2-nji awgustda hormatly Prezidentimiz Gurbanguly Berdimuhamedow sanly ulgam arkaly welaýatlaryň hem-de olaryň etraplarynyň häkimleri bilen iş maslahatyny geçirdi. Onda ýurdumyzda ýaýbaňlandyrylan giň gerimli özgertmeleri amala aşyrmak, şeýle hem möwsümleýin oba hojalyk işlerini geçirmek hem-de ata Watanymyzyň Garaşsyzlygynyň 30 ýyllygyny bellemäge taýýarlyk görmek bilen bagly meseleler ara alnyp maslahatlaşyldy.
Döwlet Baştutanymyz maslahatyň gün tertibini yglan edip, sanly ulgam arkaly Ahal, Balkan, Daşoguz, Lebap welaýatlarynyň hem-de bu sebitleriň etraplarynyň häkimleriniň hasabatlaryny diňledi.
