Hormatly Prezidentimiziň baştutanlygynda ýurdumyzda milli demokratiýanyň, halk häkimiýetliliginiň dabaralanmagy ugrunda yzygiderli aladalar edilýär. Munuň aýdyň güwäsi hökmünde, üstümizdäki ýyldan başlap, ýurdumyzda iki palataly milli parlament ulgamynyň hereket edýändigini agzap geçmek bolar.
2019-njy ýylyň güýzünde bolup geçen Türkmenistanyň Halk Maslahatynyň taryhy mejlisinde hormatly Prezidentimiz Halk Maslahatynyň işini kämilleşdirip guramak, Halk maslahatyny we mejlisi ýurduň ýokary wekilçilikli kanunçykaryjylyk edaralar ulgamyna birikdirmek babatda teklibi öňe sürdi. Şoňa laýyklykda, Türkmenistanyň Konstitusiýasyna degişli üýtgetmeler we goşmaçalar girizmek boýunça Konstitusion topary we işçi topary döretmek teklip edildi.
