27-nji sentýabrda paýtagtymyzdaky Mejlisler merkeziniň sahnasynda sungat ussatlarynyň Türkmenistanyň Garaşsyzlygynyň 30 ýyllygyna bagyşlanan konserti geçirilip, oňa döwlet Baştutanymyz hem gatnaşdy.
Mejlisler merkeziniň ajaýyp sahnasynda dabaralanan ýokary ruhubelentlik we şatlyk-şowhun ýurdumyzyň baş baýramyny täze zähmet üstünlikleri hem-de döredijilik çykyşlary bilen garşylan türkmenistanlylaryň ýürek buýsanjynyň we bagtyýarlyk duýgularynyň beýany boldy.