Hormatly Belent Serkerdebaşymyzyň «Türkmenistan — parahatçylygyň we ynanyşmagyň Watany» ýylynyň 15-nji sentýabrynda ýurdumyzyň adalat ministri bilen milli kanunçylygymyzy mundan beýläk-de ösdürmegiň meselelerine bagyşlanan iş maslahatyny geçirmegi «Döwlet adam üçindir!» diýen dünýä nusgalyk şygarynyň durmuş tejribesindäki beýany boldy.
Döwlet Baştutanymyzyň tagallalary bilen Diýarymyzda raýatlarymyzyň hukuk dünýägaraýşyny döwrebap derejede yzygiderli ösdürmek babatda ähli ministrlikler, edara-kärhanalar we jemgyýetçilik birleşikleri tarapyndan maksatnamalaýyn işler alnyp barylýar. Şunda kabul edilýän kanunlaryň many-mazmunyny hem-de ähmiýetini raýatlaryň arasynda düşündirmek boýunça geçirilýän çäreleriň netijeleri aýratyn ähmiýetli.
