«7/24.tm», № 40 (71), 04.10.2021.
Türkmenistanyň Milli Geňeşiniň Mejlisiniň «Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy hormatly Gurbanguly Mälikgulyýewiç Berdimuhamedowy «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly we ýadygärlik nyşany — Altyn şaý milli manadymyz bilen sylaglamak hakynda» Karar kabul etmegi mukaddes Garaşsyzlygymyzyň şatlyk-şowhunly günleriniň dabarasyny artdyrdy. Türkmen döwletiniň ýetýän belent sepgitleriniň gözbaşynda duran Gahryman Arkadagymyz ata Watanymyzyň barha kuwwatlanmagynyň hatyrasyna gujur-gaýratly işlemekde-de, eziz Diýarymyzy gözüniň görejine deňäp söýmekde-de ösüşli ýollarda ruhubelentligi hemra edinip, öz halkyna görelde bolýar.
