Gahryman Arkadagymyzyň başlyklygynda «Türkmenistan — parahatçylygyň we ynanyşmagyň Watany» ýylynyň 25-nji sentýabrynda paýtagtymyzyň Ruhyýet köşgünde geçen Türkmenistanyň Halk Maslahatynyň mejlisi Garaşsyzlygymyzyň şanly 30 ýyllygyny mynasyp mazmun bilen baýlaşdyrdy. Bu iri çäre döwletimiziň we jemgyýetimiziň durmuşynda iň şanly wakalaryň biri hökmünde taryha ýazyldy.
Şöhratly ata-babalarymyzyň wesýet eden milli halk häkimiýetlilik ýörelgelerini dowam etdirmegiň kämil nusgasyny görkezen bu forumda ata Watanymyzda özbaşdaklyk ýyllary içinde gazanylan netijeler jemlenildi, durmuş-ykdysady we demokratik özgertmeler ýoly bilen ynamly öňe barýan ýurdumyzy mundan beýläk-de hemmetaraplaýyn ösdürmegiň esasy meseleleri ara alnyp maslahatlaşyldy.
