Mähriban ene-atalar, her ýylyň sentýabr aýynda «Ýol hereketiniň howpsuzlygy — ömrümiziň rahatlygy» atly bir aýlyk çäräni geçirmek däbe öwrüldi. Maşgala bagtynyň mizemezligine, çaga bagtyýarlygynyň egsilmezligine, jemgyýetiň sazlaşygynyň bozulmazlygyna gönükdirilen işlere her birimiz öz mynasyp goşandymyzy goşýarys. Biz bagtyýar zamanamyzda size ýol hereketiniň düzgünlerini berk berjaý etmegi maslahat berip, ýollaryňyzyň abadan bolmagyny arzuw edýäris!
Ynsan üçin iň zerur zatlaryň biri rahatlykdyr. Rahat durmuş, rahat uky, göwün rahatlygy, ýürek asudalygy islendik adamyň sagdyn ýaşamagyna, birahat bolmazlygyna oňyn täsir edýändir. Ene üçin perzentleriniň mekdebe sag-aman gidip gelmegem uly bagtdyr. Şonuň üçin mährem käbeleriň ýagşy arzuw-islegleri säher şemalyna gatylyp, jahana ýaraşyk berýändir.
