant Döwlet Hallyýewiň serkerdelik edýän serhet galasy mynasyp boldy. Şeýle hem podpolkownik Magtymguly Nurberdiýewiň serkerdelik edýän serhet birikmesine degişli bolan uly leýtenant Agamyrat Baýryýewiň serkerdelik edýän serhet galasy 2-nji, maýor Amangeldi Ilmyradowyň serkerdelik edýän serhet birikmesine degişli bolan uly leýtenant Kerim Töräýewiň serkerdelik edýän serhet galasy 3-nji orny eýelediler. Maksatmyrat ATABALOW,maýor.

27 Ýanwar 2021

Jemgyýet

Oňyn döwletara gatnaşyklar ýurtlary we halklary biri-birine has-da ýakynlaşdyrýar, dostlaşdyrýar

Arkadagyň ak ýoly — bagtyň ýoly «Türkmenistan — parahatçylygyň we ynanyşmagyň Watany» ýyly turuwbaşdan ýatdagalyjy taryhy wakalara beslenýär. Şu ýylyň 14-nji ýanwarynda hormatly Prezidentimiz Lebap welaýatyna iş saparyny amala aşyryp, Türkmenabatda Akina — Andhoý (Owganystan Yslam Respublikasy) menzilleriniň arasynda 30 kilometrlik demir ýoluň ulanmaga berilmegi, Kerki (Türkmenistan) — Şibirgan (Owganystan) ugry boýunça güýjenmesi 500 kilowolt bolan 153 kilometrlik elektrik geçiriji ulgamyň, şeýle hem Ymamnazar (Türkmenistan) — Akina (Owganystan) hem-de Serhetabat (Türkmenistan) — Turgundy (Owganystan) optiki-süýümli halkara ulgamyň işe girizilmegi mynasybetli dabaralara gatnaşdy. Hormatly Prezidentimiz Gurbanguly Berdimuhamedowyň hem-de Owganystan Yslam Respublikasynyň Prezidenti Mohammad Aşraf Ganiniň gatnaşan bu dabaralary iki döwletiň we olaryň dostlukly halklarynyň däbe öwrülen dostlukly, netijeli gatnaşyklara ygrarlydygyny, şeýle-de Türkmenistanyň goňşy Owganystanyň durmuş-ykdysady ösüşini işjeň goldaýandygyny nobatdaky gezek äşgär etdi. Hormatly Prezidentimiziň gatnaşmagynda 15-nji ýanwarda welaýatyň Çärjew etrabynyň çäginde açylan «Malaý» gaz gysyjy desga hem Türkmenistanyň energetika strategiýasyny durmuşa geçirmekdäki ýene bir möhüm waka boldy.

20 Ýanwar 2021

Garaşsyzlyk

Ömrüň manysy – Watanyň parahatçylygynda

Hormatly Prezidentimiziň «Türkmeniň döwletlilik ýörelgesi» atly belent watançylyk duýgularyna ýugrulan Şadiwanyndan alnan sözbaşydan aňlanylyşy ýaly, Watan parahatçylygyny, ýurt asudalygyny, il abadançylygyny, durmuş bagtyýarlygyny döredip, onuň goragynyň ygtybarlylygyny gazanyp bilmek, ynsan ömrüniň manysyny ölçeýän işlerdir, mukaddes wezipelerdir. Bu barada milli Liderimiz ýokarda agzalan kitabynda: «Her bir adamyň ýürekden eden ýagşy işini nesiller taryha ýazýarlar. Şeýdip, Watany söýmegiň mekdebiniň dowamlydygy aýan edilýär» diýip, bize ýagty geljege barýan nurana ýol görkezýär we «Watanyň ykbalyny öz ykbaly bilen bitewülikde duýýan, Watany üçin her pursatda öz hany-manyny bermäge taýýar, hakyky ynsanlar kemala gelýärler. Eziz Watanymyzyň geljegi bolsa, watansöýüjilik nusgasy bilen terbiýelenen ýaşlara baglydyr» diýen ajaýyp jümleler bilen, şol nurana ýoldan buýsançly gadam urmaga ruhlandyrýar. Eziz Watana, mukaddes topraga, il-halka bolan söýgi, yhlas her bir ynsanyň aňyna ene hüwdüsi, ata öwüdi, pederleriň pähim-paýhasa ýugrulan pentleri bilen geçýär. Berkarar döwletimiziň bagtyýarlyk döwründe bolsa şeýle watançylyk duýgular ýaş nesliň kalbyna Gahryman Arkadagymyzyň atalyk kitaplarydyr nusgalyk göreldesi bilen ornaşýar. Şeýle çuňňur watansöýüjilige ýugrulan kitaplar ýurdumyzyň parahatçylygyny, mähriban halkymyzyň abadançylygyny gözleriniň göreji kimin goraýan, Wa

20 Ýanwar 2021

Jemgyýet

Milli goşun — mukaddes Watanymyzyň sarsmaz galasy

Berkarar döwletimiziň bagtyýarlyk döwründe, hormatly Prezidentimiziň pähim-parasatly baştutanlygynda ýurdumyzyň goranyş kuwwatyny pugtalandyrmak, ony mundan beýläk hem has-da kämilleşdirmek, milli goşunymyzyň maddy-enjamlaýyn binýadyny ösdürmek, häzirki döwrüň talaplaryna doly kybap gelýän döwrebap goranyş ulgamyny kemala getirmek döwlet syýasatynyň ileri tutulýan ugurlarynyň birine öwrüldi. Ýaragly Güýçlerimizde häzirki zaman harby tehnikalaryna we ýaraglaryna erk edýän harby gullukçylaryň taýýarlanylyşyny yzygiderli ýokarlandyrmak, harby gullukçylaryň gulluk we ýaşaýyş-durmuş şertlerini ähli amatlyklar bilen üpjün etmek, ýokary düzgün-tertibi saklamak, Watan goragçylaryna harby-watançylyk terbiýesiniň çuňňur many-mazmunda berilmegini gazanmak esasy maksatlaryň hatarynda kesgitlenýär. Hormatly Belent Serkerdebaşymyzyň «Mertler Watany beýgeldýär» atly kitabyndaky: «Watany goramak borjy Watanyň gadyr-gymmatyna çensiz uly sarpa goýýan il-halkymyzyň emer-damarynda ýaşaýar» diýlip beýan edilen çuňňur manyly sözler hem munuň aýdyň subutnamasydyr. Milli Liderimiziň harby gullukçylary watançylyk ruhunda terbiýelemek, olaryň harby hünäriň inçe syrlaryny ürç edip öwrenmekleri, şeýle-de Watan goragçylarynyň ukyp-başarnyklaryny ýokarlandyrmak bilen bagly bildirýän talaplary Garaşsyz, hemişelik Bitarap Türkmenistanyň Ýaragly Güýçleriniň Guryýer goşunlary müdirliginde hem netijeli durmuşa

20 Ýanwar 2021

Jemgyýet

Ruhubelentlige beslenen dabara

«Türkmenistan — parahatçylygyň we ynanyşmagyň Watany» ýylynyň ilkinji günlerinde baýram edilýän Watan goragçylarynyň güni mynasybetli Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynda ýokary derejeli maslahatlar, aýdym-sazly dabaralar giňden ýaýbaňlandyryldy. Ýokary harby okuw mekdebimiziň harby talyplarynyň gatnaşmaklarynda şanly senä bagyşlanyp, Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Parahatçylyk gaznasynyň müdiriýeti bilen bilelikde «Watan goragy — mukaddes borç» atly maslahat we aýdym-sazly, şowhunly baýramçylyk dabarasy geçirildi. Watan goragynyň mukaddesligini giňden wagyz eden bu dabaranyň dowamyda baýramçylyk mynasybetli has tapawutlanan harby talyplaryň birnäçesi Hormat hatlary we ýadygärlik sowgatlary bilen sylaglanyldy. «Hemişelik Bitarap Türkmenistan häzirki wagtda parahatçylygy baýdak edinip, dostana goňşuçylyk we ynanyşmak syýasatyny alyp barýar. Şeýle hem ýurdumyz Garaşsyz döwlet hökmünde öz Ýaragly Güýçleriniň ýokary goranyş kuwwatyny saklamaga, onuň maddy-enjamlaýyn binýadyny pugtalandyrmaga, ýokary hünärli harby hünärmenleri taýýarlamaga gönükdirilen maksatnamalary durmuşa geçirýär. Milli goşunymyz parahatçylygyň, ýurdumyzyň howpsuzlygynyň bähbidine halkymyzyň abadan durmuşyny, erkin döredijilikli zähmetini goramaga hyzmat edýär. Bu ýörelgeler oňyn Bitaraplyk derejes

20 Ýanwar 2021

Medeniýet

Tapawutlananlar höweslendirildi

Ýakynda podpolkownik Myrat Hojagulyýewiň serkerdelik edýän harby bölüminde Watan goragçylarynyň güni mynasybetli «Iň gowy diwar gazeti» atly bäsleşik geçirildi. Bäsleşikde maddy üpjünçilik rotasynyň sürüjisi, esger Arzuw Atajanow has-da tapawutlanyp, 1-nji orna mynasyp bolmagy başardy, şeýle-de gorag rotasynyň 3-nji bölümçesiniň esgeri Röwşen Ataýew 2-nji, aragatnaşyk wzwodynyň kompýuter we wideogözegçilik bölümçesiniň gözegçisi, esger Akmyrat Şükürow 3-nji baýrakly orunlary eýelediler. Ýeňijilere Hormat hatlary dabaraly ýagdaýda gowşuryldy. Orazmuhammet MUHAMMEDOW, kapitan.

20 Ýanwar 2021

Jemgyýet

Ýatdagalyjy hepdelik

Türkmen halky ýetip gelen 2021-nji ýyly «Türkmenistan — parahatçylygyň we ynanyşmagyň Watany» şygary bilen garşy aldy. Türkmenistanyň Döwlet serhet gullugynyň harby bölümlerinde 2021-nji ýylyň ilkinji günlerinde geçirilen hepdelik hem, täze ýylyň belent maksatly ady bilen baglanyşdyryldy. Turuwbaşdan işjeň häsiýete eýe bolan hepdelik ýokary depginde dowam etdirilip, meýilnamada görkezilen çäreler birkemsiz ýerine ýetirildi. Harby gullukçylar syýasy-jemgyýetçilik ähmiýetli maglumatlar, ýurdumyzdaky we dünýädäki habarlar, täzelikler bilen gündelik tanyşdyryldy. Gullugymyzyň Okuw merkezlerinde tälim alýan ýaş esgerleriň ruhy-ahlak ýagdaýlaryny öwrenmek, wagyz-nesihat işlerini geçirmek maksady bilen, dolandyryşyň serkerdeleri tarapyndan olaryň arasynda ýörite işler geçirildi. Şonuň ýaly-da, ähli harby bölümleriň şahsy düzüminiň arasynda 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagynyň many-mazmunyny açyp görkezýän çäreler bilen bir hatarda, howanyň aýazly günleriniň dowam etmegi bilen baglanyşykly, şeýle-de ýangyn howpsuzlyk kadalary barada, ýiti öýken sowuklama we beýleki ýokanç keselleriň öňüni almak hem-de beýleki möhüm wakalar boýunça okuw sapaklary, wagyz-nesihat hem-de beýleki çäreler guraldy. Hepdeligiň dowamynda harby gullukçylaryň, esasan hem esgerleriň ahlak-ruhy ýagdaýy nazarda tutulyp, Gullugymyzyň degişli gulluklary tarapyn

20 Ýanwar 2021

Jemgyýet

Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutyna 2021-2022-nji okuw ýylyna okuwa kabul etmegiň tertibi

1. Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutyna Watana, Türkmenistanyň Prezidentine, Türkmenistanyň Ýaragly Güýçleriniň Belent Serkerdebaşysyna wepaly, sagdyn pikirli, arassa ahlak sypatly, beden taýdan sagdyn, harby we hukuk goraýjy edaralaryň işgärlerine bildirilýän aýratyn talaplara laýyk gelýän we Harby institutda okamaga isleg bildiren, umumy orta bilimli, aşakda görkezilen ýaş derejelerine gabat gelýän Türkmenistanyň raýatlary giriş synaglarynyň netijeleri boýunça bäsleşik esasynda okuwa kabul edilýär: 1) orta bilimli, çagyryş boýunça harby gullugy geçen, harby gulluga meýletin girmäge isleg bildiren, ýaşy 24-den geçmedik erkek raýatlar;

20 Ýanwar 2021

Jemgyýet

«Kakam henizem 32 ýaşynda...» 81 ýaşly enäniň şeýle sözler bilen başlanýan söhbedi kalbyňda tolgunma döredýär...

«Watan» diýlende, her bir ynsanyň göz öňünde juda ajaýyp hem owadan görnüş janlanýan bolsa gerek?! «Watan» diýlende, käbir adamyň serine gül-gülälekli dag-düzlerimiz, käbirleriniňkä belent-belent ymaratly şäherlerimiz gelýän bolsa, kimler üçin Watan — ähli eziz zatlary goýnunda saklap oturan barlyk, ümmülmez ýeňişlere beslenen geljek, iň mähriban ynsanlardyr. Hawa, her birimiz üçin «Watan» diýlende döreýän mähriban hem ýakymly duýgular bar. Ýöne haçan-da, «Watan» diýlende, parahatçylygyň goragy üçin serhet aşyp giden mähriban pederiň keşbi, ondan galan ýalňyz ýadygär surat kimin gözleriňde janlanýan bolsa, onuň ýürekde döretjek duýgusy hem juda üýtgeşikdir. Onda-da, hakydaňda galan şol mähriban keşp, Watan üçin janyny orta goýup, 1941 — 1945-nji ýyllaryň Beýik Watançylyk urşunda gahrymanlyk görkezen gerçegiň harby lybasly keşbi bolsa... Ynha, şeýle çuňňur duýguly kalbyň eýeleriniň biri-de Enetäç Hajyýewa. 81 ýaşyny doldursa-da, kakasynyň — Ata Geldimyradowyň harby lybasdaky keşbi henizem hakydasyndan gitmedik bu enäniň gürrüň berjek ýakymly ýatlamalary hemmeler üçin hem tolgundyryjy bolsa gerek...

20 Ýanwar 2021

Miras

Gerçek ýigit, goç ýigit Watan daýanjy, halkyň guwanjy

27-nji ýanwar — Watan goragçylarynyň güni Taryhdan mälim bolşy ýaly, döwletleriň berkligi, belentligi, beýikligi şol döwletiň erkek göbeklisiniň sagdyn, ylymly-bilimli, watansöýüji, merdi-merdana, dogumly, gerçek ýigit bolup ýetişmegine baglydyr. Ata-babalarymyz ogul perzentlerini çagalykdan terbiýeläp, olaryň geljekde maşgalasyny, ata Watanyny gözüniň göreji dek gorap biljek är ýigitler bolup ýetişmekleri ugrunda uly aladalar edipdirler.

20 Ýanwar 2021

Jemgyýet

Tebigatyň görki

Kimde kim bir agaç ekse ýadygär,Dünýäň kitabynda onuň ady bar. Hormatly Prezidentimiziň taýsyz tagallalary netijesinde Diýarymyzy bagy-bossanlyga öwürmek boýunça alnyp barylýan işleriň çäklerinde miweli we saýaly agaçlaryň köpçülikleýin oturdylmagy daşky gurşawyň ygtybarly goragyny üpjün etmekde uly ähmiýete eýedir. Emeli tokaýlaryň sanynyň artmagy bolsa howanyň arassa bolmagyna getirýär.

20 Ýanwar 2021

Jemgyýet

Keselleriň öňüni almagyň ýollary

Lukmanyň maslahaty Ak gara beslenen gyş pasly dowam edýär. Bu pasylda howanyň häli-şindi üýtgäp durmagy, ertir-agşam birneme sowap, gündizlerine sowuk howanyň gowşamagy, aram-aram ýagyş, gar ýagmagy, bulutly howa birneme gartaşan adamlarda dürli näsazlyklardan, ýagny ýokary dem alyş ýollarynyň dowamly sowuklamasyndan, ýürek-damar ulgamynyň sökelliklerinden, bogunagyrysynyň dürli görnüşlerinden ejir çekýän adamlarda oňaýsyz ýagdaýlary döretmegi, şol agzalan näsazlyklaryň beterleşmesiniň, gozgamasynyň ýüze çykmagy mümkin. Şu ýagdaýlaryň öňüni almak üçin bolsa, öz saglygyň hakynda wagtynda alada edip, maşgala lukmanlary bilen maslahatlaşmaly. Şol maksat bilen, maşgala lukmanlary we şepagat uýalary ilatyň arasynda wagyz-nesihat çärelerini yzygiderli alyp barýarlar. Olar halk köpçüligine sagdyn iýmitlenmek, möwsümde ýüze çykýan ýiti respirator ýokanç keselleriniň öňüni almak, arassaçylyk düzgünlerini berk berjaý etmek, pasla görä geýinmek, ýol hereketiniň kadalaryny berjaý etmek, Türkmenistanda ösýän dermanlyk ösümlikleri we buýan köküniň saglyga peýdasy, sagdyn durmuş ýörelgeleri barada yzygiderli düşündiriş işlerini geçirýärler.

20 Ýanwar 2021

Saglyk

Watan!

«Halkymyzyň merdanalyk, lebzihalallyk mekdebi dowamlydyr. Köňli nurly Watan ogullaryna şöhrat bolsun!» Türkmenistanyň Prezidenti Gurbanguly BERDIMUHAMEDOW. «Mertler Watany beýgeldýär»

20 Ýanwar 2021

Jemgyýet

Serhetçiden gelen hat (hekaýa)

Şol günden soň, serhetçi esgeriň göwni bir ýerde karar tapmady. Aýsähra hat ýazmak üçin sözleriň süýjüden-süýjüsini, täsirliden-täsirlisini agtaryp başlady. Çagalyk ýyllary adam ömrüniň iň gyzykly we ýatdagalyjy ýatlamalaryndan, wakalaryndan doly döwri bolýar. Meniň size gürrüň berjek wakam hem, çagalyk ýyllarynda bile önüp-ösüp, bileje oýnap ulalan deň-duş oglan bilen gyz hakynda.

20 Ýanwar 2021

Jemgyýet