Hormatly Prezidentimiz Gurbanguly Berdimuhamedowyň Özbegistan Respublikasyna iki günlük resmi sapary üstünlikli tamamlandy. Saparyň birinji gününde, ýagny 4-nji oktýabrda hormatly Prezidentimiz Gurbanguly Berdimuhamedow Daşkent şäheriniň ajaýyp künjekleriniň birini bezeýän Garaşsyzlyk meýdançasyndaky belent ýadygärligiň etegine gül dessesini goýdy.
Şol gün dostlukly ýurduň paýtagtyndaky ägirt uly häzirki zaman toplumynda «Ýaşnabad» innowasion tehnoparkda guralan Türkmen-özbek ykdysady forumy ýokary derejedäki şu gezekki ikitaraplaýyn gepleşiklere özboluşly badalga berdi. Bu toplumda innowasiýa häsiýetli taslamalar amala aşyrylýar, dürli ugurlarda ylmy işläp taýýarlamalar we barlaglar geçirilýär.
