Garaşsyz döwletimizde ýaýbaňlandyrylan sagdyn we işjeň durmuş ýörelgelerini wagyz etmek boýunça toplumlaýyn çäreleriň üstünliklere beslenýändigine bu ugurda gazanylan anyk netijeler hem şaýatlyk edýär. Gahryman Arkadagymyzyň göreldesine eýerip, raýatlaryň köpüsi, şol sanda çagalar we ýaşlar sportuň dürli ugurlary bilen yzygiderli meşgullanýarlar.
Hormatly Prezidentimiz dynç güni ir bilen Köpetdagyň eteklerinde welosipedli gezelenç etdi, şeýle hem ahalteke bedewleri bilen didarlaşdy.
