"Türkmenistanyň senagaty" žurnaly

Esaslandyryjysy: Türkmenistanyň Senagat we gurluşyk önümçiligi ministrligi
Salgysy: Aşgabat şäheri, Arçabil şaýoly 132-nji jaýy
Telefon belgileri: 39-02-03

Žurnaly PDF görnüşinde ýükläp almak

Makalalar

Akyldar şahyryň eserleri dünýäde wagyz edilýär

23-nji aprelde Türkmenistanyň Russiýa Federasiýasyndaky (Astrahan şäheri) Konsullygynda «Pähim-paýhas ummany Magtymguly Pyragy» ýylynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli maslahat geçirildi. Maslahat Türkmenistanyň Konsuly Gadam Ilamanowyň çykyşy bilen açyldy. Çäräniň dowamynda Astrahan welaýatynyň bilim ministri Mariýa Nikolaýewna Şalak nusgawy edebiýatymyzyň söz ussady Magtymguly Pyragynyň doglan gününiň 300 ýyllygy mynasybetli Türkmenistanyň Bilim ministrliginiň wekiliýeti bilen bilelikde geçirilen dabaralar hakynda täsirli çykyş etdi. Soňra Astrahan welaýatynyň daşary aragatnaşyklar ministriniň orunbasary Ilýa Wasilýewiç iki döwletiň dostlukly hyzmatdaşlygy hakynda giňişleýin beýan etdi.

24 Aprel 2024

Hyzmatdaşlyk

Türkmenistanyň Mejlisiniň wekilleri Gruziýada saparda bolýarlar

Türkmenistanyň Mejlisiniň wekilleriniň Gruziýanyň Parlamentiniň işi bilen tanyşmak maksady bilen 2024-nji ýylyň aprel aýynyň 21-ne Gruziýa tanyşlyk iş sapary başlady. Iş saparynyň ilkinji güni Mejlisiň wekilleriniň Gruziýa Respublikasynyň parlamentiniň Býujet we maliýe boýunça komitetiniň başlygynyň birinji orunbasary Gogi Meşweliani bilen duşuşygy boldy. Duşuşygyň dowamynda Gogi Meşweliani komitetiň alyp barýan işleri, şol sanda Gruziýa Respublikasynyň parlamentde döwlet býujetiniň kabul edilişiniň we ýerli öz-özüňi dolandyryş edaralarynyň işini maliýeleşdirilişiniň tertibi bilen tanyşdyrdy.

24 Aprel 2024

Hyzmatdaşlyk

Parižde halkara göçme forum badalga alýar

Tebigy gazyň gorlary boýunça dünýäde dördünji orunda durýan Türkmenistan öz uglewodorod baýlyklaryny bütin adamzadyň bähbidine gönükdirmäge çalşyp, bu ugurda halkara hyzmatdaşlygyny barha işjeňleşdirýär. Soňky ýyllarda öz ýurdumyzda, şol sanda daşary döwletlerde geçirilýän forumlar bolsa milli ykdysadyýetiň nebitgaz senagaty ýaly binýatlyk pudagyna iri kompaniýalaryňdyr işewürleriň ünsüni çekmekde, bu ugurda öňde durýan derwaýys wezipeleri, geljekki meýilleri ýakyndan ara alyp maslahatlaşmakda netijeli meýdança öwrülýär. Şu gün — 24-nji aprelde Fransiýanyň Pariž şäherinde öz işine başlaýan Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forum (TEIF — 2024) hem hut şu maksada ýetmegi nazarlaýar. Daşary ýurtlarda giň wekilçilikli işewürlik maslahatlaryny, maýa goýum forumlaryny guramak bilen, ýurduň ykdysady kuwwatyny, senagat, maýa goýum mümkinçiliklerini, olardan netijeli peýdalanmak babatda alnyp barylýan işleriň gerimini açyp görkezmek, hyzmatdaşlara ygtybarly maglumatlary bermek, ykdysady we önümçilik taslamalaryna daşary ýurt maýadarlaryny çekmek meseleleri esasy wezipe hökmünde öňe çykarylýar. Şoňa görä-de, Pariž forumyna gatnaşyjylar iki günüň dowamynda häzirki wagtda Türkmenistanyň

24 Aprel 2024

Hyzmatdaşlyk

Ankaradaky köpöwüşginli çäreler

17 — 21-nji aprelde Türkiýe Respublikasynyň Ankara şäherinde «Pähim-paýhas ummany Magtymguly Pyragy» ýyly we beýik türkmen şahyrynyň doglan gününiň 300 ýyllygy mynasybetli ýurdumyzyň döredijilik wekiliýetiniň gatnaşmagynda medeni-köpçülik çäreleri geçirildi. Onuň çäklerinde türkmen şekillendiriş sungaty eserleriniň, medeni mirasyň gymmatlyklarynyň sergisi, ussat bagşy-sazandalaryň aýdym-sazly çykyşlary ýaýbaňlandyryldy. Hormatly Prezidentimiziň «Änew — müňýyllyklardan gözbaş alýan medeniýet» atly täze kitabynyň tanyşdyrylyş dabarasy hem işjeň häsiýete eýe boldy. Ýurdumyzyň döredijilik wekiliýetiniň doganlyk ýurduň paýtagtyna saparynyň ilkinji güni Türkiýäniň Saz we şekillendiriş sungaty uniwersiteti bilen tanyşlykdan başlandy. Bu ýerde türkmen wekiliýetine ýokary okuw mekdebinde hereket edýän amaly-haşam sungaty muzeýi, döredijiligiň dürli ugurlary boýunça okuw, ylmy-barlag işleriniň alnyp barlyşy barada giňişleýin maglumat berildi. Uniwersitetiň talyplarynyň konserti hem aýratyn täsirliligi bilen tapawutlandy.

24 Aprel 2024

Hyzmatdaşlyk

Dünýe içre sarpaň belent, Pyragy!

Peder ýoluny mynasyp dowam edip, meşhur şahsyýetlerimiziň sarpasyny belent tutýan hormatly Prezidentimiziň tagallasy bilen şu günler Magtymguly Pyragynyň doglan gününiň 300 ýyllygy mynasybetli çäreler diňe bir öz ýurdumyzda däl, eýsem, daşary ýurtlarda-da giň gerime eýe. Ylmy maslahatlardyr forumlar geçirilip, akyldar şahyrymyzyň ömri we döredijiligi halkara jemgyýetçiligine wagyz edilýär. Bu ugurda Dünýä türkmenleriniň ynsanperwer birleşiginiň daşary ýurt bölümleri-de işjeňlik görkezýärler. Golaýda biz Magtymguly Pyragynyň gadamynyň düşen, bilim alan ýeri bolan Özbegistanda filosof şahyrymyzyň üç asyrlyk toýuna görülýän taýýarlyklar bilen gyzyklanyp, bu döwletdäki Respublikan Türkmen medeniýet merkeziniň ýolbaşçysy Güldäne AWEZDURDYÝEWA bilen sanly ulgam arkaly söhbetdeş bolduk.

23 Aprel 2024

Hyzmatdaşlyk

Türkmenistan «Russia Halal Expo» we «KazanForum 2024»-e gatnaşar

Türkmenistan 2024-nji ýylyň 15 — 19-njy maýynda «Kazan Ekspo» sergi merkezinde geçiriljek «KazanForum 2024» halkara ykdysady forumyna we onuň çäginde guraljak «Russia Halal Expo» sergisine gatnaşar. Bu barada kazanforum.ru habar berdi. Bu çäreler ýurt üçin maýa goýum mümkinçiligini, halal önümler pudagyndaky üstünliklerini görkezmek, işewürler gatnaşyklaryny gurmak, şeýle hem halal önümler bazaryň ösüşiniň soňky artykmaçlyklary bilen tanyşmaga ajaýyp mümkinçilik bolar.

23 Aprel 2024

Hyzmatdaşlyk

Türkmenistan Astrahanda geçiriljek halkara foruma gatnaşar

23-24-nji aprelde Astrahanda «Hazar sebitiniň ulag logistikasy 2024» atly III halkara forumy geçiriler, oňa Türkmenistanyň kompaniýalary, şol sanda deňiz söwda floty paýdarlar jemgyýeti hem gatnaşar. Bu çärä deňiz portlarynyň, terminallaryň, ekspeditorlaryň, ulag-logistika kompaniýalarynyň, ýük eýeleriniň, gämi eýeleriniň, gämi gurluşykçylarynyň, ýöriteleşdirilen birleşikleriň, maýa goýum kompaniýalarynyň, döwlet edaralarynyň we ýerli dolandyryş edaralarynyň 300-den gowrak wekiliniň gatnaşmagyna garaşylýar-diýip, «Türkmenistan: Altyn asyr» neşiri habar berdi.

23 Aprel 2024

Hyzmatdaşlyk

Ulag ulgamynda hyzmatdaşlyk etmek boýunça Türkmen-rumyn iş toparynyň mejlisi geçirildi

22-nji aprelde Rumyniýanyň Ulag we infrastruktura ministrliginiň binasynda Türkmen-rumyn bilelikdäki komissiýasynyň 3-nji mejlisi, şeýle hem Türkmen-rumyn iş toparynyň ulag pudagynda hyzmatdaşlyk etmek boýunça 4-nji mejlisi geçirildi. Türkmen wekiliýetine Türkmenistanyň Ministrler Kabinetiniň ýanyndaky Ulag we kommunikasiýalar agentliginiň ýanyndaky «Türkmenawtoulaglary» agentliginiň başlygy Guwançmyrat Akmamedow ýolbaşçylyk etdi. Mejlisiň dowamynda birek-birege ynam we özara bähbitlilik ýörelgelerine esaslanýan döwletara gatnaşyklaryň ýokary derejesi beýan edildi. Gün tertibine laýyklykda taraplar ozal gazanylan şertnamalaryň ýerine ýetirilişi we üstaşyr ulag pudagynda özara peýdaly hyzmatdaşlygyň geljegi barada belläp geçdiler. Hyzmatdaşlygyň ýokary derejesini nygtamak bilen, taraplar ulag pudagynda özara kabul ederlikli gatnaşyklary giňeltmek mümkinçiligi barada pikir alyşdylar.

23 Aprel 2024

Hyzmatdaşlyk

«Balkan» zawody halkara ülňülerine laýyk gelýän ISO şahadatnamalaryna mynasyp boldy

2024-nji ýylyň 24-29-njy mart aralygynda «Balkan» gämi gurluşyk we abatlaýyş zawody Koreýa Respublikasynyň «Global Standarts» gözegçiligi astynda ISO şahadatnamalaryny almak üçin audit geçirdi. Bu bolsa geçirilen üstünlikli barlaglaryň netijesinde 2024-nji ýylyň 16-njy aprelinde «Balkan» zawodyna ISO 9001:2015 hili dolandyrmagyň ulgamy,  ISO 45001:2018 Zähmeti goramak we tehniki howpsuzlygy üpjün etmegiň dolandyryş ulgamy we ISO 14001:2015 daşky gurşawy goramagyň dolandyryş ulgamy boýunça ISO şahadatnamalaryny alynmagynda ýardam berdi. Häzirki wagtda, «Balkan» gämi gurluşyk we abatlaýyş zawody halkara ülňülerine we talaplaryna laýyklykda Merkezi Aziýada şeýle hem Hazar sebitinde gämi gurluşyk pudagynyň ösdürilmeginde işjeň gatnaşyp, yzygiderli ösýär. «Balkan»  zawody möhüm şahadatnamalaryň kömegi bilen özüniň gazanan üstünliklerine buýsanýar.

23 Aprel 2024

Hyzmatdaşlyk

Abadançylygyň we durmuş taýdan ösüşiň bähbidine

Ministrler Kabinetiniň 12-nji aprelde sanly ulgam arkaly geçirilen mejlisinde Türkmenistanyň 2025 — 2029-njy ýyllar üçin BMG-niň Ykdysady we Durmuş geňeşiniň Durmuş ösüşi boýunça komissiýasynyň agzalygyna biragyzdan saýlanandygy barada habar berildi. Bu hoş habar ýurdumyzyň alyp barýan daşary syýasatynyň dünýä bileleşiginde giňden goldaw tapýandygynyň nobatdaky ykrarnamasy boldy. Dünýäniň iň iri, abraýly halkara guramasy bolan Birleşen Milletler Guramasy we onuň ýöriteleşdirilen edaralary bilen hyzmatdaşlygy giňeltmek hem-de işjeňleşdirmek ýurdumyzyň daşary syýasat strategiýasynyň ileri tutulýan ugurlarynyň biridir. Mälim bolşy ýaly, Türkmenistan 1992-nji ýylyň 2-nji martynda BMG-niň doly hukukly agzasy bolmak bilen, şol wagtdan bäri hem bu iri gurama bilen gatnaşyklary üstünlikli ösdürip, ähli döwletler bilen netijeli hyzmatdaşlyk saklaýar. Ýurdumyzyň syýasy, durmuş-ykdysady we medeni kuwwatyny ählumumy abadançylygyň bähbidine ulanmak babatda tagallalar edilýär. BMG ählumumy howpsuzlygy we durnukly ösüşi üpjün etmäge ukyply ýeke-täk uniwersal halkara gurama bolup durýar.

23 Aprel 2024

Hyzmatdaşlyk

Ulag diplomatiýasy: polat ýollar arkaly ýurtlary we halklary ýakynlaşdyryp

Go­laý­da paý­tag­ty­myz­da De­mir ýol­la­ryň hyz­mat­daş­ly­gy gu­ra­ma­sy­nyň (DÝHG) ag­za döw­let­le­ri­niň de­mir ýol ulag­la­ry eda­ra­la­ry­nyň ýol­baş­çy­la­ry­nyň we jo­gap­kär we­kil­le­ri­niň mas­la­ha­ty­nyň XXXVIII mej­li­si üs­tün­lik­li ge­çi­ril­di. Şu gün­ler bol­sa onuň jem­le­ri bo­ýun­ça ka­bul edi­len Aş­ga­bat Jar­na­ma­sy­nyň äh­mi­ýe­ti­ne ba­gyş­la­nan mas­la­hat­lar iş­jeň hä­si­ýe­te eýe bol­ýar. Düýn Türk­me­nis­ta­nyň Da­şa­ry iş­ler mi­nistr­li­gi­niň Hal­ka­ra gat­na­şyk­la­ry ins­ti­tu­tyn­da «Türk­me­nis­ta­nyň ulag dip­lo­ma­ti­ýa­sy­ny ös­dür­mek ba­ba­tyn­da hal­ka­ra hyz­mat­daş­ly­gy» ady bi­len gu­ra­lan mas­la­hat­da-da bu mö­hüm ugur­da ýur­du­my­zyň öňe sür­ýän baş­lan­gyç­la­ry­na aý­ra­tyn üns çe­kil­di. Mä­lim bol­şy ýa­ly, ga­dy­my dö­wür­ler­de se­bi­tiň iň mö­hüm söw­da ýol­la­ry üs­tün­den ge­çen Türk­me­nis­ta­na ýe­di ýo­luň çat­ry­gy hök­mün­de ga­ra­lyp­dyr. Tä­ze ta­ry­hy dö­wür­de ýur­du­myz Ýew­ra­zi­ýa yk­ly­my­nyň äh­li döw­let­le­ri­niň we halk­la­ry­nyň gül­läp ös­me­gi ug­run­da öza­ra bäh­bit­li söw­

23 Aprel 2024

Hyzmatdaşlyk

DÜNÝÄ WE MAGTYMGULY

Tbilisidäki baý mazmunly çäreler 17 — 20-nji aprel aralygynda Türkmenistanyň Ylymlar akademiýasynyň prezidenti A.Aşirowyň ýolbaşçylygyndaky wekiliýet Tbiliside iş saparynda boldy. Onuň çäklerinde türkmen halkynyň beýik akyldary Magtymguly Pyragynyň doglan gününiň 300 ýyllygyna bagyşlanan halkara ylmy maslahat, hormatly Prezidentimiziň kitaplarynyň tanyşdyrylyş dabarasy geçirildi.

23 Aprel 2024

Hyzmatdaşlyk

Medeniýet diplomatiýasy rowaçlanýar

Şu gün Astrahan oblastynyň Priwolžskaýa etrabynyň Funtowa obasynda ýerleşýän Magtymguly Pyragy adyndaky mekdebiniň 8-nji we 9-njy synp okuwçylarynyň arasynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli «Pähim-paýhas ummany Magtymguly Pyragy» atly temadan esse ýazmak boýunça döredijilik bäsleşigine badalga berildi. Okuwçylar ýörite meýilnama esasynda tassyklanan wagtyň dowamynda ukyp başarnyklaryny görkezerler.  ***

22 Aprel 2024

Hyzmatdaşlyk

Dost-doganlygyň aýdyň beýany

Düýn Türkmenistanyň Bilim ministrliginiň wekilýeti Astrahan oblastyna resmi iş sapary bilen geldiler. Olary Astrahan welaýatyndaky Türkmenistanyň Konsuly Gadam Ilamanow we Astrahan oblastynyň bilim ministri Mariýa Nikoloýewna Şalak hem-de resmi adamlar mähirli garşyladylar.Wekilýet hormatly Prezidentimiziň Karary esasynda «Pähim-paýhas ummany Magtymguly Pyragy» ýylynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli döredijilik mirasymyzyň gymmatlygyny dünýä ýaýmak we ýaş neslillere öwretmek ýaly asylly ýörelgelerden ugur alyp, dürli çärelere gatnaşarlar. * * *

22 Aprel 2024

Hyzmatdaşlyk

Türkmenistan — BMG: durmuş bähbitli hyzmatdaşlyk

Berkarar döwletiň täze eýýamynyň Galkynyşy döwründe hormatly Prezidentimiziň öňdengörüjilikli parasatly syýasaty netijesinde, Garaşsyz, hemişelik Bitarap Türkmenistan döwletimiziň halkara derejesinde at-abraýy has belende galýar. Hormatly Prezidentimiz Arkadagly Gahryman Serdarymyzyň baştutanlygynda täze taryhy döwürde ýurdumyzyň Birleşen Milletler Guramasy, onuň ýöriteleşdirilen edaralary bilen dürli ugurlardaky hyzmatdaşlyk gatnaşyklary has işjeň hem-de doly ynanyşmak häsiýetinde alnyp barylýar. Türkmenistan sebitde we dünýäde parahatçylygy hem-de howpsuzlygy saklamak, dünýäniň köp ýurtlary bilen dostluk we hyzmatdaşlyk gatnaşyklaryny ösdürmek, halklaryň durnukly ösüşini üpjün etmek işine uly goşant goşýar. Şu ýylyň 12-nji aprelinde Ministrler Kabinetiniň sanly ulgam arkaly geçirilen nobatdaky mejlisinde BMG-niň Ykdysady we Durmuş geňeşiniň (EKOSOS) mejlisinde Türkmenistanyň 2025 — 2029-njy ýyllar üçin BMG-niň Durmuş ösüşi boýunça komissiýasynyň agzalygyna biragyzdan saýlanylmagy baradaky hoş habaryň gelmegi, eziz Diýarymyzyň dünýä jemgyýetçiliginde at-abraýynyň belende galýandygynyň nobatdaky subutnamasy boldy.

22 Aprel 2024

Hyzmatdaşlyk

Astrahanda «Hazar sebitiniň ulag logistikasy 2024» atly forum açylýar

Ertir — 23-nji aprelde Russiýa Federasiýasynyň Astrahan şäherinde «Hazar sebitiniň ulag logistikasy 2024» atly üçünji halkara forum öz işine başlaýar. Çäre Russiýadan, Eýrandan, BAE-den, Hindistandan, Türkmenistandan, Gazagystandan, Belarusdan, Azerbaýjandan bolan dürli kompaniýalaryň hem-de wekilleriň ýüzden gowragyny bir ýere jemlär. Forumda Hazar sebitiniň ulag-logistika mümkinçilikleriniň ösüşiniň möhüm ugurlary, şol sanda ýük bazarynyň şertleri, esasy ýük akymlary, goňşy ýurtlaryň üsti bilen deňiz we gury ýer ulag ýollary barada pikir alyşmalary guramak meýilleşdirilýär. Plenar mejlisde pudak hünärmenleriniň, hususy telekeçileriň, ýöriteleşdirilen guramalaryň we döwlet edaralarynyň wekilleriniň hasabatlary diňlener.

22 Aprel 2024

Hyzmatdaşlyk

Demir ýollaryň hyzmatdaşlygy guramasynyň (OSJD) agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisiniň netijeleri boýunça AŞGABAT JARNAMASY

2024-nji ýylyň 15 — 19-njy aprelinde Aşgabatda geçirilen Demir ýollaryň hyzmatdaşlygy guramasynyň (OSJD) agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisine gatnaşyjylar, şeýle hem oňa (mundan beýläk maslahat) gatnaşan ulag-logistika kompaniýalarynyň — OSJD-ä goşulyşan kärhanalaryň wekilleri aşakdakylar barada beýan etdiler: Maslahatyň dowamynda halkara demir ýol daşamalary ulgamyndaky meseleleriň giň toplumy ara alnyp maslahatlaşyldy we halkara demir ýol daşamalaryny, ilkinji nobatda, Ýewropa bilen Aziýanyň arasyndaky gatnawlarda demir ýol arkaly daşamalary mundan beýläk-de ösdürmegiň, bu ugurda ylalaşykly ulag syýasatyny kemala getirmegiň, halkara demir ýol ulagynda kadalaşdyryjy halkara hukuk şertnamalaryny mundan beýläk-de kämilleşdirmegiň möhümdigi nygtaldy.

22 Aprel 2024

Hyzmatdaşlyk

Demir ýol ulagy pudagynda hyzmatdaşlygyň ileri tutulýan ugurlary kesgitlenildi

19-njy aprelde «Ýyldyz» myhmanhanasynda 15 — 19-njy aprelde paýtagtymyzda geçirilen Demir ýollaryň hyzmatdaşlygy guramasynyň (DÝHG) agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisi öz işini tamamlady. Ozal habar berlişi ýaly, bu wekilçilikli foruma DÝHG-ä agza döwletleriň 20-den gowragynyň, şol sanda Türkmenistanyň demir ýol we beýleki degişli edaralarynyň ýolbaşçylarydyr hünärmenleri gatnaşdylar. Gün tertibine laýyklykda, mejlise gatnaşyjylar bäş günüň dowamynda Demir ýollaryň hyzmatdaşlygy guramasynyň ýük daşamak, ýolagçy gatnatmak, infrastruktura we demir ýoluň hereket düzümi boýunça toparlarynyň, guramanyň maliýe we hasaplaşyk, şeýle-de kodlaşdyrmak we informatika barada hemişelik iş toparlarynyň 2023-nji ýylda ýerine ýetiren işleriniň netijelerini, düzümiň iş meýilnamalaryny, beýleki meseleleri ara alyp maslahatlaşdylar hem-de makulladylar.

22 Aprel 2024

Hyzmatdaşlyk

Demir ýollaryň hyzmatdaşlygy guramasynyň (OSJD) agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisiniň netijeleri boýunça AŞGABAT JARNAMASY

2024-nji ýylyň 15 — 19-njy aprelinde Aşgabatda geçirilen Demir ýollaryň hyzmatdaşlygy guramasynyň (OSJD) agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisine gatnaşyjylar, şeýle hem oňa (mundan beýläk maslahat) gatnaşan ulag-logistika kompaniýalarynyň — OSJD-ä goşulyşan kärhanalaryň wekilleri aşakdakylar barada beýan etdiler: Maslahatyň dowamynda halkara demir ýol daşamalary ulgamyndaky meseleleriň giň toplumy ara alnyp maslahatlaşyldy we halkara demir ýol daşamalaryny, ilkinji nobatda, Ýewropa bilen Aziýanyň arasyndaky gatnawlarda demir ýol arkaly daşamalary mundan beýläk-de ösdürmegiň, bu ugurda ylalaşykly ulag syýasatyny kemala getirmegiň, halkara demir ýol ulagynda kadalaşdyryjy halkara hukuk şertnamalaryny mundan beýläk-de kämilleşdirmegiň möhümdigi nygtaldy.

22 Aprel 2024

Hyzmatdaşlyk

Türkmenistan Hazar deňzinde ulag-logistikasynda öz mümkinçiliklerini görkezer

“Hazar sebitiniň ulag logistikasy 2024” atly III halkara forumy şu hepde Astrahanda geçirilip, oňa Türkmenistanyň kompaniýalary, şol sanda deňiz söwda floty paýdarlar jemgyýeti hem gatnaşar. Forumyň plenar gününde ulag pudagyna degişli hünärmenlerinden, ýagny hususy telekeçileriň, ýöriteleşdirilen birleşikleriň we döwlet edaralarynyň wekillerinden hasabatlara garaşylýar. Bu çärä deňiz portlarynyň, terminallaryň, ekspeditorlaryň, ulag-logistika kompaniýalarynyň, ýük eýeleriniň, gämi eýeleriniň, gämi gurluşykçylarynyň, ýöriteleşdirilen birleşikleriň, maýa goýum kompaniýalarynyň, döwlet edaralarynyň we ýerli dolandyryş edaralarynyň 300-den gowrak wekiliniň gatnaşmagyna garaşylýar.

22 Aprel 2024

Hyzmatdaşlyk