Çuňňur pähim-paýhasa ýugrulan il-ýurt bähbitli işleriň amala aşyrylýan zamanasynda eziz Watanymyz günsaýyn ösýär, özgerýär. Mähriban halkymyzyň her bir güni taryhy ähmiýetli wakalara beslenýär. «Halkyň Arkadagly zamanasy» ýylynda halkymyz hemişelik Bitaraplygynyň 27 ýyllyk toýuna zähmet üstünlikleri, uly toý-dabara, belent joşgun bilen barýar.
Ata Watanyň her daban ýeriniň mukaddesligine we ezizligine aňryýany bilen düşünýän bagtyýar nesiller döwletimiziň berk binýadydyr. Şoňa görä-de, ýaşlarymyz ähli güýçlerini, bilimlerini, ukyplaryny we tejribelerini eziz Diýarymyzyň depginli ösmeginiň we bütin dünýädäki abraý-mertebesiniň belende galmagynyň hatyrasyna bagyş etmelidir. Garaşsyz, Bitarap Watanymyzyň beýik geljeginiň, merdana halkymyzyň we bütin adamzadyň bagtyýarlygynyň, dünýäde parahatçylygyň bähbidine hyzmat etmek bolsa belent mertebedir we mukaddes borçdur.
